Döşək-üzlük parçalar. Bu parçalara tik adlanan zolaqlı döşək üzü parçalan, terras polotnoları, çadır parçaları və üzlük (çexol) parçalar daxildir. Çeşidin öyrənilməsi zamanı aşağıdakılara fikir vermək lazımdır: tik parçaları kətan və yarımkətan olur. Daha çox qalın ipliklərdən polotno və sarja toxunması ilə hazırlanır, parça uzunu boyu ensiz, əlvan rəngli zolaqlara malik olur. Terras polotnoları orta və yüksək qalınlıqlı kətan ipliklərdən polotno toxunması ilə hazırlanır, parça uzunu boyu daha enli əlvan naxışlı zolaqlara malik olur; çadır parçaları enli olmaqla polotno toxunması ilə toxunur, qalınlığı və kütləsi böyük olur, bir qayda olaraq suya və çürüməyə qarşı davamlı arayışiandırılır.