60
BƏRDƏ ŞƏHƏR CÜMƏ MƏSCİDİ
Bu məscid Bərdə şəhərinin mərkəzində yerləşir. Əsas giriş qapısı-
nın üstündə ərəb rəqəmi ilə 1324-cü il tarixi göstərilib. Ehtimal ki, bu ta-
rix məscidin bərpa edildiyi tarixdir. Məscidin kim tərəfindən tikildiyi ba-
rədə dəqiq məlumat yoxdur. Bu məscid əsrin əvvəllərindən 1990-cı ilə
qədər gübrə anbarı, məktəb və arxiv binası kimi istifadə olunub. Lakin
1990-cı ildən sonra məscid yerli sakin Məşədi Ramazanın şəxsi təşəbbüsü
və yerli camaatın vəsaiti hesabına təmir olunub.
Düzbucaqlı formada olan məscid binası başdan-başa bişmiş kər-
piclə işlənib. İbadət zalının sahəsi 14x12 metr, hündürlüyü isə 5 metrdir.
Məscidin minbəri yeddipilləli olub, taxtadan düzəldilmişdir. Mehrabının
hündürlüyü isə 2,5 metr tağvari formadadır. Damın örtüyü ağ dəmir təbə-
qədəndir. Məscidin minarələri də bişmiş kərpicdən hörülüb, damdan ucal-
dılmışdır (5 metrdir). Minarələr dəyirmi formada olub, qübbəsi ağ dəmir
təbəqə ilə işlənib.
Məscidin ön tərəfində açıqşəkilli eyvan yerləşir. Məscidin qadınlar
şöbəsi birinci və ikinci mərtəbədədir. İkinci mərtəbənin sahəsi 12x4 metrdir.
Dostları ilə paylaş: | 
