|
537. Yenidoğulmuşun burun boşluğu nə ilə təmizlənir?
A) Quru pambıq çöplə
B) Steril bitki yağında isladılmış pambıq çöplə
C) Suda isladılmış çöplə
D) Tənzif kürəciklərlə
E) Pambıq kürəciklərlə
Yenidoğulmuşlarda burun boşluğu kiçik və dar olur. Selikli qişası zərif olur. Burun tutulduqda, burunda selik olduqda tənəffüs tez pozulur. Yenidoğulmuşun burun boşluğu vaxtaşırı steril bitki yağında islanmış pambıq çöplə təmizlənməlidir.
Ədəbiyyat: N. Tağıyev “Neonatologiya” Bakı 2007 səh 42
538. Erkən yaşlı uşaqlarda xarici qulaq keçəcəyinin təmizlənməsində nədən istifadə edilir?
A) Suda isladılmış kürəciklər
B) Steril bitki yağında isladılmış pambıq çöplər
C) Pambıq kürəciklər
D) Tənzif kürəciklər
E) Quru pambıq çöplər
Qulaq həssas orqan olduğundan qulağı çox qıcıqlandırmaq olmaz. Xarici qulaq keçəcəyi quru pambıq çöplərlə təmizlənir.
Ədəbiyyat: N. Tağıyev “Neonatologiya” Bakı 2007 səh 33
539. Südəmər uşaqlarda kəskin rinit zamanı əmizdirmədən əvvəl buruna damargenəldici damcının tökülməsində məqsəd nədir?
A) Bədən hərarətini azaltmaq
B) Burun selikli qişasının ödemini artırmaq
C) Burunun selikli qişasında ödemi azaltmaq
D) Bağırsaq peristaltikasını artırmaq
E) Qarında köpü azaltmaq
Südəmər uşaqda burun boşluğu kiçik və dar olduğuna görə yuxarı tənəffüs yollarının katarında,rinitdə burun selikli qişası ödemləşir, burun tənəffüsü çətinləşir. Uşaq əmə bilmir. Ona görə də uşağı əmizdirmədən əvvəl selikli qişanın ödemini azaltmaq üçün buruna damargenəldici damcı tökülməlidir.
Ədəbiyyat: Л.Ф.Исаева, Л.К.Баженова «Детские болезни » Москва 1986 стр 100
Dostları ilə paylaş: | 
