Benazir siymolarning tutash ufqlari

BENAZIR SIYMOLARNING TUTASH UFQLARI
Ruxshona: G’urbatda g’arib shodimon bo’lmas emish,
El anga shafiqu mehribon bo’lmas emish.
Oltin qafas ichra gar qizil bitsa,
Bulbulga tikondek oshiyon bo’lmas emish.

Alpomish: Yod etmas emish kishini g’urbatda kishi,

Shod etmas emish ko’ngilni mehnatda kishi.
Ko’nglim bu g’ariblikda iyd o’lmadi oh,
G’urbatda sevinmas emish albatta kishi.
─ Assalomu –alaykum aziz ustozlar, qadrli tengdoshlar
─ Assalomu –alaykum bilimga chanqoq o’quvchi yoshlar.
─ Bugun biz she’riyat mulkining sultoni buyuk bobokalonimiz Mir Alisher Navoiy hazratlari hamda
─ Iste’dodli shoir va shoh, buyuk sarkarda vatandoshimiz Zahiriddin Muhammad Bobur
BENAZIR SIYMOLARNING TUTASH UFQLARI nomli tadbir tayyorlab kelganmiz, marhamat tinglab, tomosha qiling.

Mashxura: Navoiy 1441-yil 9-fevralda Hirot shahrida tug’ilgan. Shoirning otasi G’iyosiddin Kichkina temuriylar saroyida amal-dorlardan bo’lgan, onasi esa shahzodalarga enagalik qilar edi.

Husnora: Agar bu ulug’ zotni avliyo desak, avliyolarning avliyosi, mutafakkir desak, mutafakkirlarning mutafakkiri, shoir desak, shoirlarning sultonidir.

Husnida: Hirot tuprog’ida voyaga yetgan,

“Qush tili” yo’llarin munavvar etgan,
Yillar to’zonidan sog’-omon o’tgan,
Navoiy bobomlar buyuk odamlar.

Hayotxon: “Hamsa”si ko’ngilni shamdek yoritgan,

Tilimizni ko’rkam, boy etgan.
Mag’rib-u mashriq ham iftixor etgan,
Alisher bobomlar, qutlug’ qadamlar.

Mashxura: Zahiriddin Muhammad Bobur 1483-yil 14-fevralda Andijonda tavallud topgan. Ota-onasi unga sherdek kuchli, yo’lbarsdek chaqqon buyuk bir inson bo’lib yetishsin deb “Bobur” ismini qo’yadilar.

Mohlaroyim: Bobur tug’ilgan kun

Andijonda quyosh chiqmas, botmas oy,yulduz
Andijonda osmon xira bir kecha-kunduz,
Andijonda ariqlar muz, daraxtlarda muz.

Javohir: Bobur sur’atiga boqqanmisiz

Boshi hiyol egik, ko’zlari ma’yus.
Husnida: Bolalik nashidasiga to’yib ulgurmagan Bobur 12 yoshida podshoh deb e’lon qilindi. Biroq saltanat Bobur uchun jang-u jadallar, do’stlar xiyonatidan o’zga ne’mat keltirmadi.

Muxlisa: Bobur Mirzo oliy hazrat sizday zotga,

Berkitdilar ota yurtning darvozasini.
Bir taxt ketdi, bir baxt ketdi shunda yotga
Baxtsiz, taxtsiz vatan qoldi avzasiz.

Madina: Alisher Navoiyning “Hamsa”si kelajak avlodlar uchun qoldirib ketgan ulkan bir xazinadir. Bu xazina 5 dostondan iborat bo’lib, ular quyidagilar:

“Hayrat ul-abror”
“Farhod va Shirin”
“Layli va Majnun”
“Sabbai-sayyor”
“Saddi Iskandariy” dostonlaridir.

Asila: Oz-oz o’rganib dono bo’lur, qatra-qatra yig’ilib daryo bo’lur

Munavvar: Bilmaganni so’rab o’rgangan olim, orlanib so’ramagan o’ziga zolim.
Axror: Yaxshilik qilishni bilmasang, yaxshilarga qo’shil.

Qizlar ijrosida raqs: “O’zbegim qizlari”

Sarvinoz: Zahiriddin Muhammad Bobur o’z umri davomida ro’y bergan voqea – hodisalar, joylar haqidagi ma’lumotlarni o’z ichiga olgan “Boburnoma” dek buyuk asarni yaratdi.

Muxlisa: Biri Agra, biri Dehli , biri Lohur

Samolar o’zaro boqar olislarga,
Boburiylar ruhi ila oboddir
Vidolashib yo’l ko’rsatur yulduzlarga.
Marjona: Men dunyoni nima qildim, O’zing yorug’ jahonim.
O’zim xoqon, o’zim sulton, Sen taxti Sulaymonim.
Yolg’izim, Yagonam deymi, Topingan koshonam deymi,
O’zing mening ulug’lardan Ulug’imsan vatanim…

Sherali: Sen Mashrabsan, Xalqda tumor, Balxda dorga osilgan,

Navoiysan, shoh yonida Faqirni duo qilgan.
Yassaviysan, meniki deb, Ko’ringan da’vo qilgan,
Ming bir yog’i ochilmagan Qo’rig’imsan, Vatanim…

Xurshid: Kim Qashqarni qildi makon, Kim Enasoy tomonda,

Jaloliddin – Kurdistonda , Boburing – Hindistonda ,
Bu qanday yuz qarolig’ deb, Yotarlar zimistonda,
Tarqab ketgan to’qson olti Urug’imsan Vatanim…

Qayumxo’ja:Qirq yil chorla , go’rdan chiqmaydi Bobur ,

Chiqsa ham bag’ringga sig’maydi Bobur.
Hindu quchog’ida uxlaydi Bobur,
Nega yig’lamaysan ahli Andijon?

Mashxura: Qani Bog’ishamol kezgan yellaring,

Qirlarda kekkaygan qirg’ovullaring,
Eslab ezilmasmu endi dillaring,
Nega yig’lamaysan, ahli Andijon ?..

Muxlisa: Har kimki vafo qilsa, vafo topqusidir,

Har kimki jafo qilsa, jafo topqusidir.
Yaxshi kishi ko’rmagay yomonlik hargiz.
Har kimki yomon bo’lsa, jazo topqusidir.

Sahna ko’rinishi: Turli tillarda Navoiy va Boburni butun dunyo taniganligi haqida o’quvchilar o’zlarining musiqali chiqishlarini namoyish qildilar.

Alpomish: Shuning bilan tayyorlab kelgan tadbirimiz o’z nihoyasiga yetdi, e’tiboringiz uchun rahmat!