Bakı Texniki Kollecinin müəllimi Hüseynli

 
 
 
 
 

---

YOL-NƏQLIYYAT HADİSƏLƏRINİN TƏSNİFATI 
YNH hadisəsi dedikdə mexaniki nəqliyyat vasitələrinin hərəkətində baş 
vermiş elə pozulma halları başa düşülür ki, onların nəticəsində insanlar ölür, 
müxtəlif dərəcəli bədən xəsarətləri alır və ya külli miqdarda maddi itgilər yaranır. 
YNH-nin qeydiyyatını aparmaq və analiz etmək üçün onların vahid təsnifatını 
vermək vacibdir. Təsnifatı müxtəlif əlamətlərə görə aparırlar. Bunlar 
aşağıdakılardır:
-nəticənin ağırlığına görə; 
-növünə və ya baş vermə mexanizminə görə; 
-baş vermə yerinə görə və s.
Nəticənin ağırlığına görə
YNH-ni üç qrupa bölürlər: 
-ölümlə nəticələnən; 
-insanların yaralanması ilə nəticələnən; 
-ancaq maddi ziyanla nəticələnən. 
Keçmiş SSRI-də qəbul edilmiş 
məhkəmə-tibbi təsnifata
görə insanların 
xəsarətləri üç qrupa bölünür: ağır, nisbətən yüngül və yüngül xəsarətlər. 
YNH
 baş vermə mexanizminə görə
aşağıdakı kimi təsnif olunurlar: 
1. Nəqliyyat vasitələrinin toqquşması. 
2. Nəqliyyat vasitələrinin (NV) aşması. 
3. Maneənin vurulması; 
4. Piyadaların vurulması; 
5. Velosipedçinin vurulması;
6. Dayanmış NV-nin vurulması; 
7. Canlı nəqliyyat vasitələrinin vurulması; 
8. Mal-qaranın vurulması; 
9. Sərnişinin yıxılması; 
10.Digər hadisələr. 
Digər ölkələrdə mövcud olan təsnifatların buna anoloжi olmasına 
baxmayaraq, bir sıra fərqləri aydın görmək olar. Başqa təsnifatlar üçün xarakterik 
olan növə misal olaraq NV-nin yolun hərəkət hissəsindən çıxmasıdır. Belə növ 
YNH-yə elə hadisələr aid edilir ki, NV-nin hərəkət trayektoriyası qəfildən pozulur 
və o, yolun hüdudundan kənara çıxır. Ölkəmizdə belə YNH NV-nin aşmasına aid 
edilir. 
Baş vermə yerinə görə hadisələr aşağıdakı kimi təsnif olu-nurlar: 
-respublika, diyar və vilayət mərkəzlərində baş vermiş YNH; 
-digər şəhərlərdə baş vermiş YNH; 
-ümumdövlət əhəmiyyətli yollarda baş vermiş YNH; 
-respublika əhəmiyyətli yollarda baş vermiş YNH; 
-vilayət əhəmiyyətli yollarda baş vermiş YNH; 
-rayon, inzibati, təsərrüfatdaxili əhəmiyyətli yollarda baş vermiş YNH; 
-digər yerlərdə baş vermiş YNH. 

---