Izoh: Kasb-hunar kollejlarning o‘quv rejalari tayyorlov yo‘nalishlari, kasblar va
ixtisosliklarning o‘ziga xos xususiyatlaridan kelib chiqqan holda alohida tuzilib, kasbiy ta’lim
fanlari (umumkasbiy va maxsus fanlar)ga, o‘quv va ishlab chiqarish amaliyotiga ajratilgan soatlar
miqdori umumiy ajratilgan soatlar hajmiga nisbatan 10% gacha o‘zgarishi mumkin.
DTSlari tasdiqlangan paytda umumta’lim blokida 20ta fan mamvjud edi.
Shuning uchun ham «Umumta’lim fanlari» DTSda 20ta fan keltirilgan va bunga
umumiy 1940 soat ajratilgan. Keyinchalik «Umumta’lim fanlar» blokiga yana 3 ta
fan, ya’ni «Milliy istiqlol g‘oyasi: asosiy tushuncha va tamoyillar», «O‘zbekiston
konstitutsiyasi» hamda “Iqtisodiy bilim asoslari” fanlari kiritildi va umumiy soat
1994 ga yetkazildi.
O‘quv dasturlarni ishlab chiqish
O‘quv dasturlari alohida o‘quv predmetlari bo‘yicha bilim, ko‘nikma va
malakalar mazmuni va hajmini, ularni o‘rganish ketma-ketligini belgilaydi.
O‘quv me’yoriy xujjatlardan biri o‘quv dasturidir.
O‘rta maxsus, kasb-hunar ta’limining tayanch o‘quv rejasi davlat ta’lim
standartining tarkibiy qismi bo‘lib, u ta’lim sohalarini me’yorlashga hamda o‘quv
muassasasinng moliyaviy ta’minotini belgilashga asos bo‘ladigan davlat xujjatidir.
Tayanch o‘quv rejasi o‘quv predmeti bo‘yicha beriladigan ta’lim mazmunini
o‘quvchiga yetkazish uchun ajratilgan o‘quv soatlarining minimum hajmdagi
miqdorini ifodalaydi. U muayyan o‘quv predmeti bo‘yicha davlat standartlariga
muvofiq beriladigan ta’lim mazmunini aniqlashga asos bo‘ladi.
O‘quv dasturlarining tuzilish
2. Kasb-hunar ta’limi mazmunini tanlash mezonlari
Kasb-hunar
ta’limi
ta’lim
muassasalaridagi
pedagogik
jarayon,
o‘quvchilarning imkoniyatlari va qiziqishlarini hisobga olgan holda, ularning jadal
intellektual kasbga yo‘naltirilgan ta’lim olishiga, kasb-hunarga moyilligi, bilim va
ko‘nikmalarini chuqur rivojlantirish, tanlab olingan kasb-hunar bo‘yicha bir yoki bir
necha ixtisosni egallash imkonini berishga qaratilgan o‘qituvchi va o‘quvchilarning
birgalikdagi faoliyatini, ta’lim oluvchilarning bilim, amaliy ko‘nikma va malakalarni
egallash hamda ularni amaliyotga qo‘llashni o‘z ichiga qamrab oladi.
Samarali o‘qitishning muhim shartlari: ta’lim oluvchilarning qiziqish
faoliyatining aktivligini o‘quv jarayonining sifati deb qarash lozim. Bu esa o‘z
navbatida ta’lim oluvchining o‘qishga bo‘lgan munosabatini, uni samarali
o‘zlashtirishga, bilim va malakasini oshirishga intilishi, o‘z navbatida mehnat qilishga
bo‘lgan irodaviy jihatlarni rivojlantirishga va olgan bilimlaridan estetik qoniqishga
olib keladi.
Fanning nomi:
1. Tushuntirish xati.
2. Fanning maqsadi:
3. Fanning mazmuni.
4. Namunaviy mavzular rejasi.
5. O’qitish vositalari.
61
Ta’lim oluvchining xarakteriga mos ravishda ularning bilim egallashga intilishi
va aktivligi darajalari turlicha bo‘ladi. Lekin shu bilan birga ta’lim oluvchilar passiv
bo‘lsa, o‘qitish jarayonini amalga oshirish qiyin kechadi.
Ta’lim oluvchining berilayotgan bilimlarni qabul qilish aktivligi uning shaxs
sifatida shakllanishiga ham ta’sir ko‘rsatadi. Natijada ta’lim oluvchida o‘z-o‘ziga,
mehnatiga, boshqa shaxslarga, jamiyatga, ishlab chiqarishga, atrof muhitga
munosabati shakllanib boradi.
Talim jarayoni samaradorligiga ta’sir qiluvchi eng muhim omillardan biri
o‘quv materialining ma’zmuni va uning to‘g‘ri tanlanishi.
Beriladigan bilim mazmuni o‘quv dasturi, Davlat ta’lim standartida
belgilangan bo‘lib, uning tarkibini ijtimoiy – iqtisodiy maqsadlar, davlat buyurtmasi,
pedagogik tizim belgilaydi. Pedagogik jarayon faqat ta’limning mazmunliligiga emas,
balki uning qonuniyligiga ham ta’sir ko‘rsatadi.
a)
pedagogik jarayonning maqsadi va vazifalariga qarab mazmun
belgilanmasa, ta’lim oluvchilarning o‘zlashtirishlari qiyin kechadi va pedagogik
jarayondagi nazariya bilan amaliyot orasida bog‘liqlik yo‘qoladi.
b)
guruhdagi o‘quvchilarning shaxsiy imkoniyatidan kelib chiqib o‘qituvchi
pedagogik jarayonning o‘zaro bog‘liqligini buzmagan holda dasturga mantiqiy
o‘zgartirishlar kiritib ta’lim maqsadiga erishiladi. Ko‘pincha o‘quv jarayonining sifati
butun pedagogik jarayonidan samaradorlikka bog‘liq.
Yangi demokratik jamiyat qurish jarayonida ta’limning mazmunini tanlashda
jamiyat ehtiyojlaridan kelib chiqib quyidagilarga amal qilinadi:
ilmiy bilimlarni yetakchi roli to‘g‘risidagi qoidaga;
insoniyatning madaniy-ma’rifiy merosi boyliklarini, umuminsoniy
qadriyatlarini egallab olish haqidagi «Milliy dastur» ko‘rsatmalari;
tarbiyalanuvchi shaxsni barkamol avlod qilib rivojlantirish, iymon-
e’tiqodini, ilmiy dunyoqarashini tarkib toptirish;
ilmiy hayot bilan, yangi demokratik jamiyat qurilishi tajribasi bog‘liqligi
haqidagi qoidaga;
ta’limning bir maqsadga qaratilganligi;
ta’lim sohasidagi davlat siyosatining asosiy prinsiplariga va didaktik
prinsiplarga muvofiqligiga.
Shu nuqtai nazardan ta’lim mazmunining tuzilishi quyidagi tamoyillarga
asoslanadi:
1. Ta’lim mazmunining davlat ijtimoiy-kasbiy rivojlanishi yo‘nalishlariga
bog‘liqlik tamoyili.
2. Yoshlarni vatanparvarlik ruhida tarbiyalash tamoyili.
3. Fanlararo kompleks aloqalar tamoyili.
4. Kasblarga yo‘naltirish tamoyili.
5. Ta’lim mazmunini tanlashda ustuvor va o‘zgaruvchan qismlarga bo‘lib
tanlash tamoyili.
6. Ta’lim mazmunini unifikatsiyalash va tabaqalashtirish tamoyili.
Yangi demokratik jamiyat qurayotgan Respublikamizda ta’limning mazmuni
quyidagi yo‘llar bilan takomillashtirish nazarda tutiladi:
62
Fan- texnika taraqqiyotidagi va tajribadagi eng yangi muvaffaqiyatlarni aks
ettirish orqali;
ikkinchi darajali va ortiqcha murakkablashtirilgan materialdan qutilish,
yangi eng zarur materiallarni ta’lim mazmuniga kiritish orqali ;
o‘rganilayotgan fanlar ro‘yxatini va materiallar hajmini aniqlash hamda
o‘quvchi-yoshlar, albatta, o‘zlashtirib olishi kerak bo‘lgan malaka va
ko‘nikmalarning optimal hajmini belgilash orqali;
o‘quv fanlariga oid asosiy tushunchalarni va yetakchi g‘oyalarni juda ham
aniq bayon qilish orqali;
o‘quvchilarni yangi pedagogik texnologiyalardan foydalanib, kompyuter
savodxonligi, zamonaviy texnika va texnologiyalar sohasidagi va boshqa bilimlar
bilan qurollantirish hamda shu texnologiyalardan foydalanish ko‘nikmalari hosil
qilish orqali.
3. O‘rta maxsus kasb-hunar ta’limi o‘quv muassasalari turlari va ulardagi
ta’lim -tarbiya jarayoni
“Ta’lim to‘g‘risida”gi Qonunning 6-moddasiga binoan ta’lim muassasalarining
maqomi quyidagicha belgilangan:
- Ta’lim muassasasini akkreditatsiyalash vakolatli davlat organi tomonidan
attestatsiyaga asosan amalga oshiriladi;
- Ta’lim muassasasi yuridik shaxs bo‘lib, qonun xujjatlarida belgilangan
tartibda barpo etiladi. Nodavlat ta’lim muassasasi O‘zbekiston Respublikasi Vazirlar
Mahkamasi belgilagan tartibda davlat akkreditatsiyasidan o‘tgan paytdan boshlab
yuridik shaxs dars va ta’lim faoliyati bilan shug‘ullanish huquqiga ega bo‘ladi;
- Ta’lim muassasasi qonun xujjatlariga muvofiq ishlab chiqilgan ustav asosida
faoliyat ko‘rsatadi;
- Ta’lim muassasasi attestatsiya natijalariga binoan davlat akkreditatsiyasidan
mahrum etilishi mumkin;
- Ta’lim muassasalari o‘quv-tarbiya majmualariga hamda o‘quv-ilmiy ishlab
chiqarish birlashmalari va uyushmalariga birlashishga xaqli;
-
Ta’lim muassasalari ustavda belgilangan vazifalariga muvofiq pulli
ta’lim xizmatlari ko‘rsatish, shuningdek tadbirkorlik faoliyatining boshqa turlari bilan
shug‘ullanishga xaqli.
