Microsoft Word Materiallar Full
LYS-GLY DİPEPTİD MOLEKULUNUN NƏZƏRİ KONFORMASİYA ANALİZİ
Yüklə 18,89 Mb. Pdf görüntüsü
|
|
LYS-GLY DİPEPTİD MOLEKULUNUN NƏZƏRİ KONFORMASİYA ANALİZİ
El şad CƏFƏROV Qafqaz Universiteti elshad_ceferov@hotmail.com AZƏRBAYCAN
Nəzəri konformasiya analizi üsulu ilə Lys-Gly dipeptid molekulunun konformasiya xüsusiyyətləri müəyyən olunmuşdur. Hesablama nəticəsində Lys-Gly dipeptidinin məhdud sayda ən optimal konformasiya vəziyyətləri aşkar olunmuş və bu konformasiyaları stabilləşdirən quvvələrin təbiəti və enerji payları müəyyən olunmuşdur. Lys-Gly dipeptid üçün bütün optimal fəza quruluşların ikiüzlü fırlanma bucaqlarının qiymətləri və atomların üçölçülü koordinatları alınmışdır. Dipeptid molekullarının bioloji sınaqları göstərdi ki, onların bəzilərinin müəyyən farmakoloji xüsusiyyətləri var. Yüklü radikalları olan amin turşularının qalıqlarından təşkil olunmuş dipeptidlər müxtəlif reseptorlara qarşı aqonist və antaqonist aktivliyinə malikdirlər. Lys-Gly dipeptidi belə dipeptidlərdən biridir. Bu Lys–Gly dipeptidinin sinir sisteminin xəstəliklərinin müalicəsində istifadə edilməsi nəzərdə tutulur [1]. Peptid molekullarının təsir mexanizmini tədqiqi üçün ilk növbədə onların fəza quruluşunu və konformasiya imkanlarını öyrənmək vacibdir. Məlumdur ki, peptidlər fizioloji şəraitdə bir yığım oxşar stabil konformasiya vəziyyətlərində olurlar. Təcrübi üsullar vasitəsi ilə peptid molekulun kristalda və ya məhlulda yalnız bir ortalaşmış konfomasiya vəziyyətindən məlumat verirlir. Hazırda təcrübi üsullarla yanaşı peptid molekulların quruluş tədqiqində nəzəri yarımempirik hesablama üsullarından geniş istifadə edilir. Nəzəri konformasiya analizi üsulu bu üsullardan biridir. Nəzəri konformasiya analizi üsulu peptid molekulun bütün optimal konformasiya vəziyyətlərinin enerji və həndəsi parametrlərini, konformasiyalarda qarşılıqlı təsir qüvvələrin təbiətini və rolunu muəyyən etməyə imkan verir. Təqdim edilmiş məqalədə Lys–Gly dipeptidin fəza quruluşu nəzəri konformasiya analizi üsulu ilə tədqiq olunmuşdur. İlkin hesablama variantlarının seçilməsində Lys qalığı üçün 2 mümkün olan əsas zəncirin konformasiya vəziyyətləri B,R və Gly üçün isə 4 B,R,L,P formalı variantlardan istifadə olunmuşdur. Məlumdur ki, iki qalıqdan ibarət olan peptid molekulu 2 optimal fəza quruluşu tipi yarada bilər: e və f. Şəkil 1-də Lys-Gly molekulunun atom hesablama modeli və fırlanma bucaqları göstərilmişdir.
Yüklə 18,89 Mb. Dostları ilə paylaş:
|