8.4. Ǵárezsizlik jıllarda pedagogikalıq pikirlerdiń rawajlanıwı
Ǵárezsizlik dáwirinde mámleketimizde ekonomika, mádeniyat hám ilimniń rawajlanıwında ádewir tabıslar qolǵa kirgizildi. Ásirese pedagogika ilimi tarawında túpkilikli burılıslar boldı, jaslardıń mánawiy tárbiyası qolǵa alındı. Pedagogika ilimi hár tárepleme rawajlanıp, onı izertlewshi alımlar qatarı jetilisip tolıstı. Jańa pedagogikalıq oy-pikirler júzege keldi. Ǵárezsizlik jıllardıń 1991-2012-jıllar ishinde yaǵnıy birinshi 20 jıl ishinde 2 ilim doktorı hám 50 ge jaqın ilim kandidatları jetilisip shıqtı. Olar pedagogika tariyxı, teoriyası hám oqıtıw usılları boyınsha hár qıylı ilimiy mashqalalardı zaman talabına say sheship berdi. Nátiyjede tálim-tárbiya máseleleri boyınsha jańa pedagogikalıq kontseptsiyalar júzege keldi.
Pedagogika teoriyası hám tariyxı tarawı boyınsha ǵárezsizliktiń birinshi on jıllıǵında pedagogika ilimleriniń doktorı, professor Ó.Álewov, pedagogika ilimleriniń kandidatları, dotsentler T.Aytanov, İ.Allaniyazov, G.Jumasheva, U.Seytjanova, İ.Pirniyazov, P.Abdimuratov, R.Seytimbetova, F.Babashev, A.Tilegenov, T.Saparbaevlar ózlerinin ilimiy jumısların qorǵap shıqqan bolsa, ekinshi on jıllıqta Z.Qurbaniyazova, M.Pazılova, B.Kaypov, P.Berdanova, S.Romanova, T.Qudaybergenova, T.Jiemuratov, R.Alewova, R.Nurjanova, R.Tórejanova, Q.Seytmuratov, A.Bekimbetova, T.Saparov, S.Saytbekova, İ.Matchanovlar[1] qaraqapaq xalqınıń milliy ózgesheligin inabatqa alǵan halda tárbiya beriw zárúrligin kórsetip keleshek áwladtı ruwxıy jetilisken bilimli, insanıy pazıyletlerge bay, aqıl-oylı etip tárbiyalaw máseleleri boyınsha ilimiy teoriyalıq hám ámeliy usınısların berdi.
Dostları ilə paylaş: |