O‘rta maxsus, kasb-hunar ta’limi o‘quv muassasalari ham yuqorida
ko‘rsatilgandek ta’lim muassasasi maqomiga ega. O‘rta maxsus, kasb-hunar ta’limi
tegishli tarmoq DTSlar asosida o‘rta maxsus, kasb-hunar ta’limi o‘quv
muassasalarida amalga oshiriladi. O‘zbekiston Respublikasida o‘rta maxsus, kasb-
hunar ta’limi o‘quv muassasalarining quyidagi turlari faoliyat ko‘rsatadi.
1. Akademiy litseylar.
2. Kasb-hunar kollejlari.
Bu ta’lim muassasalarida yoshlarga majburiy o‘rta maxsus, kasb-hunar ta’limi
beriladi.
Umumiy o‘rta ta’lim negizida muddati uch yil bo‘lgan majburiy o‘rta maxsus,
kasb-hunar ta’limi uzluksiz ta’lim tizimidagi mustaqil turdir. O‘rta maxsus, kasb-
63
hunar ta’limi yo‘nalishi – akademik litsey yoki kasb-hunar kolleji o‘quvchilar
tomonidan ixtiyoriy tanlanadi.
Akademiy litsey – davlat ta’lim standartiga muvofiq o‘rta maxsus ta’lim
beradi. O‘quvchilarning imkoniyatlari va qiziqishlarini hisobga olgan holda ularning
jadal intellektual kasbga yo‘naltirilgan ta’lim olishini ta’minlaydigan o‘rta maxsus,
kasb-hunar ta’limi o‘quv muassasasi hisoblanadi.
Kasb-hunar kolleji - tegishli davlat ta’lim standartlari doirasida o‘rta maxsus,
kasb-hunar ta’limi beruvchi, o‘quvchilarning kasb-hunarga moyilligi, bilim va
ko‘nikmalarini chuqur rivojlantirish, tanlab olingan kasb-hunar bo‘yicha bir yoki bir
necha ixtisosni egallash imkonini beradigan o‘rta maxsus, kasb-hunar ta’limi o‘quv
muassasasi hisoblanadi. Kasb-hunar kollejlari jihozlanganlik darajasi, pedagogik
tarkibini tanlanganligi, o‘quv jaryoniining tashkil etilish jihatidan yangi tipdagi ta’lim
muassasalari hisoblanadi.
Ular bir yoki bir necha zamonaviy kasb-hunarni egallash hamda tegishli o‘quv
fanlaridan chuqur nazariy bilimi olish imkonini beradi.
Akademik litselar va kasb-hunar kollejlarida ta’lim olish o‘quvchilarga o‘z
bilimilarini chuqurlashtirish va tanlagan ixtisosliklarga ega bo‘lishini ta’minlaydi.
O‘z- o‘zini tekshirish uchun savollar:
1. Davlat ta’lim standartlarining maqsadini aytib bering.
2. Davlat ta’lim standartlarining vazifalarini aytib bering.
3. O‘rta maxsus, kasb-hunar ta’limi davlat ta’lim standartlarining vazifalari
nimalardan iborat?
4. Ta’lim mazmunining tuzilishi qaysi tamoyillarga asoslanadi?
5. “Ta’lim to‘g‘risida”gi Qonunning 6-moddasiga binoan ta’lim muassasalarining
maqomi qanday belgilangan?
6. O‘rta maxsus, kasb-hunar ta’limi o‘quv muassasalarining turlarini aytib bering.
2.4. KASBIY TA’LIM TIZIMLARINING QIYOSIY TAHLILI
(CHET EL TAJRIBASI SIFATIDA)
Reja:
1. Kasbiy ta’limga tegishli ilg‘or chet el tajribasini o‘rganish bo‘yicha
qiyosiy izlanishlar olib borishning maqsadi va mazmuni.
2. Germaniya, Fransiya, AQSH, Italiya va Yaponiya mamlakatlarida
kasbiy ta’lim.
3. Hamdo‘stlik mamlakatlarida kasbiy ta’lim.
1. Kasbiy ta’limga tegishli ilg‘or chet el tajribasini o‘rganish bo‘yicha qiyosiy
izlanishlar olib borishning maqsadi va mazmuni
Butun dunyo miqiyosidagi, ayniqsa, rivojlangan davlatlardagi ta’lim, jumladan
kasbiy ta’lim sohasidagi ishlar, bu sohadagi yangiliklar, olib borilayotgan ilmiy
tadqiqot ishlari barcha mamlakatlar qatori bizning mamlakatimizda ham o‘rganilib,
ular tajribasini o‘z amaliyotimizga tatbiq qilib borilmoqda.
Kasbiy ta’limga tegishli ilg‘or chet el tajribasini o‘rganish bo‘yicha izlanishlar
?
64
olib borish natijalarini jahon ta’lim jarayoniga tatbiq etishda mazkur davlatlarning
tegishli tashkilotlari bilan bir qatorda xalqaro tashkilotlar ham bir qator ishlarni
amalga oshirmoqda.
Jumladan, YUNESKO tashkilotining tashkil topishi va fan texnika
taraqqiyotini, ta’lim sohasini rivojlantirish bo‘yicha olib borayotgan ishlari diqqatga
sazovordir.
YUNESKO Birlashgan Millatlar Tashkilotining ta’lim, fan, madaniyat
masalalarini rivojlantirishga ixtisoslashtirilgan tashkiloti bo‘lib, u 1946 yilda tashkil
etilgan. BMT ikkinchi jahon urushidan keyin suveren davlatlarning ixtiyoriy
birlashuvi asosida jahonda tinchlik va xavfsizlikni saqlash hamda davlatlar o‘rtasida
tinch hamkorlikni rivojlantirish maqsadida tuzilgan. BMT o‘zining tuzilishiga ko‘ra
Bosh Assambleya (Yalpi majlis), Xavfsizlik kengashi, Xalqaro sudga ega. Bulardan
tashqari BMTning doimiy amalda bo‘lgan faoliyatini Kotibiyat olib boradi va uning
ishini Bosh Assambleya saylab qo‘ygan Bosh Kotib boshqarib boradi.
Bosh Assambleya har yili jahon siyosatining dolzarb muammolarini
muhokama qiladi va bu masalalar bo‘yicha BMTga a’zo bo‘lgan davlatlarga yoki
Xavfsizlik Kengashiga tavsiyalar beradi.
YUNESKO faoliyati o‘ta xilma-xil va ko‘p qirralidir. Uning ta’lim sohasidagi
ishlari ko‘p yo‘nalishlarda olib boriladi. Jumladan, rivojlanayotgan mamlakatlarda
savodsizlikni tugatish, jahon ta’limi rivojlanishidagi tendensiyalarni tahlil qilish va
uni ommalashtirish, u yoki bu mamlakatda ta’lim bo‘yicha olib borilayotgan
siyosatni, ayrim ilmiy izlanishlarni ham moddiy, ham ma’naviy rag‘batlantirish va
boshqalar.
Fan va texnologiyani rivojlantirish borasida YUNESKO bir qator davlatlararo
dasturni amalga oshirdi. Bu dastur asosan, ekologik muhitni yaxshilash, atrof-muhitni
muhofaza qilish, ta’lim sohasini rivojlantirishning dolzarb muammolari bilan
bog‘liqdir.
Har bir jamiyatning kelajagi uning ajralmas qismi va hayotiy jihati bo‘lgan
ta’lim tizimining qay darajada rivojlanganligi bilan belgilanadi. Bugungi kunda
mustaqil taraqqiyot yo‘lidan borayotgan mamlakatimizning uzluksiz ta’lim tizimini
isloh qilish va takomillashtirish, yangi sifat bosqichiga ko‘tarish, unga ilg‘or pedagogik
va axborot texnologiyalarini joriy qilish hamda ta’lim samaradorligini oshirish davlat
siyosati darajasiga ko‘tarildi. «Ta’lim to‘g‘risida»gi Qonun va «Kadrlar tayyorlash
milliy dasturi»ning qabul qilinishi bilan uzluksiz ta’lim tizimi orqali zamonaviy kadrlar
tayyorlashning asosi yaratildi.
Ta’limga, jumladan kasbiy ta’limga tegishli ilg‘or chet el tajribasini o‘rganish
bo‘yicha qiyosiy izlanishlar olib borishning maqsadi quyidagilardan iborat:
- kasb-hunar ta’limi tarixi, metodologik asoslari va rivojlanish istiqbollari,
ilg‘or pedagogik tajribalarni tahlil etish va umumlashtirish talim jarayonida o‘qitish
vositalarini keng qo‘llash, DTSlari, rejalar va dasturlar mazmunini tahlil etish va
boshqalar bo‘yicha ilg‘or chet el tajribasini o‘rganish va ularni ta’lim tizimimizga
qo‘llash orqali o‘z milliy ta’lim tizimiimizni takomillashtirish;
- «Ta’lim to‘g‘risida»gi O‘zbekiston Respublikasi Qonuniga muvofiq ta’lim
tizimini isloh qilish, davlat va nodavlat ta’lim muassasalari hamda ta’lim va kadrlar
65
tayyorlash sohasida raqobat muhitini shakllantirish negizida ta’lim tizimini izchil
rivojlantirishni ta’minlash;
- ta’lim va kadrlar tayyorlash tizimini jamiyatda amalga oshirilayotgan
yangilanish, rivojlangan demkoratik huquqiy davlat qurilishi jarayoniga moslash va
ta’lim tizimi muassasalarini yuqori malakali mutaxassislar bilan ta’minlash;
- kadrlar tayyorlash tizimi va mazmunini mamlakatning ijtimoiy va iqtisodiy
taraqqiyoti istiqbollaridan, jamiyat ehtiyojlaridan, fan, madaniyat, texnika va
texnologiyaning zamonaviy yutuqlaridan kelib chiqqan holda qayta qurish, uning
amalda faoliyat ko‘rsatishi va barqaror rivojlanishining kafolatlarini, ustuvorligini
ta’minlovchi normativ, moddiy-texnika va axborot bazasini yaratish;
- ta’lim tizimiga chet el investitsiyalari jalb etishni amaliyotga joriy etish va
o‘zaro manfaatli xalqaro hamkorlikni rivojlantirish.
