Bizlar kichik askarlar

3-boshlovchi: Vatan	himoyachilari kuniga bag’ishlab o’tkazilayotgan « Vatan
himoyasi –
muqaddas burch» shiori	ostidagi “O`zbegim o`g`lonlari” bellashuv tadbirimizga xush kelibsiz.

4-boshlovchi: Mamlakatimiz hayotidagi qutlug’ sana - Vatan himoyachilari kuni va Qurolli kuchlarimiz tashkil etilganining 25 yilligi bilan chin qalbdan barchangizni tabriklaymiz.


1-boshlovchi: Mana, 25 yildirki, mamlakatimiz Vatan himoyachilari kunini milliy bayram sifatida nishonlamoqda. Bu bayram el-yurtga sadoqat bayramidir. Bu bayram o’z mohiyat-e'tibori bilan avlodlar o‘rtasidagi uzviylikni, O’zbekiston ahlining jangovar soha namoyondalariga bo’lgan chuqur ehtiromini aks ettiradi.


2-boshlovchi: Qurolli Kuchlarimiz mamlakatimiz mustaqilligi, suvereniteti va hududiy yaxlitligining, kelajagi buyuk davlat barpo etayotgan O‘zbekiston fuqarolarining tinch-osoyishta hayoti, bunyodkorona mehnati xavfsizligining kafolatidir.


1-boshlovchi: bugungi bayram tadbirimizda sinfimiz mard yigitlari, bo`lajak vatan posbonlari o`zaro bellashadilar. Bellashuvda sinfimizning 7 nafar jasoratli o`g`lonlari ishtirok etadilar.


2-boshlovchi: bellashuvimiz 4 shart asosida bo`lib o`tadi


3-boshlovchi: endi sahnaga bellashuvimizning ishtirokchilari bo`lmish “O`zbegim o`g`lonlarini taklif qilamiz”.

Keksalar dardiga darmon yigitlar,

Barnolar tilida doston yigitlar.
Chaqindek charaqlab ko‘kni qoq yorib,
Parvozi burgutdek osmon yigitlar.