Bilet 1 Gemi qazan qurgulari haqqinda

Sual5-buxar qazanlarinin ise salinmasi

Gəmi buxar qazanlarını istismarı xüsüsi qaydalarda qeyd olunan və onlara riayət

edildikdə qazanların uzun müddət ərzində qəzasız işləməsinə zəmanət verir.

Qazanın işə salınmasına hazırlıq:

a) Qazanın istilik səthinin sobasına ,buxar kəmərlərinə və armaturaya xarici

baxış.

b) Qazanın yuxarı aşağı üfürücü kanalları bağlı olmalıdır.

c) Qazanı su ilə doldurduqdan sonra nəzarət süşəsi ¼ vəziyyətində olmalıdır.

d) Qazanın ocağının yandırılması dizel yanacağı istifadə olunur. Qazanda

buxarı təzyiqi 3-4 atm çatdıqda mazut qızdırılır və sonra forsunka mozuta

keçirilir.

e) Forsunkanı yandırmaqdan əvvəl soba yoxlanılır,çünki ocaqda partlayıcı

qazlar ola bilər.

Qazana baxan maşinist 1 metr uzunluğunda məftilin ucunda yanan

materialı forsunkaya yaxınlaşdırır və özüdə kənarda durur ki özü alova

düşməsin.Müasir qazanlarda elektirik yandırma tətbiq olunur.

Qazan işləməsi:-qazanın işlədiyi zaman tələb olunur ki, buxarın təzyiqi və

suyun səviyyəsi sabit olmalıdır.Təzyiqin dəyişməsi onun normal göstəricisindən

5% artıq olmalıdır.Əgər qazanda təzyiq artsa, yanmanın şiddətliyini azaltmaq və

qazana su vermək lazımdır. Belə halda qoruyucu klapanla təzyiqi azaltmaq olmaz,

çünki istilik itirilir.

Əgər qazanda suyun səviyyəsi xeyli düşsə tezliklə qazanı buxar kəmərindən

ayırmaq ,sobanı söndürmək və qazanda olan buxarı köməkçi mexanizimlərə

vermək və ya atmosferə buraxmaq lazımdır.Qazanın belə halında soyuq su vermək

qadağandır. Yoxlanışdan sonra qazan yenidən işə salınir. Dənizdə qasırğa zamanı

qazanda suyun səviyyəsi daha ciddi nəzarət olunmalıdır.

Registrin tələbinə görə hər il qazana xarici baxış keçirilir.yoxlamadan

əvvəl qazan ciddi şəkildə təmizlənməlidir. 8 ildən bir qazan Registr tərəfindən

hidravlik baxışdan keçirilir. Qazanın hidravlik baxış zamanı onun möhkəmliyi və

birləşmələri kipliyi o cümlədən deformasiyalar yoxlanılır.Qazanın istismarı zamanı

qazan şöbəsində əməyin təhlükəsizliyi və yanğına qarşı tədbirlər həyata keçirilir və

bu tədbirlərin yerinə yetirilməsinə 3-cü və baş mexanik cavabdehdirlər.Qazan

şöbəsindən maşın şöbəsinə çıxışdan əlavə göyərtəyə də çıxış olmalıdır:qazan

şöbəsi yaxşı işıqlandırılmalıdır. Qazanın baş və köməkçi klapanları və mazut

magistralının tez bağlayan klapanları göyərtədən etibarlı idarə olunmalıdır.

Buxar qazanlarında işləyən şəxslər:

- 18- yaşından az olmamalı; ixtisas şəhadətnaməsi olan əmək

təhlükəsizliyində inspeksiya keçmiş şəxslərə iczə verilir.

- Qazanın daxilində təmir işləri aparan zaman 12V – dan artıq olmayan

elektrik lampaları işlədilir.

- Qazan şöbəsində bütün isti parla işləyən detallar örtüklə bağlanmalı; xaricdə

temperatur 50-600 C-dən artıq olmamalıdır.

Mazutun qızdırilması zamanı onun buxarları yanğın baxımından böyük

təhlükə yaradır.Ona görə qazan şöbəsi yaxşı ventilyasiya olunmalıdır. Qazan

şöbəsində yanğını söndürmək üçün qum,karbon qazlı qurğular və köpük doğan

apparatlar olmalıdır. Yanğın zamanı qazan şöbəsindən cixmaq lazım olsa,maşın

şöbəsinə keçmək üçün qapılar ya da avar tunelindən çıxmaq olar.

Reqistrin tələblərini yerinə yetirməklə qazan aqreqatının xidməti

diqqətlə aparılması qəzasız işləməyə tam imkan verir.