14-masala. Boshog’ida donlari tig’iz joylashgan va qiltanoqli bug’doy o’simliklari boshog’ida donlari siyrak joylashgan va qiltanoqsiz boshqa o’simliklar bilan chatishtirilganda, birinchi avlodda olingan duragaylarning hammasi boshog’ida donlari o’rtacha tig’izlikda joylashgan va qiltanoqsiz boshoqli bo’lgan. Ikkinchi avlodda 58 ta qiltanoqsiz va donlari tig’iz joylashgan boshoqli; 125 ta qiltanoqsiz va donlari o’rtacha tig’izlikda joylashgan boshoqli; 62 ta qiltanoqsiz va donlari siyrak joylashgan boshoqli; 18 ta qiltanoqli va donlari tig’iz joylashgan boshoqli; 40 ta qiltanoqli va donlari o’rtacha tig’izlikda joylashgan boshoqli hamda 21 ta qiltanoqli va donlari siyrak joylashgan boshoqli o’simliklar olingan. O’rganilayotgan belgilar qanday irsiylanadi?
