Xirurgik kasalliklar
Ichakni EZOO o’tkazishga tayyorlash
Yüklə 10,99 Mb. Pdf görüntüsü
|
|
1. Ichakni EZOO o’tkazishga tayyorlash. O’tkir peritonitda bo’ladigan
barqaror ichak parezi, patologik jarayonning kechishini og’irlashtiradi va ichak bo’shlig’ida katta miqdordagi toksik moddalar, gaz yig’ilishi hisobiga uni chuqurlashtiradi, intoksikatsiya darajasini oshiradi. Bu esa, o’z navbatida me’da – ichak traktida yig’ilgan toksik moddalarni ochiq, yopiq yoki aralash dekompressiya usullari orqali evakuatsiya qilish (olib tashlash) ning turli xil usullaridan foydalanishni taqozo etadi. Ulardan bugungi kunda eng afzali va qulayi, klinikamizda taklif etilgan ikki kanalli (D-12 mm) zondni, operatsiya vaqtida ichakka og’iz orqali kiritish (intubatsiya), hamda shu zond orqali aktiv
569
aspiratsiyani qo’llab me’da va ichak bo’shlig’idagi katta miqdordagi toksik moddalar, gazlarni olib tashlash maqsadga muvofiq bo’ladi. Operatsiya jarayonida bu yo’g’on zondni qo’llash, uning tarkibini yaxshilab bo’shatishga – ichak dekompressiyasi (ID) imkon berib, zarurat bo’lganda birvarakayiga ichakni yuvishga sharoit yaratadi. Bu amal bajarilib bo’lgach zond olib tashlanib, amaliyotdan keyingi ilk davrda shu amallarni bajarish maqsadida, ingichkaroq (D-8 mm)
original konstruktsiyadagi (AC №1174031) ikki kanalli zond burun orqali (transnazal) kiritiladi. Bu zond amaliyotdan keyingi ilk davrda ID ni va ichak lavajini (IL), zarurat bo’lganda esa ko’rsatmalar bo’yicha EZOO o’tkazishga imkon beradi (120-rasm).
120-rasm. Dekompressiya uchun ichaklarni intubatsiya qilish.
Yo’g’on ichakni esa transanal kiritilgan (intubatsiya) bir kanalli oddiy zondni taloq burchagigacha surib, shu orqali dekompressiya o’tkaziladi. Paralitik ichak tutilishini bartaraf etish uchun intraoperatsion va amaliyotdan keyingi ilk davrdagi ID dan tashqari, bemorda ichak harakati aktivligini oshirish uchun dori-darmonlar qo’llaniladi (prednizolon, tserukal, 570
ubretid, ornid va b.), hamda peritonitning og’ir hollarida, mikroso’rg’ich yordamida doimiy me’da va ichak tarkibidagi suyuqliklar tortib olinib, doimiy aktiv aspiratsiya davom ettiriladi. Me’da ichak yo’li passajini yaxshilash, peritonitli bemorlarda suv-elektrolit muvozanatini qo’shimcha korrektsiya qilish uchun, elektrolit tarkibi bo’yicha ingichka ichak ximusiga monand tuzli eritmalar bilan IL o’tkaziladi. Ichak lavaji uchun eritma tarkibi qo’yidagicha: Na + – 220 mg/l, K + – 79 mg/l, Ca 2+ – 40 mg/l Cl - – 420 mg/l. IL operatsiya o’tishi bilan dastlabki sutkalarda 1500 ml tuzli eritmani zondning kichik kanali orqali 4 seriyada kiritish, hamda 30 daqiqali ekspozitsiya qilinib, aspiratsiya qilinadi. ID va IL ning samaradorligi bemorlar umumiy ahvolining yaxshilanishi, qorinning dam bo’lmasligi va og’riqning yo’qolishi, ichak peristaltik harakatlarining paydo bo’lishi, intoksikatsiya darajasining pasayishi, periferik va markaziy gemodinamikaning yaxshilanishi, qonning asosiy klinik va biokimyoviy ko’rsatkichlarining tiklanishiga qarab baholanadi. Shunday qilib, me’da ichak yo’li dekompressiyasining eng optimal varianti maxsus zondlardan foydalanib nazointestinal intubatsiya ekanligini tan olmoq lozim. Operatsiya vaqtida ichaklarni bo’shatish qorin bo’shlig’idagi bajariladigan jarayonni osonlashtiradi va operatsiya jarohatini kamaytiradi. Nazointestinal intubatsiya operatsiyadan keyingi ilk davrda toksik ichak suyuqligini to’liq olib tashlashga imkon beradi, bu ichak aktivligining tiklanishiga bevosita yordam beradi, ichak devori qon aylanishini, mikrotsirkulyatsiyani yaxshilaydi. Bundan tashqari, bu usulni qo’llash bitishmalar hosil bo’lishini oldini oladi, ichaklararo anastomozlar choklarining bitishiga sharoit yaratib, chok etishmovchiligi va ichak eventeratsiyasi kabi asoratlarning kelib chiqishini bartaraf etadi. ID bilan IL ni qo’shib qo’llash, 571
nafaqat me’da-ichak yo’li suyuqligi passajini ta’minlaydi va suv-elektrolit muvozanatini qo’shimcha ravishda tiklaydi, balki kompleks davolashga EZOO ni qo’shishga zamin hozirlaydi.
Yüklə 10,99 Mb. Dostları ilə paylaş:
|