Kasbiy ta’limga tegishli ilg‘or chet el tajribasini o‘rganish bo‘yicha qiyosiy
izlanishlar olib borishning mazmuni.
O‘rta maxsus, kasb-hunar ta’limiga tegishli chet el tajribasini o‘rganish
bo‘yicha izlanishlar quyidagi asosiy yo‘nalishlarda olib borilishi mumkin:
- kasb-hunar ta’limining uzluksizligini ta’minlash uni mazmunan isloh qilish
va takomillashtirish;
- kasb-hunar ta’limi tizimini oqilona boshqarish;
- kasb-hunar ta’limi sifatini nazorat qilish tizimini shakllantirish;
- kasb-hunar ta’limi tizimining yaxlit axborot makonini vujudga keltirish va
xizmati ko‘rsatish bozorini rivojlantirish;
- kasb-hunar ta’limining fan, ishlab chiqarish bilan integratsiyasini
rivojlantirish;
- kasb-hunar ta’limi va kadrlar tayyorlash sohasidagi chet ellar bilan xalqaro
hamkorlikni ta’minlash va boshqalar.
2. Rivojlangan xorijiy davlatlar (Germaniya, Fransiya, AQSH, Italiya va
Yaponiya)dagi kasbiy ta’lim
Rivojlangan mamlakatlarda pedagogik tadqiqotlarni amalga oshiradigan ko‘p
sonli ilmiy muassasalar ishlab turganligi, Germaniya, Fransiya, AQSH, Yaponiyada
ta’lim tarbiya nazariyasi muammolari bilan yuzlab davlat va xususiy tashkilotlar,
Universitetlar, pedagogik tadqiqot markazlari shug‘ulanayotganligi ko‘pchiligining
faoliyati o‘quv dasturini takommillashtirish va qayta qurishga qaratilganligiga e’tibor
qaratiladi.
O‘quv dasturlarini qayta ko’rib chiqish, o‘zgartirish ikki asosiy yo‘nalishda:
ekstensiv va intensiv usul bilan amalga oshirilgan bo‘lib, talabalar ushbu yo‘nalishlar
mohiyatini o‘rganishlari lozim.
Birinchi holatda o‘quv muddati uzaytiriladi, o‘quv materiallari hajmi
ko‘paytiriladi; ikkinchi holda esa mutlaqo yangi dastur yaratiladi. Bu o‘rinda ikkinchi
yo‘l, ko‘pchilik mutaxassislarning e’tiroficha maqbul hisoblanadi.
1961 yilda "Bosh yangi bazis" tamoyillari asosida AQSH o‘rta maktablarni
islohot qilish boshlangan edi.
66
Buning mohiyati shundaki, ingliz tili va adabiyoti (to‘rt yil), matematika (to‘rt
yil), tabiiy bilimlar (uch yil), ijtimoiy fanlar (uch yil), kompyuter texnikasi (yarim yil)
kabilardan iborat besh yo‘nalishdagi majburiy ta’lim joriy qilindi.
Har bir yo‘nalish o‘z navbatida bir necha qismga bo‘linadi. Masalan,
matematika, algebra, trigonometriya, ish yuritish, kompyuter texnikasini qo‘llashdan
iborat barcha majburiy predmetlar tarkibiga yangi kurslar kiritildi. 1985 yildan
etiboran barcha yuqori bosqich kollejlarning to‘qson foizi shu besh bazisli tamoyillar
asosidagi dasturlar bilan ish olib bormoqdalar. Natija: majburiy tayyorgarlik bo‘yicha
ta’lim hajmi qisqardi, shu bilan bir qatorda dastur chuqurlashtirilib o‘rganiladigan
kurslar hisobiga tig‘izlashtirildi.
XX asrning 80-yillarida majburiy ta’lim hajmini qisqartirish jarayoni yanada
chuqurlashtirildi. Xatto ayrim kollejlarda bu sohada uch yangi: ingliz tili va adabiyoti,
matematika, ijtimoiy bilimlar bazislari asosida ish olib borilmoqda. Ta’limning
boshqa turlari esa ixtisoslashtirish davrigacha amalga oshiriladigan bo‘ldi.
80 yillardan boshlab AQSHda o‘rganilishi majburiy bo‘lgan fanlar doirasi
kengaytirildi. Ingiliz tili va adabiyoti, matematika va tabiiy fanlar o‘quv setkasining
yadrosini tashkil etadigan bo‘ldi. Qolgan predmetlarni tanlab olish o‘quvchilar va ota-
onalar ixtiyorida qoldirildi.
Germaniya to‘liqsiz o‘rta maktablarida asosiy predmetlar bilan bir qatorda
tanlab olinadigan ximiya, fizika, chet tillari kiritilgan o‘quv dasturlari ham amalga
oshirilayapti. Bu o‘quv dasturi tobora to‘liqsiz o‘rta maktab doirasidan chiqib, o‘rta
maktablar va gimnaziyalarni ham qamrab olmoqda.
Fransiya boshlangich maktablarida ta’lim mazmuni ona tili va adabiyoti hamda
matematikadan iborat asosiy, tarix, geografiya, axolishunoslik, tabiiy fanlar, mehnat
ta’limi, jismoniy va estetik tarbiya kabi yordamchi predmetlarga bo‘linadi.
Yaponiya maktablari ikkinchi jahon urushidan keyinoq Amerika ta’limi
yo‘lidan bordi. Lekin shunga qaramay, bu ikki mamlakat o‘quv dasturida qator
farqlar ko‘zga tashlanadi. Yaponiyada o‘quv dasturlari jiddiy murakkablashtirilgan
asosiy fanlar majmui ancha keng, bir qator yangi maxsus va o‘quv fakultativ kurslar
kiritilgan.
Aftidan, rivojlangan davlatlarda o‘quv dasturining rivojlanishi mana shu
yo‘nalish asosida qurilmoqda. Rivojlangan xorijiy davlatlarda ta’limning mamlakat
ichki siyosatiga faol ta’sir etadigan ijtimoiy jarayon ekanligi, e’tirof qilingan
xaqiqatdir. Shu tufayli ham chet mamlakatlarda maktab ehtiyojini iqtisodiy
ta’minlashga ajratilayotgan mablag‘ miqdori yldan-yilga oshib bormoqda.
Ma’lumotlarga ko‘ra, 80 yillarda AQSH o‘quvchilarining 50 yillarga nisbatan
reyting ko‘rsatkichi 973dan 893ga tushib ketgan, Fransiyada ham 3 litsey
bitiruvchilari va litsey sohasida faoliyat ko‘rsatuvchidan biri muvaffaqiyatsizlikka
uchrayotganligi ta’kidlanadi.
Ta’limda ro‘y berayotgan bu salbiy holatni bartaraf etish to‘ldiruvchi ta’lim
zimmasiga tushadi.
To‘ldiruvchi ta’lim maktabgacha tarbiya muassalarida, maktab va litseylarda
amalga oshrilmoqda. AQShda bu xizmatga ommaviy axborot vositalarining
imkoniyatlari ham safarbar etilgan, Milliy telekompaniya maxsus o‘quv kanali orqali
67
130 soatlik o‘quv ko‘rsatuvlari tashkil etgan. O‘quv jarayonlarini tabaqalashtirib olib
borish bo‘yicha chet mamlakatlarning ko‘pchiligida tadqiqotlar davom ettirilmoqda.
Chet el amaliyotida o‘quvchilarni tabaqalatirish odatda boshlang‘ich ta’lim
kursidan keyin amalga oshirilayotganligi, fransuz pedagoglari esa sinf o‘quvchilarini
uch tabaqaga:
1. Gomogenlar - matematika va gumanitar yo‘nalishda ish olib borsa
bo‘ladigan o‘quvchilar;
2. Yarim gomogen - tabiiy sikldagi fanlarni o‘zlashtira olishga moyil
o‘quvchilar;
3. Gegeron - barcha predmetlardan har xil saviyada o‘zlashtiradigan
o‘quvchilarga ajratganlariga to‘xtab o‘tiladi.
Xulosa qilib aytganda, XX asrning 80-yillarida chet davlatlarda
o‘zlashtirmovchi va ulgurmovchi o‘quvchilarning ko‘payib ketishi tabaqalashtirilgan
ta’limga ehtiyoj tug‘ilganligiga olib keldi.
3. Hamdo‘stlik mamlakatlarida kasbiy ta’lim
1. Rossiyada umumiy o‘rta ta’lim tizimi
2. Rossiyada kasbiy ta’lim
3. Oliy ta’limdan keyingi o‘qish.
Rossiyada umumiy ta’lim o‘z ichiga boshlang‘ich, asosiy va o‘rta (to‘liq)
ta’limni qamrab oladi. O‘rta maktabda o‘qish muddati 11 yilni tashkil etib, bundan 1-
4-sinflar boshlang‘ich, 5-9 sinflar-asosiy, 10-11 sinflar to‘liq o‘rta ta’lim dasturi
asosida ta’lim oladilar. Ishchi yoshlar uchun kechki maktablar tizimi ham saqlanib
qolgan. Keyingi yillarda bunday ta’lim ancha qisqargan. Shu bilan birga ikki yoki
undan ortiq smenadagi maktablar ham qisqargan.
