Lom- Loviya- bir yillik dukkakli o`simlik. Loviyaning 150 dan ortiq turi bor bo`lib, turli mamlakatlarda ekiladi. Ulardan eng ko`p tarqalgani odiy loviya. Loviyal;ar serhosil don olish uchun sabzavot ekini, ba`zan esa gulli o`simlik va ko`kat sifatida ekiladi. U oqsilga boy sabzavot ekini hisoblanadi. Loviya mevasi ko`k paytda ham, qurib pishgan paytda ham ovqatga solinadi. Uning poyasi ham yotib, ham chirmashib o`sadi.
Loyqa- Loyxo`rak-() soy sohillariu, botqoqliklar va ko`llarda yashovchi qush. Uning uzun to`g`ri tumshug`i bor, oyoqlari nisbatan katta. Voyaga yetgan qushlar boshining usti qo`ng`ir-qora bo`ladi. Tanasining ustki tomoni qo`ng`ir-sariq tusda bo`lib, qo`ng`ir rangli xollari bor. Tanasining uzunligi 280-290 mm, og`irligi esa 85-150 g gacha keladi. Afrika va Osiyoning issiq qismlarida qishlaydi. Loyxo`rak chuvalchang, shiliqqurt, qo`ng`izlar va ularning lichinkalari bilan oziqlanadi. Ba`zi o`simliklarning urug`lari bilan ham oziqlanadi.
Ma`lumot- Ma`lumotnoma- Ma`muriy xarita- Machin- bo`yi 15 – 75 sm keladigan bir yillik o`simlik. Iyun – iyulda gullab, iyul – oktabrda meva tugadi. Sug`oriladigan ekinlar ichida o`sadigan bu begona o`t tomorqa va bog`larda ham uchraydi. Bu o`simlik yurtimizning barcha hududlarida tarqalgan.
Madaniy meros- Madaniy o`simlik- inson tomonidan oziq-ovqat mahsulotlari, sanoat uchun xom ashyo olish, chorva mollari uchun ozuqa tayyorlash, turar joy hamda atrof muhitni ko`kalamlashtirish va boshqa maqsadlarda yetishtiriladigan o`simliklar. Madaniy o`simliklarning turlari, shakllari va navlari har xil bo`lib, ular yovvoyi ajdodlarini xonakilashtirish, mavjud madaniy o`simlik bilan duragaylash, keyinchalik esa seleksiya usuli orqali yaratilgan. Madaniy o`simliklarning ko`pchiligi - makkajo`xori, bug`doy, sholi, soya, shakarqamish, tok va boshqa o`simliklar qadim-qadimdan yetishtirib kelinadi. Yovvoyi o`simliklarning taxminan 2,5 ming turi madaniylashtirilgan. Ularning ko`pchiligi qishloq xo`jaligi ekinlari.
