Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
304 immiqrantlar təşkil edir. İsveçli və qeyri-isveçlilər arasında qarşılaşma milli mənsubiyyət problemini ortaya qoyur. Bu qarşılaşma onların düşüncə tərzində və hərəkətlərində özünü göstərir. İsveç mədəniyyəti öz daxilində olan müxtəlif etnik qruplar arasında əlaqələr sayəsində daha da güclənmişdir. Bəs immiqrantlara qarşı ayrı-seçkiliyə yol açan ən sadə İsveç dəyərləri hansılardır? Bu məsələ ilə bağlı onu demək olar ki, milli xarakter və milli mənsubiyyət üçün əsas səbəblərdən biri 1980-ci illərdə bir kökə doğru fərdi olaraq deyil, mədəni olaraq yönələn böyük maraqdır. Bu anlayışı psixoloji olaraq “daxili trend” də adlandırmaq olar. İsveçlilər arasında sosial əlaqələr problemlidir. Bu məsələ bir çox səbəblərdən qaynaqlana bilər. Məsələn, sosial muxtariyyət arzusu, təkliyə (tək qalmağa) pozitiv münasibət bəslənməsi, şəxsi və ictimai həyat arasında ciddi sərhədin olması və s. Amerika və İsveç tələbələrin araşdırmasına görə, amerikalıların həya, utancaqlığa münasibəti neqativdir. Onlara görə, utancaq insanlar daha az intelligentdir və onlar hər şeyi olduğu kimi qəbul edirlər, yəni savaşçı ruhları yoxdur. Ona görə amerikalılar utancaqlığı gizlətməyə və ya utancaqlığa qalib gəlməyə çalışırlar. İsveçlilərin isə utancaqlığa münasibəti pozitivdir. İsveçdə utancaq insanlar pozitiv görünürlər və onlar həssas və reflektiv insanlar hesab olunurlar. İsveçlilər digər xalqlarla müqayisədə çəkingən insanlardır, bu onların içinə qapanıq və ya introvert olmalarından irəli gəlir. Hətta onlar ailə və yaxın dostlarından başqa heç kəslə heç vaxt şəxsi mövzuları müzakirə etmirlər. Onların özəl və sosial həyatları arasında ciddi sərhəd var. Onlar yaxın dostları və ailə üzvləri ilə əylənməyi sevirlər. İsveçlilər özlərini bacarıqlı və təhlükəsiz hiss elədikləri yerdə danışmağı sevirlər. Orta təbəqə insanlarının xüsusilə bu cür yelərdə nitq söyləməsi adət halını almışdır. İsveçlilər bütün hərəkətlərinə, geyimlərinə, sözlərinə xüsusi diqqət yetirirlər. Çünki bütün bu elementlər onların şəxsiyyətini göstərir. Əks halda bunlara görə başqaları tərəfindən mühakimə və tənqid oluna bilərlər. |