Rossiyada kasbiy ta’lim
Rossiyada kasbiy ta’limning uchta darajasi bor: Boshlang‘ich daraja -
boshlang‘ich kasbiy ta’lim beruvchi o‘quv yurtlari (PTU) kvalifikatsiyali ishchi va
xizmatchilarni yetishtirib chiqaradi. Bularda o‘qish muddati, o‘quvchining ma’lumot
darajasiga bog‘liq. 9-sinfni tugatganlar 2-3 yil, 11-sinfni bitirib kelganlar 1 yoki 2 yil
tahsil olishadi. Texnikum maqomiga teng bo‘lgan 3-4 yillik o‘quv yurtlari ham
mavjud.
O‘rta daraja - amaliyotchi mutaxassislarni tayyorlashga qaratilgan. U ikki
asosiy ta’limiy dastur: bazaviy va oshirilgan darajada amalga oshiriladi. Bazaviy
daraja dasturini egallagandan so‘ng bitiruvchiga "texnik" ixtisosligi beriladi.
Oshirilgan darajada yana 1 yil chuqurlashtirilgan holda o‘qib chiqadi, unga "katta
texnik" ixtisosligi beriladi. Bunday ixtisoslik beradigan o‘quv muassasalari texnikum
yoki kollejlardir.
O‘z- o‘zini tekshirish uchun savollar:
1. Kasbiy ta’limga tegishli ilg‘or chet el tajribasini o‘rganish bo‘yicha qiyosiy
izlanishlar olib borishning maqsadi nimalardan iborat?
2. O‘rta maxsus, kasb-hunar ta’limiga tegishli chet el tajribasini o‘rganish
bo‘yicha izlanishlar qaysi asosiy yo‘nalishlarda olib boriladi?
3. AQShda kasb ta’limini rivojlanishi xususida ma’lumot bering.
?
68
4. Yaponiya va Germaniyada kasb ta’limini rivojlanishi xususida ma’lumot
bering.
5. Fransiyada kasb ta’limini rivojlanishi xususida ma’lumot bering.
6. Rossiyada kasb ta’limini rivojlanishi xususida ma’lumot bering.
III BOB. KASB-HUNAR TA’LIMINI TASHKIL ETISHNING NAZARIY
ASOSLARI
3.1. KASB-HUNAR TA’LIMINING QONUNIYATLARI VA TAMOYILLARI
Reja:
1. Kasb-hunar ta’limi jarayonining qonuniyatlari, tarkibiy qismlari.
2. Pedagogik jarayonning prinsiplari.
1. Kasb-hunar ta’limi jarayonining qonuniyatlari, tarkibiy qismlari
Umuman pedagogik, shu jumladan kasb-hunar ta’limi jarayonining qonuniyatlari
ta’lim-tarbiya va o‘quvchi shaxsini rivojlantirish jarayonida obektiv ravishda mavjud
aloqadorlik va o‘zaro munosabatlarda o‘z ifodasini topadi. Rus pedagog olimi
L.D.Stolyarenko va uning maslakdoshlari tomonidan quyidagi ta’lim qonuniyatlari
e’tirof etilgan bo‘lib, ular bevosita kasb-hunar ta’limiga ham tegishlidir.
Kasb-hunar ta’limi jarayonining tizim shaklida yaxlit va uzviy aloqador hamda
ma’lum o‘zaro munosabatda bo‘lgan komponentlardan iborat ekanligi;
Ta’limning tarkibiy qismlari: maqsadi, mazmuni, metodlari, vosita va
natijalarining ijtimoiy tuzumga bog‘liqligi, ya’ni: ijtimoiy munosabatlar, jamiyatning
mutaxassis kadrlarga bo‘lgan ehtiyoji va talablari, fan-texnika taraqqiyoti, ishlab
chiqarish texnologiyalari, madaniyat kabilarni pedagogik jarayonning barcha tashkil
etuvchi komponentlarini shakllantirishga ta’siri;
- ta’limning tarbiyaviy va rivojlantiruvchi tavsifga ega ekanligi;
- ta’lim natijalarining o‘quvchilarning ongli, faol o‘quv-bilish faoliyatlariga
bog‘liqligi;
- kasbiy tayyorgarlik jarayonida pedagogik va ishlab chiqarish
qonuniyatlarining hisobga olinishi, ularning birligi va o‘zaro aloqadorligi;
- kasbiy tayyorgarlik jarayonining o‘zaro bog‘liq nazariy va amaliy ta’lim
integratsiyasidan iboratligi;
- kasbiy tayyorgarlik jarayonida o‘quvchilarning yakkama-yakka (individual)
va jamoaviy faoliyatlarining tashkil etilishi kabilar.
Uzluksiz ta’lim, shu jumladan kasb-hunar ta’limi quyidagi pedagogik
qonuniyatlarga asoslanadi:
- kasbiy ta’lim-tarbiya jarayonida o‘qituvchi (muhandis-pedagog) va
o‘quvchilar hamda o‘rganilayotgan ob’ektlarning o‘zaro ta’siri;
- kasbiy ta’lim-tarbiya jarayonida o‘quvchilarning ongliligi, mustaqilligi va
faolligi;
- kasbiy ta’lim-tarbiya jarayonida uning ishtirokchilari (o‘qituvchi va
o‘quvchilari) maqsadlarining bir-biriga mushtarakligi;
69
- kasbiy ta’lim-tarbiya ishi natijalarining o‘quvchilar, faol o‘quv-bilish
faoliyatiga bog‘liqligi;
- kasbiy ta’lim-tarbiya, ya’ni pedagogik jarayonni tashkil etuvchi maqsad,
mazmun, metod, vosita, shakl, natija va ishtirokchilar orasida o‘zaro bog‘liqlik
hamda munosabatlarning mavjudligi;
- kasbiy ta’lim maqsadi, uning mazmuni va metodlari, metod va mazmuni
maqsadga erishilganlik darajasini belgilashi;
- kasbiy ta’lim mazmuni (o‘quv materiali)ning vaqt, o‘quvchilar yoshi,
tayyorgarlik darajasi va boshqa individual xususiyatlariga mos holda tashkil etilganda
maqbul o‘zlashtirilishi;
- kasbiy (ko‘nikma va malakalar)ning asosi hisoblangan bilimlar mohiyatini
anglagan holda ish-harakat operatsiyalarini takror bajarish orqali shakllanishi;
- o‘quv materialini puxta o‘zlashtirilishi avval o‘zlashtirganlariga tayanganligi
va muntazam ravishda takrorlanganligiga bog‘liqligi;
- o‘quv materialining maqsadga muvofiq holda shakllantirilganligi va
o‘quvchilarga yetkazilishi;
- o‘zlashtirish sifat va darajasining o‘quvchilar imkoniyatlari, qiziqishi, idroki,
tafakkuri, qobiliyati, o‘qituvchi tomonidan uning ahamiyatli jihatlarini yoritilishi
kabilarga bog‘liqligi;
- o‘zlashtirish maromi va puxtaligini o‘qituvchi tomonidan o‘quv materialini
aniq, lo‘nda hamda qiziqarli yetkazilishiga bog‘liqligi;
- o‘quvchining aqliy rivojlanganligi, o‘zlashtirgan bilim, hayotiy tajribalariga
to‘g‘ri proporsional bog‘liqligi;
- kasb–hunar ta’limining muvaffaqiyati, tezligi va natijalarining o‘quvchilar
individual xususiyatlariga bog‘liqligi.
- o‘quvchilarda mustaqil ijodiy faoliyat tajribalarini shakllantirish va
rivojlantirishning ular oldiga muhim ahamiyatga ega hayotiy dolzarb muammolar
yechimini topish vazifasining qo‘yilganligiga bog‘liqligi kabilar.
Kasb-hunar ta’limi jarayonida ishlab chiqarishning quyidagi qonuniyatlarini
hisobga olinishi zarur.
- ishlab chiqarish munosabatlarining ishlab chiqarish kuchlari tavsifiga
mosligi;
- mulkchilik munosabatlari;
- mehnat xarakteridagi o‘zgarishlar;
- talab va ehtiyojning ishlab chiqarish darajasidan yuqoriligi;
- mehnatga yarasha taqsimot;
- ishlab chiqarish vositalarining ishlab chiqarishga nisbatan o‘sishi;
- rejali, proporsional rivojlanish;
- moddiy ne’matlar yaratuvchi odamlar o‘zlarining ongi, xulq-atvori va his-
tuyg‘ularini qayta ishlab chiqishi;
- yirik mashinasozlik sanoatining uzluksiz ortib borishi;
- ishlab chiqarish jarayonlarini tabaqalashtirish va integratsiyalashtirish;
- ishlab chiqarishni ixtisoslashtirish va kooperatsiyalashtirish;
- ishlab chiqarishni majmuaviy mexanizasiyalash, avtomatlashtirish va
robotlashtirish;
70
- ishlab chiqarishning intellektuallashuvi;
- mehnat resurslarining o‘zaro taqsimlanish sur’atini ortishi;
- xo‘jalik hisobi, o‘zini-o‘zi mablag‘ bilan ta’minlash;
- sanoat sohasi bilan mashg‘ul mutaxassislar sonini qisqarishi;
- mehnatni jamoaviy tashkil etishning ortishi, demokratiyalash, o‘zi-o‘zini
boshqarish va shu kabilar.
Kasb-hunar ta’limi didaktikasining asosiy masalalaridan biri – ta’lim
prinsiplaridir. Biz o‘z ishimizda ta’lim qoidalari, tamoyillari va prinsiplarini sinonim
sifatida e’tirof etib, xalqaro ko‘lamda prinsip deb yuritganligi bois ushbu iboradan
foydalanamiz. Ta’lim prinsiplari – bu pedagogik jarayon ishtirokchilarining o‘zaro
hamkorlikdagi faoliyatlarini belgilovchi asosiy qoidalar tizimidir. Bu qoidalar tizimini
bilmaslik yoki ularga asoslanishda no‘noqlikka yo‘l qo‘yish butun yaxlit kasbiy
ta’lim-tarbiya ishiga to‘sqinlik qiladi.
