Oilaning bolalarni iqtisodiy munosabatlarga tayyorlashdagi o’rni. Zamonaviy sharoitda yosh avlodning chuqur iqtisodiy bilimlarga ega bo’lishi
muhim o’ziga xos dolzarblik kasb etadi. Binobarin, bozor sharoitida iqtisodiy
bilimlardan xabardor bo’lmaslik barcha (ayniqsa, kasbiy faoliyat, savdo-sotiq va
iste’molchi sifatida maishiy xizmat ko’rsatish) sohalarida sust faoliyat ko’rsatishga
olib keladi. Shu sababli ota-onalar oilada ham bolalar tomonidan iqtisodiy
bilimlarning o’zlashtirilishi uchun sharoit yaratib bera olishlari lozim. Bunda oila
iqtisodiyoti (oila xo’jaligini yuritish) va byudjetini shakllantirish jarayoniga
farzandlarni bevosita jalb etish, qolaversa, ularda pul mablag’lariga nisbatan ijobiy
munosabatni shakllantirish, “o’zining shaxsiy hamda oila a’zolarining buyumlari,
shuningdek, oila mulkiga nisbatan mas’uliyatli yondashishga”
85 o’rgatib borish
zarur. Samarali tashkil etilgan iqtisodiy tarbiya natijasida bolalar “pulning inson
mehnatiga to’lanadigan qiymat ekanligini tushuntirib berish, uni oilaning eng
muhim ehtiyojlari uchun ishlatish lozimligini”
86 tushunib etadilar.
Nazorat savollari: 1. Oilada tashkil etiladigan ma’naviy-axloqiy tarbiyaning maqsadi nimadan
iborat?
2. Ota-onalar oila sharoitida aqliy tarbiyani tashkil etishda nimalarga e’tiborni
qarata olishlari lozim?
3. Sizningcha, bolalarda mehnatsevarlik xislatini shakllantirish oson kechadimi?
4. Oilada bolalarni estetik ruhda tarbiyalashda nimalar e’tiborga olinishi zozim?
4. Oilada jismoniy tarbiyani tashkil etish qanday holatlarda samarali kechadi?
5. Oila tarbiyasi negizida jinsiy tarbiya va uni samarali tashkil tashkil etish
qanchalik muhim?
6. Farzandlarning ekologik ongga ega bo’lishlari uchun ota-ona qanday yo’l
tutishlari zarur?
7. Oila muhitida bolalarni huquqiy savodxon qilib tarbiyalash mumkinmi?
8. Oilaning bolalarni iqtisodiy munosabatlarga tayyorlashdagi o’rni qanday?
