Tasdiqlayman” Xatirchi tumani mtbga qarashli “ ”-sonli mtt raxbari

“TASDIQLAYMAN” Xatirchi tumani MTBga qarashli “______”-sonli MTT raxbari ___________________________

1iyun - Xalqaro bolalarni himoya qilish kuniga bag’ishlangan

ERTAKLAR EZGULIKKA YeTAKLAR

1-iyun - Xalqaro bolalarni himoya qilish kuniga bag’ishlangan


ERTAKLAR EZGULIKKA YeTAKLARtadbir ssenariysi


1boshlovchi: Assalomu alaykum, qadrli mehmonlar, aziz bolajonlar bugungi shodiyonamizga xush kelibsizlar!

Millatimiz erkasisiz,

Kelajakning egasisiz!
Qo’lingizda vatan ravnaqi,
Ona yurtning ertasisiz!


2-boshlovchi:

Bolajonim kichkintoyim,

Erkaginam shirintoyim.
Qora ko’zli ko’z munchog’im,
Sensan mening dil-quchog’im.


1-boshlovchi:. Ertangi kun egalari va kelajagimiz faxri bo’lgan yosh avlod chinakamiga baxtli va barkamol yetishishi uchun jamiyatda bugun barcha sharoitlar va imkoniyatlar bisyordir. Buning uchun biz yurtboshimizga o’z minnatdorchiligimzni bildiramiz.

Farzandlar kamolin so’raydi yurtim,

Sizlardandir mening orzu umidim.
Unib o’sing doim, bo’lingiz yuksak,
Sizni kutar omadli buyuk kelajak.


2-boshlovchi: Jamiyatni oilasiz tasavvur etish qiyin, hayotning go’zalligi, farovonligi, obodligi, qolaversa, istiqlolimiz ramzi ham ana shu mustahkam va tinch oilalarimiz timsolida aks etadi.


1-boshlovchi: bilasizmi bizning bolajonlar chaqqon va topqir, hozir biz ular bilan o’yin o’ynaymiz. Qani bolajonlar boshladikmi?

O’yin:“Topgan topaloq” savol-javob

Kattalar qilolmagan
Kattalar bilolmagan
Bir zo’r ish qilgim kelar
Eng polvon bo’lgim kelar

O’yin: “Kim chaqqon”

Davraga bolalardan 5tasi taklif etiladi va 4ta stullar qo’yiladi, bolalar musiqa sadolari ostida o’ynab, bo’sh stullar birinchi bo’lib egallashga harakat qiladilar, ortiqcha bola esa davrani tark etadi. Shu tariqa o’yin bitta ishtirokchi qolguncha davom etadi, qolgan bola rag’batlantiriladi.


2 boshlovchi:Hozir biz bolalarimiz bilan sirk tomoshalarini ko’ramiz.

Bilib oling do’stlarim!

Aqlli bo’ling doim,
Hormang ilm olishda,
Dono bo’ling har ishda!

O’yin:”Xolajonlar”

Stullar ustiga bitta ro’mol va ayollar kiyimlari qo’yiladi, bolalarga topshiriq beriladi, stullardagi kiyimlarni qaysi bola birinchi bo’lib kiyib olsa o’sha bola g’olib hisoblanadi.

O’yin: “Baqaloq”

Bolalarga turli rangdagi sharlar beriladi, kichkintoylar sharlarni iloji boricha kattaroq qilib puflaydilar.

O’yin “Qizil rang”

Boshlovchi kichkintoylardan qizil rangdagi istalgan narsalarini aytishini so’raydi, masalan, qizil olma, qizil mashina, qizil lenta va h.k.
Qaysi bola tutilib qolsa o’yindan chiqadi.
Bolalar bilan “Qo’g’irchoq teatri”ni tomosha qilamiz. Tadbir yakunida bolalar o’zlari hoxlagan qo’shiqlarga raqsga tushadilar va ularga esdalik sovg’alari topshiriladi.

Buyuk kelajakli mening Vatanim

Gullagan yashnagan bog’u chamanim
Bolalar unmoqda topib kamolot
Buyuk maqsad sari olg’a yosh avlod!
“Beg‘ubor bolalikni yodga olib”