Ta’lim prinsiplari tizimini birinchi bo‘lib Y.A.Komenskiy ilmiy asosda ishlab
chiqdi. U bu prinsiplarni o‘quv jarayonini tashkil etilishi uchun asos bo‘ladigan
qoidalar deb atagan edi.
Pedagogik jarayon amal qilishi zarur bo‘lgan qoidalar, ya’ni prinsiplarning
mohiyatini bilish ushbu jarayon haqida aniq bilimga ega bo‘lish imkonini beradi. Shu
bois, biz quyida ularning ba’zi birlari haqida qisqacha to‘xtalib o‘tamiz.
2. Pedagogik jarayonning prinsiplari
1. Pedagogik jarayonning tizimlilik (yaxlitlik, bir butunlik) prinsipi – ta’lim-
tarbiya va shaxs rivojlanishi (kamoloti)ning uyg‘unligi, muayyan tizimga ega
ekanligini anglatadi.
Asoslanganlik prinsipi – turkum o‘quv predmetlarini o‘rganish obekti
(predmet, hodisa, jarayon, hatto tirik mavjudot sifatida inson)ning mohiyati, muhim
xususiyatlari, aloqalari, ob’ektiv olam bilan muayyan munosabatlarini o‘zida
ifodalaydi. U har bir o‘quv predmetini tegishli fan asoslari sifatida talqin etib, o‘zi
uchun “yadro” va “o‘zak” hisoblangan ma’lumotlarga ega bo‘ladi ushbu
ma’lumotlarning shaxs tomonidan o‘zlashtirilishi, uning aniq soha bo‘yicha bilim,
ko‘nikma, malaka va shaxsiy fazilatlarga ega bo‘lishida tayanch bo‘lib xizmat qiladi.
O‘quv materialiga bunday yondashuv axborotlarning shiddatli oqimi sharoitida
pedagogik
jarayonni
maqbullashtirish
(Y.K.Babanskiy.,
M.M.Potashnik),
jadallashtirish
(R.X.Jo‘rayev,
F.Yuzlikayev,
V.F.Shatalov,
N.G.Dayri,
M.I.Maxmutov) asosiy o‘quv materialni mukammal o‘zlashtirishga imkon beradi
3. Insonparvarlashtirish prinsipi – pedagogik amaliyotda insoniylashtirish bilan
birgalikda qo‘llaniladi. Bu har ikki tushuncha ham lug‘aviy jihatdan yunoncha
“humanus” insoniylik va “humanitas” insoniyat so‘zidan olinib, bir o‘zakka ega
bo‘lsada, ularning boshqa-boshqa ma’nolar anglatishi olimlar tomonidan e’tirof
etilgan.
Insonparvarlashtirish ta’lim muassasalarida o‘rganiladigan o‘quv predmetlari
mazmuniga inson omili, uning qadr qimmati, shani, or-nomusi, huquq va burchlarini
hurmatlash g‘oyalarini singdirish zarurligini nazarda tutadi.
Insoniylashtirish prinsipi – ob’ektiv olamdagi barcha ne’matlar, shart-sharoit
inson kamoloti, kishilik jamiyati farovonligi, tinchligi uchun xizmat qilishi (qilishi
71
shart) haqidagi g‘oyani ilgari suradi. Mazkur g‘oya, hozirgi zamon va istiqbol
talablari pedagogik jarayonga yakka hokimlik (avtoritar) tarzda yondoshmay, uni
ishtirokchilarining hamkorligi asosida tashkil etib amalga oshirish zarurligini
asoslaydi.
4. Uzluksizlik prinsipi – fan-texnika taraqqiyoti, ilg‘or ishlab chiqarish
texnologiyalarini amaliyotga keng ko‘lamda qo‘llash hozirgi zamon va istiqbolda
mustaqil ravishda ijodiy faoliyat ko‘rsatish uchun shaxsga uning butun umri uchun
yetarli bo‘lgan bilim va shaxsiy fazilatlarni belgilangan vaqt davomida berish
mumkin bo‘lmay, balki u butun hayoti davomida takomillashtirilib borishini nazarda
tutadi. Mazkur prinsip o‘qituvchidan ta’lim-tarbiya ishida o‘quvchilarning
mustaqilligini ta’minlash uchun kerakli shart-sharoit yaratishni talab qiladi.
5. Nazariyaning amaliyot (hayot) bilan bog‘liqliq prinsipi – o‘quvchilar
o‘zlashtirgan bilimlari ularning bevosita hayot faoliyatida qo‘llangan yoki
dasturulamal bo‘lib xizmat qilgandagina ahamiyatli ekanligiga ishora qiladi.
Amaliyotda qo‘llanmagan bilimlar asossiz bo‘lib, qisqa vaqt davomida unutiladi.
Bunda bilim, ko‘nikma va malakalar ma’lum tartibda shakllantirilib, amalga qo‘llashi
ko‘zda tutiladi.
6. Ta’limning ilmiylik prinsipi. Bizni qurshab turgan olamni bilish jarayoni
murakkab va ziddiyatli. Ilmiy bilish hodisadan mohiyatga, narsaning tashqi ta’siridan
uning ichki tuzilishini tasvirlashga o‘tishdan iboratdir. Agar o‘quv materiali
o‘quvchini qonunlar, tushunchalar, formulalar va teoremalar olami bilan tanishtirsa,
bunday bilimlar ilmiy bilimlar deb ataladi. Ular aqliy rivojlanish uchun yetakchi
ahamiyatga egadir. Faqat ana shunday bilimlargina o‘quv predmetining ilmiy
mohiyatini anglab yetishga, kelgusida esa fan asoslarini chuqurroq egallab, mehnatda
faol ishtirok etishga, sabab-oqibat munosabatlarini uzviy bog‘liq anglanishiga imkon
beradi.
7. Tushunarlilik prinsipi. Bilimlarni o‘zlashtirishning osonligi, malaka va
ko‘nikmalarning hosil qilinishi ularning o‘quvchilarning rivojlanish darajasi, shaxsiy
tajribasi bilan aloqasini ko‘rsatadi. Agar bunday aloqalarni aniqlab bo‘lmasa, bilimlar
tushunarli deb hisoblanmaydi.
Olamda barcha narsalar o‘zaro bir-biriga bog‘liq, barcha narsalar hodisalar
o‘rtasida aloqa mavjud. Shuning uchun barcha ilmlar, barcha o‘quv predmetlari
o‘zaro bir-biri bilan bog‘liqdir. O‘quvchi o‘zlashtiradigan bilimlar insoniyat
tajribasining bir zarrachasi hisoblanadi va shuning uchun ham yangi bilimlarni
mavjud bilimlar bilan hamisha bog‘lash mumkin.
8. Ta’limning ko‘rgazmalilik prinsipi. Kishilik jamiyati rivojlanishining ilk
bosqichlarida o‘qitish bolalarning katta avlodga taqlid qilishlari, katta yoshdagi kishi
bajargan amaliy xatti-harakatlarni qaytarish hisobiga olib borilardi. O‘qitishning bu
sodda shakli o‘zining ishonarli va samarali bo‘lganligi tufayli hozirgi kungacha
saqlanib qoldi. XVII asrda Y.A.Komenskiy ko‘rgazmalilik tamoyilini har qanday
tarzdagi o‘qitishning muvaffaqiyatli bo‘lishi negizi sifatida tarifladi. I.G.Pestalossi
bu tamoyilni o‘qitishning asosiy vositasiga aylantirdi. Bu prinsipga amal qilinganda
eshitish organlari bilan bir qatorda ko‘rish organlari jalb etiladi. Shuning uchun ham
xalqimizda “Yuz marta eshitgandan ko‘ra bir marta ko‘rgan ma’qul” degan maqol
o‘rinli qo‘llaniladi. Ko‘rgazmalilik zarur bo‘lgan joyda me’yorida ishlatilsa samara
72
beradi, me’yor buzilsa esa o‘quvchilarning fikri asosiy materialdan yiroqlashadi.
Ularning tafakkur doirasi torayadi, aksincha ko‘rgazmalilik kerakli joyda o‘rinli
qo‘llanilsa o‘zlashtirilgan bilim, ko‘nikma va malakalar o‘quvchilar xotirasida uzoq
vaqt davomida saqlanadi.
Ko‘rgazmalilik tamoyilining hozirgi izohi quyidagi asosiy qoidalarni o‘z
ichiga oladi:
1. Ko‘rgazmalilik deganda o‘quvchining hissiy bilishini tashkil qilish
tushuniladi.
2. Ko‘rgazmali qurollardan foydalanish o‘quv jarayonida hissiy bilishni tashkil
etishning bir jihati hisoblanadi.
9. Ta’limning onglilik va faollik prinsipi. Bu prinsip o‘quvchilarning o‘quv-
bilish faoliyatiga psixologik jihatdan asos qilib olingan qoida sifatida quyidagi uchta
muhim jihatni: o‘quvchilar tomonidan o‘quv materialining ongli ravishda
tushunilishini, o‘quv mashg‘ulotlariga ongli munosabatda bo‘lishni, bilish
faoliyatining shakllanishini o‘z ichiga oladi.
10. Ta’limning puxtalik prinsipi. O‘quv materialini o‘zlashtirishning puxtaligi
ko‘pgina omillarga: tushuntirishning ilmiyligi va tizimliligiga, tushunishning
ongliligiga; o‘quvchilarning bilish faolligiga, o‘qish sabablariga, o‘qituvchining
mahorati va shu kabilarga bog‘liq.
