Fermer xo'jaligi haqida tushuncha, uning maqsad va vazifalari. Respublika qishloq xo'jaligida davlat rahbarligida, bosqichma-bosqich amalga oshirilayotgan iqstisodiy islohotlar natijasida mulkning xilma-xil turlari va ularga asoslangan korxona turlari shakllangan. Jumladan, xususiy mulkga asoslangan fermer xo'jaliklari tashkil etilmoqda. Yangi taxrirdagi “Fermer xo'jaliklari to'g'risida”gi qonunning 3-moddasida,
-“Fermer xo'jaligi ijaraga berilgan yer uchastkalaridan foydalangan holda qishloq xo'jaligi tovar ishlab chiqarish bilan shug'ullanuvchi, mustaqil xo'jalik yurituvchi sub'ektdir”, deb tushuncha berilgan. Xozirgi davrda fermer xo'jaligi qishloq xo'jaligida xo'jalik yurituvchi sub'ekt sifatida kichik, tadbirkorlik vakili hisoblanadi. Chunki 2005 yilning 1-iyuliga bitta fermer xo'jaligida o'rtacha 6,5 ta yollanma ishchilar soni to'g'ri kelgan. Fermer xo'jaligi zimmasiga quyidagi vazifa qo'yilgan. Ya'ni uzoq muddatga ijara yerlardan, mavjud bo'lgan barcha resurslardan yil davomida oqilona, to'liq va samarali foydalanish natijasida ichki va tashqi bozor talablarini qondiradigan miqdorda, sifatli qishloq xo'jalik maxsulotlarini ishlab chiqarish, qayta ishlash, iste'molchilarga holda yetkazish hamda turli xildagi xizmatlar ko'rsatish oqibatida ko'proq foyda olish. Bu fermer xo'jaligining siyosiy va iqtisodiy ahamiyatga ega bo'lgan asosiy maqsadidir
