Üskükotu yarpaqlarından alınan təmiz qlikoziddir. 0,1 mq dozada tablet şəklində və 0,15 mq dozada şam şəklində buraxılır.
Əsasən ürək fəaliyyətinin uzunmüddətli müalicə tələb edən xroniki çatışmamazliginda istifade olunur.
Daxilə təyin olunur (0,1 mq dozada). Kumulyasiya nəticəsində baş verə biləcək zəhərlənmənin qarşısını almaq üçün müalicənin ilk günlərində gündə 6-12 tablet təyin edilir (gündə 4 dəfə hər 6 saatdan bir 1,5-3 tablet), müalicəvi effekt alındıqdan sonra doza gündə 1-2 tableta endirilir.
Dispepsiyası olan xəstələrə şam şəklində təyin olunur.
Diqoksin (Digoxin; lat.: Digoxinum).
Üskükotundan alınan qlikoziddir. 0,1 mq (uşaqlar üçün) və 0,25 mq 0,025%-li məhlulu 2 ml-lik ampullarda buraxılır.
Kumulyativ təsiri digitoksinə nisbətən zəifdir. Təsiri daxilə qəbul edildikdən 20-30 dəq., venaya yeridildikdən 5 dəq. sonra başlayır.
Daxilə (ilk günlər gündə 4-5 dəfə, 1 tablet təyin edilir, sonrakı günlər doza tədricən gündə 1-2 tabletə qədər azaldılır) və vena daxilinə təyin edilir. Venaya hər 6-8 saatdan bir yeridilir. Bunun üçün 1-2 ml 0,025%-li preparat 10-20 ml 40%-li qlükoza məhlulu və ya natrium-xloridin izotonik məhlulu ilə durulaşdırılır.