11. Tarixiylik prinsipi. O‘quv materialini bayon qilishda tarixiy materiallardan
foydalanish asosida mashg‘ulotlarni tashkil etishni nazarda tutadi. Ta’lim jarayonida
tarixiylik prinsipiga amal qilinsa, dasturiy material boyitiladi, yangisi bilan
bog‘lanadi, istiqbolda o‘rganiladiganlariga ishora qilinadi va uni puxta o‘zlashtirishga
imkon yaratiladi. Shu yo‘l bilan ta’limdagi ketma-ketlikni ifoda etish imkoniyati
tug‘iladi, natijada o‘zlashtirilgan bilim, xatti-harakat usullarini yaxlitligi ta’minlanadi.
12. Ta’limni individuallashtirish prinsipi. Har bir o‘quvchi umumiy
xislatlaridan tashqari individual xislatlarga ham egadir. O‘quvchining bilishi, irodasi,
hissiyotiga oid xususiyati, shaxsiy xislatlari ta’limning borishiga ijobiy yoki salbiy
ta’sir ko‘rsatishi yoki betaraf qolishi mumkin. O‘quvchilarning individual
xususiyatlarini e’tiborga olgan holda mashg‘ulot (dars) jarayonini tashkil qilish –
o‘qitishni individuallashtirish deb yuritiladi.
Kasb-hunar pedagogikasida kasbiy ta’limning o‘ziga xos xususiyatlarini
hisobga oluvchi xususiy prinsiplar qo‘llaniladi. Bu prinsiplar umumiy didaktik
prinsiplar bilan bevosita aloqador bo‘lib, ta’lim-tarbiya jarayoniga qo‘yilgan talablar
va u amal qilishi lozim bo‘lgan qonuniyatlarni ifodalaydi.
13. Kasbiy mobillik prinsipi - insonni tez fursat ichida hayotga tatbiq
etilayotgan yangi texnika va samarali texnologiyalarni o‘zlashtirish qobiliyatini
ko‘zda tutadi. Mehnatning tezkor moslashuvchanligi, ijodiy tavsifi bevosita inson
dunyoqarashi, bilimlar ko‘lamining kengligi, kasbiy faoliyatda uchraydigan
muammolarning yechimini tezkorlik bilan topishiga bog‘liq psixolog olim
L.S.Vigotskiy iborasi bilan aytganda “Amaliyotdan ilgari yurib, u uchun yo‘l ochib
beradigan ta’lim yaxshi hisoblanadi”. Shuning uchun ham bugungi o‘quvchi nimani
bilishiga emas, balki nimani uddalay olishi va ertangi kunda nimalarga qodir bo‘lishi
mumkinligiga ahamiyat bermoq zarur.
73
14. Kasbiy ta’limning modullilik prinsipi – modulli ta’limning mohiyati
shundan iboratki, o‘quvchi o‘ziga berilgan axborotlar banki va metodik
ko‘rsatmalardan iborat shaxsiy o‘quv dasturiga asoslanib mustaqil holda didaktik
maqsadga erishadi. Modulli ta’lim maqsadi, mazmuni va tashkil etish metodikasi
quyidagilarni aniqlashga imkon beradi: ta’lim mazmunan o‘ziga xos, dinamik
o‘zgaruvchan va tezkor bilimlarni ajratib olish; dasturning variativ xarakteriga ega;
ijtimoiy buyurtmaga binoan mazmun o‘zgaradi. Modulli ta’limdan foydalanish o‘quv
materiallarini, ya’ni uning bilimlari prinsipini tuzishga imkon beradi. Bu, o‘z
navbatida, yaxlitligini saqlab qolgan holda mazmunni o‘zgartirish, unga qo‘shimcha
kiritish imkonini beradi.
Modullilik prinsipini amalga joriy etish quyidagilarni ta’minlaydi:
- sub’ekt maqsadlarga erishish uchun barcha faoliyat ko‘rinishlarini
integratsiyalashga va muntazam ravishda sub’ekt maqsadlariga yetishish borasida
muqobil yechimlarni izlashga;
- istiqbolda sub’ektni kasbiy tayyorgarlik darajasini oshirishga yo‘naltirishga;
- modullar hayotning barcha sohalaridagi, shu jumladan fan-texnika,
texnologiyalardan o‘zgarishlarni tezkorlik bilan hisobga olish imkoniyatini beradi.
15. Qulay muhit hosil qilish prinsipi - eng avvalo mehnat va hayot xavfsizligi,
moddiy-texnik va o‘quv uslubiy negiz, texnik, texnologik, ergonomik, iqtisodiy,
pedagogik, sanitariya-gigiyena, ekologik va shu kabi talablarga amal qilishni ko‘zda
tutadi. Bunday muhitni hosil qilish quyidagicha ijtimoiy, psixologik, pedagogik
tizimlarni ishlab chiqish va amalga joriy etishni talab etadi.
Me’yoriy mehnat sharoitini yaratish, pedagogik ta’sirni maqbullashtirish
tizimi.
16. Politexnik prinsip - zamonaviy texnik va ishlab chiqarish texnologiyalarini
umumiy asoslari bilan tanishtirish, tizimli bilim hosil qilish demakdir. Politexnik
prinsipni amalga oshirish quyidagi shart-sharoitga amal qilishni talab etadi.
- ta’lim-tarbiya mazmunining fan-texnika taraqqiyoti asosiy yo‘nalishlariga
mosligi;
- o‘quv materialini o‘zaro aloqador yaxlit bilimlar shaklida tashkil etish;
- o‘rganilayotgan materialni bo‘lajak kasbiy faoliyat bilan bog‘lash;
- o‘quv materialining o‘quvchilar yoshi va individual xususiyatiga mosligi;
- o‘quvchilarning bilish qiziqishlarini qondirish imkoniyatlari;
- tayanch umumilmiy bilimlar va ko‘nikmalarga tayanish;
- o‘quv materiallarining barqarorligi va dinamik o‘zgaruvchanligi;
- tizimlilik;
- ta’lim mazmunining moddiy-texnik bazaga mosligi;
- ishlab chiqarish mehnatiga ta’sir etuvchi omillarning hisobga olinishi;
17. Ta’limni ishlab chiqarish mehnati bilan qo‘shib olib borish prinsipi.
Nazariy ta’lim bilan amaliyotning bog‘liqlik prinsipi. Nazariya va amaliyotning
aloqadorligi ikki tomonlama jarayon. Ular bir-biri bilan organik aloqador. Bu
prinsipning amalga oshirilishi quyidagi shart-sharoitlarga amal qilinishiga bog‘liq.
Nazariy bilimlar amaliyotga nisbatan ilgarilab borishi, amaliy mashg‘ulotlarda
uning to‘g‘riligi tekshirilishi lozim.
74
Har qanday mehnat jarayonida turli soha bilimlari va malakalari sintezlanishi
zarur.
Malakali mutaxassis kadrlar tayyorlash samaradorligini oshirish uchun soha
bilimlari sintezlanishi lozim. Shu jihatdan ta’lim mazmunini integrasiyalash quyidagi
ikki yo‘nalishda amalga oshirilishi kerak: birinchidan, yagona predmet doirasida
kasbiy bilim va malakalarni birlashtirish, ikkinchidan, maxsus bilim va malakalarning
o‘zaro aloqadorligi gorizontal yo‘nalishida.
18. O‘quv jarayonida kasbiy faoliyatni modellashtirish prinsipi.
19. Iqtisodiy maqsadga muvofiqlik prinsipi - ta’lim muassasalarida
mutaxassislar tayyorlashning maqsadga muvofiqligi, ularga bo‘lgan davlat va jamiyat
talablarining aks etishi.
20. Ta’limda predmetlararo bog‘liqlik prinsipi: ta’lim muassasalarida
o‘tilayotgan umumta’lim, maxsus va kasbiy turkum o‘quv predmetlari boshqa o‘quv
predmetlari bilan o‘zaro bog‘liq holda olib borilishi lozim. Bunda o‘quv predmetdagi
mavzular takrorlanmasdan, balki bir-birini to‘ldirib boradi.
21. Reduksiyalash prinsipi - fan-texnika taraqqiyoti, ilg‘or ishlab chiqarish
texnologiyalarining amaliyotga keng ko‘lam va tezkorlikda joriy etilishi bilan
bevosita bog‘liq bo‘lgan axborotlarning shiddatli oqimi sharoitida o‘quv materialini
imkoni boricha qisqartirish, ya’ni eng muhim tizim hosil qiluvchi qismini ajratib
olishni ko‘zda tutadi. Bu qisqartirish Davlat ta’lim standarti orqali belgilangan
mazmunning yetarli va zarur darajasiga o‘zining salbiy ta’sirini ko‘rsatmasligi zarur.
22. Refleksivlik prinsipi – sub’ektning o‘z shaxsiy faoliyatiga, o‘zlashtirgan
hayotiy tajribasiga baho berishi, o‘zgalarning u haqidagi fikrlari va ular bilan
hamkorlik muloqoti va munosabatlarini tavsiflaydi.
23. Maqbullik prinsipi - pedagogik shart-sharoitlarning qulayligi, mavjud
imkoniyatning hisobga olinishi, oz vaqt, mablag‘ va zo‘riqish kuchlari sarflash
evaziga samarali natijalarga erishishni tavsiflaydi.
24. Ta’lim–tarbiya jarayonida tabiiy rivojlanish va ijtimoiylashuv prinsipi –
tabiiy jarayonlar mohiyatini bilish ta’lim-tarbiya jarayonini samarali, xususan
o‘quvchilarning yosh xususiyatlari, senzitiv rivojlanish davrlari, rivojlanishning
keyingi bosqichlariga o‘tish imkoniyatlarini hisobga olgan holda tashkil etishni
ko‘zda tutadi. Bir so‘z bilan aytganda, ta’lim-tarbiyani ijtimoiylashtirish, o‘quvchilar
tomonidan ijtimoiy tajribaning individual qonuniyatlar asosida o‘zlashtirilishini
ko‘rsatadi.
