|
3/ Kommunikativ funksiya müəllimin kommunikativ fəaliyyətinin təşkili, onun şagirdlərə zəruri məlumatları verməsi ilə bağlıdır. müəllimin kommunikativ fəaliyyətini düzgün qura bilməsi istər təlim, istərsə də tərbiyə sahəsindəki hər hansı bir məsələni tam şəkildə həll etməyə imkan verir. Kommunikativ funksiyanı həyata keçirmək üçün müəllim siniflə, şagirdlərlə və sinif kollektivi ilə, sinif rəhbərləri və valideynlərlə işgüzar əlaqə yarada bilməsi olduqca vacibdir.
4/ Qnostik funksiya məktəbdə bu və ya digər fənnin son məqsədini dərindən dərk etməyə əsaslanır. Həmin funksiya müəllimdən tədris fənninin spesifik cəhətlərini, məzmununu, tədrisin metodikası bilməyi, proqramda və dərslikdə verilmiş tədris materialını şagirdlərin mənimsəmə, dərketmə imkanındakı çətinliyin səbəbləri barədə pedaqoji ustalıq təkcə bilik, bacarıq və vərdişlərin özünəməxsus ifadəsi olmayıb, həm də şəxsiyyətin bu peşəsinin tələblərinə müvafiq olaraq inkişaf etmiş psixoloji proseslərinin, psixoloji halların və şəxsiyyətin xassələrinin spesifik ifadəsidir.
4. Müəllimin şəxsiyyəti uşağın əqlinin, hiss və iradəsinin inkişafına, onun həyatına əsaslı təsir göstərir. Müəllim şəxsiyətində elə müsbət keyfiyyətlər formalaşmalıdır ki, onlar şagirdlər üçün əsl nümunə götürüləcək obyekt olsun. Müəllimin pedaqoji ustalığını şərtləndirən cəhətlərdən biri də onun pedaqoji bacarıq və qabiliyyətləridir. Prof.A.İ.Şerbakov müəllimin yiyələnməli olduğu pedaqoji bacarıq və vərdişləri dörd qrupa bölür: 1/ Məlumatverici bacarıq və vərdişlər; 2/ Səfərbəredici bacarıq və vərdişlər; 3/ İnkişafetdirici bacarıq və vərdişlər; 4/ İstiqamətləndirici bacarıq və vərdişlər.
Dostları ilə paylaş: |
