Microsoft Word etno kitab son srift 12

ETNOPSİXOLOGİYA 
200 
Hindlilər həddən artıq xeyirxah və qayğıkeş insanlardır. Hindistan 
sakinləri həmişə çətin vəziyyətə düşmüş həmvətəninin və əcnəbinin 
köməyinə gəlirlər. Məsələn, şəhərdə azmış turisti öz hesabına 
mehmanxanaya apara , isti gündə bir stəkan su xahiş etmiş insanı 
öz ailəsiylə bir masaya əyləşdirib nahar təklif edə bilərlər. 
Hindlilərin xeyirxahlığı bu millətin nümayəndələriylə sadə ünsiyyət 
zamanı da müşahidə olunur - onlar böyük maraqla həmsöhbətinə 
qulaq asacaq və sevinclə onun bütün suallarına cavab verəcəklər. 
Hindistan üçün ən mühüm mədəni xüsusiyyət zorakılıq 
əleyhinə olmaq və sülhsevərlikdir. Başqa bir canlının duyğularını 
incitməyə, hisslərinə zərər verməyə, hətta öldürməyə əsla icazə 
yoxdur. Xalqı daha da maarifləndirmək üçün 1993-cü ildən 
etibarən hər il Qandi Sülh Festivalı keçirilir. Hindlilər çox 
gülərüzlü və cazibədar insanlardır. Onlar arasında dava və ciddi 
mübahisələrə az rast gəlinir. Şübhəsiz ki, bunda dinin də çox böyük 
təsiri var. Hindistanda olmuş turistlərin əksəriyyəti bu fikirdədirlər 
ki, hind küçələrində yüzlərlə insanın əhatəsində onlar özlərini 
təhlükəsiz hiss edirlər. Bu təəccüblü deyil, çünki hindlilər 
münaqişələri və zorakılıqları sevmirlər, buna görə həmişə 
mübahisələrdən qaçmağa və özlərini dostcasına və sakit aparmağa 
çalışırlar. 
Bütün bu keyfiyyətlərlə yanaşı hindlilərdə bəzən həyata qarşı 
etinasız və laqeyd münasibətə də rast gəlmək mümkündür. 
Hindistan sakini almanlardan fərqli olaraq rəsmiyyətlər haqqında 
narahat olmur və gələcək haqqında geniş planlar qurmurlar. Məhz 
hindilərin bu keyfiyyətinə görə yalnız Hindistanda küçədə işləyən 
stomatoloqları, bərbərləri və aşpazları görmək mümkündür. Hind 
etinasızlığının daha bir parlaq əlaməti odur ki, bu ölkənin 
yollarında praktik olaraq heç kim yol hərəkəti qaydalarına riayət 
etmir. Sürücülər onlara necə rahatdırsa elə də hərəkət edirlər. 
Bununla belə bu ölkədə baş verən yol-nəqliyyat hadisələrinin sayı 
digər ölkələrdən elə də çox deyil. 
Hindlilərin digər xarakterik keyfiyyəti gözəlliyə və sənətə 
sevgidir. Cah-calal, gözəl geyim, qızıldan və daşlardan bəzəklər, 

---