25. Ijtimoiy-iqtisodiy ta’minot prinsipi – pedagogik jarayonning ijtimoiy-
iqtisodiy
jihatdan maqsadga muvofiqligini nazarda tutib, barcha turdagi ta’lim
muassasalari faoliyatini bu jarayon ishtirokchilari imkoniyatlari, davlat va jamiyat
talablari, fan taraqqiyoti, ishlab chiqarish ehtiyojlarini hisobga olish, ularni
uyg‘unlashtirish, integratsiyalashtirishni ko‘zda tutadi.
Xulosa qilib aytganda, kasb-hunar ta’limi pedagogikasida kasbiy ta’limning
o‘ziga xos xususiyatlarini hisobga oluvchi xususiy prinsiplar qo‘llaniladi. Bu
prinsiplar umumiy didaktik prinsiplar bilan bevosita aloqador bo‘lib, ta’lim-tarbiya
jarayoniga qo‘yilgan talablar va u amal qilishi lozim bo‘lgan qonuniyatlarni
ifodalaydi.
75
O‘z- o‘zini tekshirish uchun savollar:
1. Uzluksiz ta’lim, shu jumladan kasb-hunar ta’limi qanday pedagogik
qonuniyatlarga asoslanadi?
2. Kasb-hunar ta’limi jarayonida ishlab chiqarishning qanday qonuniyatlarini
hisobga olinishi zarur?
3. Pedagogik jarayonning prinsiplarini aytib bering.
4. Ko‘rgazmalilik tamoyili qanday asosiy qoidalarni o‘z ichiga oladi:
5. Politexnik prinsipni amalga oshirish qanday shart-sharoitga amal qilishni talab
etadi?
6. Kasb-hunar ta’limi pedagogikasida qo’llaniladigan prinsipda nimalar e’tiborga
olinadi?
3.2. KASB-HUNAR TA’LIMI JARAYONINING ISHTIROKCHILARI
Reja:
1. Umumiy o‘rta ta’lim, kasb-hunar ta’limining uzviyligi.
2. Kasb-hunar kollejlarida pedagogik jarayonni tashkil etish.
3. Kasb-hunar ta’limi o‘qituvchisining muhim fazilatlari
1. Umumiy o‘rta ta’lim, kasb-hunar ta’limining uzviyligi
Ma’lumki, har qanday ta’lim-tarbiya ishida, shuningdek kasb-hunar ta’limida
o‘qituvchi va o‘quvchilar ushbu jarayonning bevosita ishtirokchilari hisoblanadilar.
Bu ishtirokchilarning o‘zaro hamkorligi natijasida, ya’ni ularning o‘zaro ta’sir,
muloqot va munosabatlari tufayli ta’lim-tarbiya jarayoni amalga oshadi.
Ma’lumki, kasb-hunar kollejlariga o‘quvchilar umumiy o‘rta ta’lim
maktablarining to‘qqizinchi sinflarini bitirganlar safidan qabul qilinadi. Odatda
ularning yoshi 15-18larda bo‘lib, o‘ziga xos xususiyatlarga ega bo‘ladilar.
Vatandoshimiz yetuk psixolog olim E.G‘oziyev va uning maslakdoshlari fikricha bu
yoshdagi o‘spirinlar quyidagi xususiyatlarga ega bo‘ladilar:
- jismoniy barkamollikning ifodalanishi;
- ruhiy jihatdan muayyan ko‘rsatkichga erishilganligi;
- xulq, faoliyat va muomala jarayonlarida individuallikning shakllanishi;
- e’tiqod, dunyoqarash va pozitsiyada barqarorlikning mavjudligi;
- bilim, ko‘nikma va malakalarni egallashda individuallik;
- faoliyatga oid individual uslubning paydo bo‘lishi;
- kasbiy motivatsiyaning ustuvorligi;
- ma’naviy ehtiyoj, barqaror qiziqishning qat’iyan yetakchiligi;
- mutaxassislikka munosabatning shaxsiy pozitsiyaga bo‘ysundirilganligi;
- kollej va oliy maktab muhiti o‘ziga xosligining ular shaxsiyatida
ifodalanishi;
- amaliyot va muhitga moslashishning sifat jihatidan tafovutlanishi.
Yosh fiziologiyasi va psixologiyasi fani xulosalari kasb-hunar kollejlarida
o‘quvchilar o‘z xulqi va o‘quv-bilish faoliyatini boshqara olmasligini ko‘rsatadi.
Bundan kasbiy ta’lim jarayonida o‘qituvchining o‘rni muhim ekanligi kelib chiqadi.
?
76
Pedagogik jarayonning mohiyati unda ishtirok etuvchi o‘qituvchi va
o‘quvchilarning o‘zaro hamkorlik faoliyati mazmunida o‘z ifodasini topadi. Bunda
o‘qituvchining faoliyati o‘quvchilarni yo‘naltirish, safarbar etishdan iborat bo‘lib,
ta’limiy, tarbiyaviy va rivojlantiruvchi vazifalar bilan belgilanadi, o‘qituvchi o‘quv
materialini o‘quvchining ongiga yetkazish uchun eng avvalo (so‘z) nutqdan,
shuningdek, shart- sharoit, vaziyat, shakl, metod, vositalardan foydalanadi.
2. Kasb-hunar kollejlarida pedagogik jarayonni tashkil etish
Amalga oshirish va natijalarini nazorat qilishda faqat o‘qituvchi emas, balki
muhandis-pedagog, tajribali mutaxassis kabilar ham ishtirok etishi mumkin. Lekin,
boshqa o‘qituvchilardan farqli ravishda kasb ta’limi o‘qituvchisi psixologik-
pedagogik,
sohaviy
va
ixtisoslik
bo‘yicha
tayyorgarlikni
o‘zida
mujassamlashtiruvchi tizimli ma’lumot oladi.
1. Psixologik-pedagogik tayyorgarlik bitiruvchiga o‘quv predmetini mustaqil
ravishda loyihalashtirish, mazmunini tanlab olish va uni o‘qitish metodikasini ishlab
chiqish malakalarini egallash imkoniyatini beradi.
2. Sohaviy tayyorgarlik esa ishlab chiqarish ta’limi va amaliyotini tashkil
etish, amalga oshirishda rahbarlik qilish va natijalarini nazorat qilib baholash
ishlarining mohiyatini anglab yetishga imkon beradi.
3. Kasb ta’limi o‘qituvchisi yoki muhandis-pedagoglarning lavozimiy
vazifalari esa ixtisoslikka oid bilim, ko‘nikma va malaka hamda shaxsiy fazilatlarni
talab etadi.
Rossiyalik olimlar Ye.I.Serkova va V.D.Simonenkolarning ko‘rsatishicha
kasb ta’limi o‘qituvchilarining kasbiy tayyorgarlik tarkibiy qismlari orasidagi
maqbul munosabatning 60 foizini sohaviy tayyorgarlik, 27 foizini psixologik-
pedagogik tayyorgarlik va 13 foizini ixtisoslik bo‘yicha tayyorgarlik tashkil etadi.
Xulosa o‘rnida shuni qayd etish mumkinki, pedagogik jarayonning markazida
uning teng nufuzli ishtirokchilari - o‘qituvchi va o‘quvchilar turadi. Bu
ishtirokchilarning birini ikkinchisiga nisbatan yuqori nufuzga ega deb e’tirof etish
o‘ziga xos bir yoqlamalikka olib keladi. Ular orasidagi ongli o‘zaro hamkorlik,
o‘zaro muloqot, o‘zaro munosabat, ularning bir-biriga ko‘rsatadigan aks ta’sirlarini
hisobga olish zarur.
Kasb ta’limi o‘qituvchilarini tayyorlash bo‘yicha ixtisoslik mazmuni bir-
biridan 60 foizdan ortiq miqdorda farq qiladi. Shuning uchun ham oliy ta’lim
tasniflagichiga mutaxassislikni sohalar bo‘yicha turlashda alohida nom va kodlar
kiritish talab etiladi.
Hozirgi paytda Respublikamizda ko‘p bosqichli kasbiy pedagogik ta’lim
tizimi mavjud. Ular mazmuni va o‘qish muddatlariga ko‘ra bir-biridan farqlanadi.
Kasb ta’limi o‘qituvchisiga mehnat bozorida raqobatbardosh bo‘lish talabi
ularning kasbiy tayyorgarlik darajasining yuqori bo‘lishiga ishoradir. Shu o‘rinda
ijtimoiy pedagogik shart-sharoit, muhit bir vaqtning o‘zida kasbiy pedagogik
rivojlanishni talab etuvchi motiv va rag‘bat bo‘lib xizmat qilishini yodda tutish
zarur.
Barcha turdagi ta’lim muassasalarida, shuningdek, kasb-hunar kollejlarida
ta’lim-tarbiya jarayonini tashkil etuvchi, amalga oshiruvchi va uning natijalarini
77
nazorat etib, baholovchi asosiy shaxs o‘qituvchi hisoblanadi. O‘zbekiston
Respublikasi “Ta’lim to‘g‘risida”gi Qonunining 5-moddasida “Pedagogik faoliyat
bilan shug‘ullanish huquqi tegishli ma’lumot, kasbiy tayyorgarlik va yuksak axloqiy
fazilatlarga ega bo‘lgan shaxslarga berilishi” ta’kidlangan. Bunda kasbiy
tayyorgarlik tushunchasiga alohida e’tibor berish zarur. Chunki ma’lum ma’noda
barcha odamlar ta’lim-tarbiyaviy faoliyat bilan shug‘ullanishadi, biroq faqat
o‘qituvchilargina kasbiy pedagogik faoliyat bilan shug‘ullanadilar. Demak,
o‘qituvchilar pedagogik qonuniyatlar asosida faoliyat ko‘rsatib, o‘z burch va
vazifalarini sifatli bajarishga javobgar shaxs hisoblanadilar. Har bir o‘quvchi, yosh
avlod jamiyat va davlat taqdiri uchun javobgarlik his–tuyg‘ulari o‘qituvchi vazifasini
tavsiflaydi. O‘qituvchi mehnatining bugungi natijasi bilan jamiyatimizning ertangi
istiqboli bevosita bog‘liq. Shuning uchun ham “Barkamol avlod O‘zbekiston
taraqqiyotining poydevori” shiori prezidentimiz tomonidan shakllantirilib, xalqimiz
tomonidan e’tirof etilgan.
