Microsoft Word etno kitab son srift 12

 

---

ETNOPSİXOLOGİYA 
290 
edir. Folklor rəqsləri və mərasimləri festivalda nümayiş etdirilir. 
Boliviyada ən xüsusi festivallardan biri də hər il 9 noyabrda 
La Paz qəbiristanlığında keçirilir. Aymara ənənəsinə əsaslanan 
festivalda simvolik olaraq əllərdə parlaq şüşə qutularda kəllə 
təqdim edilir. Qədim Aymara mədəniyyətinə əsaslanan festivalın 
hekayəsi belədir. Aymara inancına görə, adamın yeddi ruhu var və 
sonuncu ölümdən sonra bir skelet olaraq qalır. Buna görə skelet 
kəllə evlərdə saxlanılır və şans gətirdiyinə inanılır. 
Aymara Yeni ili ölkənin ən orijinal bayramlarından 
biridir.İyunun 21-də keçirilən festival Tiahuanacu küçələrini 
işıqlandırır. Boliviya küçələri 21 İyun tarixində qış dönüşünün ən 
uzun gecəsi kimi işıqlandırılır. İsti koka və alkoqol içkisi bayramın 
atributlarındandır. Bayram günəşin çıxmasına qədər davam edir. 
Dünyanın müxtəlif bölgələrində bir-birindən fərqli və qəribə 
adətlər mövcuddur. Başqaları tərəfindən mənasız və bir o qədər də 
qorxuducu gələn bu adətlər o bölgəyə məxsus insanlar üçün sevimli 
bir adət kimi qəbul olunur. Cənubi Amerika çox böyük bir 
regiondur, fərqli mədəni xüsusiyyətlərə malikdir. Cənubi Amerika 
bir neçə etnik qruplardan ibarətdir və bu qrupların hər biri müxtəlif 
mədəniyyətlərdən, adət-ənənələrdən ibarətdir. 
 
Braziliyada heç kəs və heç vaxt vaxtında gəlmir, əgər siz 
axşam saat 6-da qonaqları dəvət etdinizsə, gözləyin ki, onlar 8-
9dan tez olmayaraq yavaş-yavaş yığılmağa başlayacaqlar. Hətta 
televizorlarda xəbərlər və seriallar 10-15 dəqiqə gec başlanır. 
 
Pulla nağd ödəmək qəbul edilmir, praktik olaraq hər şeydə 
və həmişə kredit kartlarından istifadə edirlər. 
 
Əgər siz nəğd pulla hesablaşmağa qərar verdinizsə, ona 
hazır olun ki, dəqiq təslim etməni sizə burada verməyəcəklər. 
 
San-Paulo sakini üçün qorxunc tıxaclar normal şeydir. Hər 
bir sakinə 11-milyonluq şəhərdə ən azı 3 maşın düşür. 
 
Braziliyalılar Havaianasın (Xavayanas) rezin şap-şaplarında 
küçədə gəzməyi xoşlayırlar. Hətta bahalı restoranlarda və gecə 
klublarında da şap-şaplarda olan insanlarla qarşılaşmaq olar. 
 
Quarana və koka-kola — ən məşhur alkoqolsuz içkilərdir. 

---