Akif Nurağa oğlu Abbasov 8
Research Papers of the Institute of Education of the Republic of Azerbaijan, Volume: 89, Number: 2, 2022 Müasir mərhələdə özünəqayıdış, milli tər-
biyə amili ön planda durur. Biz milli tərbiyədən
beynəlmiləl tərbiyəyə doğru getməliyik. Əvvəl-
lər isə beynəlmiləl tərbiyəni milli tərbiyədən əv-
vələ keçirmişdik. Ailə tərbiyəsi ilə müqayisədə
ictimai tərbiyənin rolunu hədsiz şişirtmişdik. Bu
gün tərbiyə üzrə aparılan işlər milli zəmində və
eyni zamanda dünyada mövcud olan ən mütə-
rəqqi tərbiyə ənənələri əsasında qurulmalıdır.
Dünya xalqlarının hərəsinin özünəməxsus
tərbiyə ənənələri, dədə-babadan qalma tərbiyə
üsulları var. Onlar özünəməxsus xüsusiyyətləri
ilə seçilir.
Ümummilli Liderimiz, Ulu Öndər Heydər
Əliyev deyirdi: “Heç vaxt iki xalq bir-birinə
bənzər dəyərlərə malik ola bilməz. Biz indi dün-
yanın mütərəqqi mənəvi dəyərlərindən istifadə
edərək, xalqımızın mədəni səviyyəsini daha da
inkişaf etdirərək gənc nəsli daha da sağlam əh-
val-ruhiyyədə, saf əxlaqi əhval-ruhiyyədə tərbi-
yələndirməliyik...
Hər xalqın öz adət-ənənəsi var, öz milli
mənəvi və dini dəyərləri var. Biz öz milli mənəvi
dəyərlərimizlə, öz dini dəyərlərimizlə, adət və
ənənələrimizlə fəxr edirik. Əsrlərin dərinliyindən
bu günümüzə gəlib çatan adət-ənənələrimiz hə-
mişə adamları saflığa, təmizliyə dəvət etmişdir”.
Ümummilli liderimiz gəncləri həyatda
fəal mövqe tutmağa, vətəndaş mövqeyi nümayiş
etdirməyə çağırırdı. Bu xüsusda deyirdi: “Hər
bir insan gərək eyni zamanda vətəndaş olsun.
Dövlətinə sadiq, millətinə sadiq, ənənələrinə sa-
diq, xalqına sadiq vətəndaş olsun”.
Heydər Əliyev gənclərə, onların qüvvəsi-
nə, bilik və bacarığına inanır və yüksək qiymət-
ləndirirdi. O, ümumtəhsil məktəbləri şagirdləri
ilə “Bilik günü”nə həsr olunmuş tədbirlərdə, ali
məktəblərə qəbul olunmuş tələbələrlə görüşlə-
rində gənc nəsli biliklərə əzmlə yiyələnməyə,
vətənin ləyaqətli övladları olmağa səsləyirdi:
“Bizim məqsədimiz müstəqil Azərbaycanın gə-
ləcəyi üçün daha bilikli, zəkalı gənclər hazırla-
maqdır... Siz Azərbaycanın gələcəyini təmin
edən insanlar olacaqsınız. Azərbaycan gələcək-
də sizin kimi gənclərin, formalaşmış insanların
çiyinlərində yaşayacaqdır”.
Ümummilli liderimiz gənclərdə yüksək
mənəvi keyfiyyətlər tərbiyə etməyi tövsiyə
edirdi: “Gəncləri paklıq, saflıq, yüksək əxlaq,
yüksək mənəviyyat ruhunda tərbiyə etməliyik”.
Ulu öndər Heydər Əliyevin dövlətçilik
ənənələrinə sadiq qalan və onun kursunu layi-
qincə davam etdirən ölkə Prezidenti cənab
İlham Əliyev də Azərbaycan təhsilinin dünya-
nın ən qabaqcıl dövlətlərinin təhsili səviyyəsinə
qaldırılmasını, gənclərimizin milli, ümumbəşəri
dəyərlərə, yüksək mədəniyyətə yiyələnmələrinə
nail olmağı məqsədəuyğun hesab edir. Möhtə-
rəm Prezidentimiz gənclərə böyük inamını ifadə
edərək deyir: “Bilikli, savadlı uşaqlar, gənclər
gələcəkdə Azərbaycanı idarə edəcəklər”.
Heydər Əliyev irsində azərbaycançılıq ide-
yası xüsusi yer tutur. Ulu öndər respublikamızda
yaşayan xalqların vahid ailədə yaşamalarının va-
cibliyini vurğulayır və diqqətə çatdırırdı ki, Azər-
baycan bu ölkədə yaşayan xalqların hamısı üçün
Vətəndir: “Biz azərbaycanlıyıq. Hamımızın Və-
təni Azərbaycandır. Bizi bir xalq, bir millət, bir
insan olaraq bu torpaq ərsəyə gətirmişdir. Buna
görə də bizim hər birimizin canında azərbaycan-
çılıq ruhu yaşayır. Bizi bir-birimizə bağlayan və
daha çox birləşməyə sövq edən də azərbaycançı-
lıq ruhu, azərbaycançılıq ideyası olmalıdır. Hər
bir dövlətin milli ideologiyası olur. Müstəqil
Azərbaycan Respublikasının milli ideologiyası
da azərbaycançılıq ideologiyasıdır”.
Heydər Əliyev xalqımızın mənəviyyatına
yüksək qiymət verirdi: “Azərbaycan xalqının
yüksək mənəviyyatı hər şeydən ucadır... Bu,
həm xalq üçün, millət üçün, hər bir azərbaycanlı
üçün, hər bir vətəndaş üçündür”.
Hər bir xalqın özünəməxsus tərbiyə ənə-
nələrə malik olduğunu hələ vaxtilə K.D. Uşinski
də diqqətə çatdırırdı. Onun aşağıdakı fikirləri
son dərəcə maraq doğurur: “1. Nəinki həyatda,
hətta nəzəriyyədə də bütün xalqlar üçün ümumi
olan xalq tərbiyə sistemi yoxdur; alman pedaqo-
gikası da alman tərbiyəsinin nəzəriyyəsidir.
2. Hər xalqın özünəməxsus milli tərbiyə sis-
temi vardır; ona görə bir xalqın başqa xalqdan tər-
biyə sistemlərini əxz etməsi mümkün deyildir.
3. Başqa xalqların tərbiyə işindəki təcrü-
bəsi hamı üçün çox qiymətli bir irsdir; lakin bu-
nu eynilə ümum dünya tarixi təcrübələrinin bü-
tün xalqlara aid olması mənasında başa düşmək
lazımdır. Başqa xalqın həyat tərzi nə qədər cazi-
bədar olsa da, onun nümunəsi üzrə yaşamaq
mümkün deyildir, eynilə özgə pedaqoji sistemi
nə qədər mütəşəkkil və yaxşı düşünülmüş olsa
da. o sistemlə tərbiyə olunmaq olmaz. Bu məsə-
lədə hər bir xalq öz qüvvəsini sınamalıdır.