Sabr-toqat va kelajakka ishonch o‘qituvchining muhim kasbiy fazilatidir.
Kasb-hunar ta’limi o‘qituvchisining ishi juda murakkab ko‘rinishdagi inson-inson;
inson-texnika va texnologiya munosabatlariga tegishli. Chunki kasbiy pedagogik
jarayon ishtirokchilari hamkorlik nuqtai nazaridan chegaralangan.
Pedagogik vazifa - kasbiy bilim va qo‘llash borasidagi faoliyatni amalga
oshirishdir. Buning natijasi o‘laroq o‘quvchi ta’lim oladi, tarbiyalanadi va ma’lum
ma’noda rivojlanadi.
O‘qituvchining bosh vazifasi ta’lim-tarbiya, shakllantirish va rivojlantirish,
jarayonlarini rejalashtirish, amalga oshirish, natijalarini nazorat etish hamda
baholash hisoblanadi.
Zamonaviy o‘qituvchi faoliyati o‘qitish emas, balki o‘qib-o‘rganishga
yo‘naltirish; tarbiyalash emas, balki tarbiyalash jarayonlarini boshqarishga
qaratilgan. Shuning uchun ham pedagog-murabbiyni Suqrot - “fikrlar doyasi” deb
atagan edi. O‘qituvchi tayyor ma’lumotni yetkazishi emas, balki o‘quvchilar ongida
tushuncha, tasavvur, xulosa hosil qilishi zarur.
O‘qituvchilar nima bilan shug‘ullanishi va ular mehnatining o‘ziga xos
xususiyatlari ko‘p sonli tadqiqotchilar tomonidan bayon etilgan. Ulardan biriga,
O‘qituvchining bosh vazifasi pedagogik boshqaruvchilik deb biluvchilarga
e’tiborimizni qaratsak. Boshqaruv vazifasini aniqlashtirish uchun “pedagogik
loyiha” tushunchasidan foydalanamiz. “Pedagogik loyiha” deganda har qanday
o‘ylangan va oxiriga yetkazilgan o‘qituvchi faoliyati tushuniladi. Masalan, dars,
mavzu yoki bilimni o‘rganish, viktorina tashkil etish, ekologik ekspeditsiya
uyushtirish va shu kabilar. Bu ishlarning barchasini o‘qituvchi bajaradi. Bunda
boshqaruv qanchalik o‘ylab, sinchkovlik bilan amalga oshirilsa, shuncha xatolarga
kam yo‘l qo‘yiladi va natijada yuqori samaradorlikka erishiladi.
Pedagogning birinchi vazifasi loyihani shakllantirish davridanoq paydo
bo‘ladi va u ma’lum maqsadni ko‘zda tutadi. Ma’lumki, maqsad pedagogik
faoliyatda muhim omil, bu jarayon ishtirokchilarini ma’lum ma’noda hamkorlikdan
umumiy natijaga chorlaydi va yo‘naltiradi.
Boshqarish jarayonining mohiyati ishtirokchilar xatti-harakatlarini maqsadga
erishish yo‘lida muvofiqlashtirish minimum farqlarga yo‘l qo‘ygan holda maksimal
78
natijaga erishishdan iborat. Ta’lim-tarbiya ishida boshqarish, eng avvalo,
o‘quvchilarning bilimlariga asoslanadi; ularning tayyorgarlik darajasi, imkoniyatlari,
tarbiyalanganligi, rivojlanishiga tashhislash asosida erishiladi. O‘quvchilarning
jismoniy o‘ziga xos jihatlari va ruhiy rivojlanganligi ularning aqliy va axloqiy
tarbiyalanganlik darajasi, yashash shart-sharoitlari kabilarni bilmasdan turib, to‘g‘ri
maqsad qo‘yib ham, unga erishish vositalarini tanlab ham bo‘lmaydi. Bu muhim
qoidani o‘z vaqtida K.D.Ushinskiy payqab, “Pedagogika insonni barcha jihatlarda
tarbiyalay olishi uchun uning barcha jihatlarini bilishi zarur”, - deb ta’kidlagan edi.
Demak, o‘qituvchi pedagogik vaziyatlarni tashhislash va bashorat etish metodlarini
mukammal bilishi kerak. U metodlar odatda ilmiy tadqiqot etish metodlarini
takrorlaydi. Bundan tashhislash bilan bashorat etishning uzviy bog‘liqligi kelib
chiqadi. O‘qituvchidan aniq shart-sharoitga asoslangan holda faoliyat natijalarini
oldindan ko‘ra olish qobiliyati talab etiladi. O‘zining faoliyati natijalarini oldindan
ko‘ra olmagan pedagogni tavakkaliga ish ko‘radigan yo‘lovchiga, ongsiz
o‘rgimchakka o‘xshatish mumkin, xolos.
O‘qituvchi o‘zining hamkorlari, shart-sharoitini tashhislaydi hamda istiqbolni
oldindan tasavvur etib, ta’lim-tarbiya faoliyatini loyihalashga kirishadi.
O‘qituvchining loyihalovchilik vazifasi to‘la amalga oshiriladigan faoliyatning
modelini ko‘rishdan, ushbu shart-sharoit hamda ajratilgan vaqt omillari hisobga
olingan holda maqsadga eltuvchi yo‘l va vositalarni tanlash, maqsadga erishtiruvchi
aniq bosqichlarni ajratish, ularning har biri uchun xususiy vazifalarni belgilash,
erishilgan natijani nazorat qilish va baholash ko‘nikmalari hamda shakllarini aniqlash
kabilardan iborat.
Haqiqiy o‘qituvchi auditoriyaga rejaning barcha ikir-chikirlarini batafsil, aniq
bilmasdan, o‘ylamasdan kira olmaydi. Bunda rejaning hajmi emas, balki mohiyati,
ya’ni uning o‘qituvchi ko‘z o‘ngida gavdalanishi muhimdir. Shu o‘rinda aytib o‘tish
joizki, o‘qituvchi faqat bitta emas, balki bir qancha reja variantlarini tuzishi zarur,
chunki ko‘z ilg‘amas, hisobga olinmay qolgan omillar ham bo‘lishi mumkin.
Tashhislash, bashorat etish, loyihalash, rivojlantirish har qanday ta’lim-tarbiya
faoliyatida o‘qituvchining tayyorgarlik ko‘rish bosqichidagi asosiy vazifadir.
Ta’limiy-tarbiyaviy jarayonning navbatdagi ikkinchi bosqichida o‘qituvchi
tashkilotchilik, axborotchilik, nazoratchilik, baholovchilik va o‘zgartirishlar
kirituvchilik vazifalarini bajaradi.
O‘qituvchining tashkilotchilik vazifasi ko‘zlangan maqsadga erishish yo‘lida
o‘quvchilarning diqqat-e’tiborini jalb etish, ular bilan hamkorlik faoliyatida ishtirok
etishdan iborat.
O‘qituvchini axborotchilik vazifasining mohiyati ayni makon va zamonda
o‘qituvchiga asosiy axborot manbai sifatida qarash (tasavvur etish)ni ko‘zda tutadi. U
takomil darajada hamma narsani, ya’ni o‘qitadigan predmetini, psixologiyani,
fiziologiyani, pedagogikani biladi, ularga asoslanib kasbiy-pedagogik faoliyatni
amalga oshiradi, deb faraz qilinadi.
Ba’zi hollarda o‘qituvchilarni baholashda nazoratchilik va o‘zgartirishlar
kirituvchilik vazifalari yaxlit olib qaraladi. O‘qituvchi bunday vazifani eng avvalo,
rag‘batlantirish maqsadini ko‘zda tutib, ta’lim-tarbiya jarayonini harakatlantiruvchi
kuchi sifatida e’tirof etadi. Shuni aniq bilishi zarurki, ta’lim-tarbiyada zo‘rlash va
79
qistovlar bilan muvaffaqiyatga erishib bo‘lmaydi. O‘quvchilar bilan ishlashda ustalik
bilan ularda o‘qib o‘rganishga istak va qiziqish uyg‘otish yo‘llarini topish zarur.
Nazorat va baholash chog‘ida faqatgina o‘quvchilarning qanday o‘zlashtirganlarigina
emas, balki o‘zlashtirmasliklariga sabab bo‘lgan jihatlar ham ko‘zga tashlanadi.
Demak, bu bosqichda yig‘ilgan axborotlar o‘qituvchining istiqboldagi faoliyatini
rejalashtirish, takomillashtirish, maqbullashtirish uchun asos bo‘ladi. O‘qituvchi
bajaradigan vazifalarning ko‘pligi uning ishida talaygina ixtisosliklar (aktyor,
rejissyor, menedjer, tahlil etuvchi, tadqiqotchi va h.k.) asosiy xususiyatlari
mujassamlashganligidan dalolat beradi. O‘qituvchi kasbiy pedagogik vazifalardan
tashqari oilaviy, fuqarolik, jamoatchilik vazifalarini ham bajaradi.
Kishilik jamiyatida odamzod o‘z-o‘zini anglagandan boshlab, ustozlar mavjud
bo‘lgan. Quyosh olamni yoritar ekan, ular kelgusida ham bo‘ladilar.
Bizning barcha muvaffaqiyatlarimiz hamda tushkunlikka tushganimizda eng
yaqinlarimiz bo‘lgan ota-onamiz va o‘qituvchilarimiz yonimizda bo‘ladilar. Shuning
uchun ham xalqimizda “Ustoz otangdan ulug” qabilidagi maqol keng ko‘lamda
qo‘llaniladi.
Uzoq tarixdan ma’lumki, o‘qituvchi ustozlar qanday bo‘lsa, jamiyatning ham
o‘shanday temir qonuniyati mavjud.
Dostları ilə paylaş: |