Jajji Zumradoylar Dono buvi huzurida”

(Buvi va qizaloq suhbati)

• 
  Oila qanday dargoh?
  
• 
  Oila muqaddasdir.
  

Yashasak bizlar inoq,

Bu barchaga havasdir.

• 
  Xonadonda kim katta?
  
• 
  Kattalar buvim bobom.
  

Ota – onam ularga,

Ko`rsatarlar ehtirom.

• 
  Ota – ona qanday so`z?
  
• 
  Ota – ona mo`tabar.
  

Kamol topsin bolam, deb

Mehnat qilar shom – sahar.

• 
  Aka – uka, singil kim?
  
• 
  Ularmi? Ular qondosh.
  

Hamjihatlik hamisha,

Qondoshlarga chin yo`ldosh.

• 
  Baxtning asosi nima?
  
• 
  U, o`zaro ahillik.
  

Esli qiz ukasiga,

Qilmas sira baxillik.

• 
  Mahalla qanaqa joy?
  
• 
  U misoli chamandir.
  

Oila va mahalla.

Vatan ichra vatandir.

• 
  Vatan-chi, Vatan nima?
  
• 
  Kindik qon to`kilgan joy.
  

Bevatanlar xarobdir,

Vatani bor kishi boy.

Buvi: Rahmat sizga qizginam,

Ulg`ayib bo`ling dono.

Javobingiz xo`p a’lo.

Sizga katta “besh” baho.

Buvi: Qimmat, qizim senga ham besh baho. Bundan keyin faqat yaxshi qiz bo`lishga va’da berasanmi?

Qimmat: Endi men doimo aqlli qiz bo`lishga va’da beraman. Raxmat sizga buvijon. Men hovlini supurib chiqsam maylimi.

Qizlar: Biz yordam beramiz.
(Musiqa yangrab qizlar hovlini tartibga keltirishadi. So`riga ko`rpachalar to`shaydilar va birgalikda dasturxon atrofiga yig`ilishadi).
Qizlar: (Kirishadi) Mana biz somsalarni pishirib keldik.

Buvi: Qaranglar qizlarim, toza, ozoda hovlida birgalikda o`tirish qanday yaxshi. Hammangizning onangizga raxmat. Bugun men sizlarga qiz bolalar uchun kerakli bo`lgan mana bu kitoblarni taqdim etaman. Hozircha opalaringiz yoki onajonlaringiz sizga o`qib berishadi. Katta bo`lib maktabga borib o`qishni o`rganganingizdan so`ng o`zingiz bemalol o`qib olasiz.
(Kitoblarda qatnashchilarning onalariga qizlarining tarbiyasi uchun minnatdorchilik bildirib yozilgan raxmatnoma kelgusida onalarning ta’lim muassasasi bilan hamkorlik ishlarini kuchayishiga olib keladi deb umid qilamiz).


FOYDALANILGAN ADABIYOTLAR:

1. 
   “Zumradoylar davrasi” yo`riqnomasi.
   
2. 
   “Bola aziz, odobi undan aziz”. Shuhrat Shon. 2016 yil.