Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
244 adət və ənənələri ola bilər. Siyasi cəhətdən azad bir vətəndaş kimi, hər bir britaniyalı ictimai intizama tabe olmağı və kök salmış ənənələrə riayət edilməsini öz öhdəliyi sayır. Bu fakt ingilis xarakterinin əsas xüsusiyyətlərini – ənənələrə sadiqlik, tarixən qurulmuş həyat tərzini qorumaq arzusunu nümayiş etdirir. Universitetlər, məsələn, XVI ya da XVII əsrlərdə ortaya çıxmış ritualların saxlanmasına çox ciddi yanaşırlar. Sağ sükan və sol tərəfdən hərəkəti idarə haqqında hər kəs bilir. Lakin ölkənin sərin iqliminə baxmayaraq, köhnə evlərdə pəncərələrin və qapıların dəyişdirilməsinin qadağan olunması hər kəsə məlum deyil. İsti və soyuq suyu ayri-ayrı kranlardan təchiz olunmuş ingilis santexnikası xüsusilə maraqlıdır. Britanlar haqqında ən məşhur stereotiplərdən birinə çevrilən söz birləşməsi, “sərt ingilis” ifadəsidir. Amma burada əsas məsələ ingilislərin tanımadığı insanlarla qapalı və ünsiyyətsiz olmalarına məcbur edən onların sərtliyi deyil, həssaslığıdır. İngilislərin düşüncəsinə görə, insan xarakterinin əsas üstün cəhətlərindən biri özünə sahib ola bilməkdir. “Özünü ələ almağı bacar” sözləri bu millətin şüarını hər şeydən daha yaxşı ifadə edir. Həyati situasiyalardan asılı olmayaraq, insan ən azından xaricən, daha yaxşı olar ki, daxilən də soyuq və təmkinli olmalıdır. İngilislər ünsiyyətdə çox mühafizəkardırlar. Onların meteorologları hər gün hava temperaturunu uzun illər bundan qabaq olduğu kimi həm Selsi şkalasıyla, həm də Farengeyt ilə bəyan etməyə davam edirlər. Onlar hələ də kral hakimiyyətinə və kral ailəsinə etiram edirlər, baxmayaraq ki, onları tez-tez istehza mövzusuna da çevirirlər. İngilislər öz evlərini yüksək qiymətləndirirlər, onu çağırılmayan ziyarətçilərdən və yorucu qayğılardan gizlənməyə kömək edəcək bir qala hesab edirlər. Onların milli ehtirası bağbançılıqdır, hobbiləri isə ev heyvanlarıdır. İngilislər olduqca çevikdirlər, sərt tərələrini yumşalda bilirlər, qarşı tərəfin təşəbbüsünə həvəslə cavab verirlər, belə hesab edirlər ki, tərəfdaşlarının mövqeyini nəzərə almaqla düzgün həll yollarını |