Fяxrяddиn mustafayev

Ağayeva Emma Müzəffər qızı  
(1951) 
 
Azərbaycan  baytarlıq  təbabəti  mikrobiolo-
giyası  və  immunologiyası  üzrə  ilk  qadın  elmlər 
doktoru,  Azərbaycan  Tibb  Universitetinin  «Tibbi 
mikrobiologiya  və  immunologiya»  kafedrasının 

---

 
74 
professoru Ağayeva Emma Müzəffər qızının ölkəmizdə  mikrobiologiya, immu-
nologiya,  immunogenetika,  molekulyar  biologiya,  gen  mühəndisliyi  və 
biotexnologiya  elmlərinin  öyrənilməsində,  tədrisində  və  inkişafında  xüsusi  və 
təqdirəlayiq  xidmətləri  vardır.  O,  1974-cü  ildə  Azərbaycan  Dövlət  Aqrar 
Universitetinin    baytarlıq  təbabəti  fakültəsini  fərqlənmə  diplomu  ilə  bitirdikdən 
sonra 1975-ci ildə İnstitutun Elmi Şurasının qərarı ilə Moskva şəhərindəki sabiq 
Ümumittifaq Eksperimental Baytarlıq İnstitutunun mikrobiologiya, virusologiya 
və immunologiya ixtisasları üzrə əyani aspiranturaya daxil olmuş və 1981-ci ildə 
namizədlik  dissertasiyasını  müvəffəqiyyətlə  müdafiə  edərək  baytarlıq  təbabəti 
elmləri namizədi alimlik dərəcəsi almışdır. O, «Mikroorqanizmlərin tipizasiyası 
və  tipospesifik  serumun  (zərdab)  alınmasına  aid  hazırlanan  sabiq  Ümumittifaq 
miqyaslı  tövsiyyənin»  müəllifi  olmuşdur.  E.Ağayeva  1982-ci  ildə  ADAU-nun 
«Epizootologiya, mikrobiologiya və virusologiya» kafedrasının assistenti, 1987-
ci  ildə  isə  dosenti  vəzifəsində  işləmiş,  2000-ci  ildə  Bakı  şəhərində 
mikrobiologiya,  virusologiya,  immunologiya  və  mikologiya  ixtisasları  üzrə 
doktorluq  dissertasiyası  müdafiə  edərək  baytarlıq  elmləri  doktoru  elmi  dərəcəsi 
adına layiq görülmüşdür. Alim əvvəlcə (2003) Azərbaycan Tibb Universitetinin 
«Tibbi  biologiya  və  genetika»  kafedrasında  dosent,  sonra  isə  (2004)  «Tibbi 
mikrobiologiya  və  immunologiya»  kafedrasının  professoru  vəzifəsinə  seçilmiş 
və hazırda həmin kafedrada öz elmi-pedaqoji fəaliyyətini uğurla davam etdirir. 
Onun  elmi-tədqiqat  işlərinin  əsas  qayəsi  müasir  biologiya  elminin  ən  prioritet, 
mürəkkəb,  lakin  planetar  və  bəşəri  əhəmiyyətli,  hazırda  dinamik  inkişaf  edən, 
mütərəqqi  elm  sahələri-molekulyar  biologiya,  immunologiya,  immunogenetika, 
gen  mühəndisliyi,  biotexnologiya  və  s.  təşkil  edir.  O,  həm  də  ATU-da  qeyd 
edilən  müasir  və  çətin  elm  sahələrinin  tədrisi  ilə  məşğuldur.  Alimin  ali 
məktəblər üçün hazırladığı fundamental dərsliklər «Biotexnologiya və gen  mü-
həndisliyi»,  2010  (azərbaycan  və  rus  dillərində),  «Molekulyar  biologiya  üzrə 
(mikrobiologiya,  immunologiya,  gen  mühəndisliyi)  terminlər  lüğəti»  (2010)  və 
s.  onun  yaradıcılığının  şah  əsərləri  sayılır.  O,  həm  də  ölkəmizdə  elmi-pedaqoji 
alim kadrların hazırlanmasında çox böyük xidmətlər göstərərək, hazırda bir neçə 
dissertasiya  işlərinə  elmi  rəhbərlik  edir,  eləcə  də  bir  monoqrafiya,  200-ə  qədər 
elmi əsər, tədris vəsaitləri və metodik tövsiyələrin müəllifidir. E.Ağayeva ATU-
nun mikrobiologiya, allergologiya, epidemiologiya və gigiyena üzrə Dissertasiya 
Şurasının  üzvü  kimi  də    universitetin  ictimai  həyatında  çox  fəal  iştirak  edir. 
Hazırda alimin çox geniş dipozonlu elmi-pedaqoji yaradıcılıq planları vardır. O, 
hazırda  biologiya  elminin  qeyd  edilən  müasir  sahələri  üzrə  öz  elmi-pedaqoji 
yaradıcılq işlərini çox uğurla davam etdirir.