Buxgalteriya hisobi va uning registrlari va shakllari

JOURNAL OF NEW CENTURY INNOVATIONS 
http://www.newjournal.org/ 

Volume–22_Issue-1_February_2023 
35 
Yozuvlar turlariga ko'ra, hisob registrlarining quyidagi turlari mavjud: 
Xronologik;[1] 
Tizimli 
Birlashtirilgan. 
Xronologik hisob registrlarida korxonada amalga oshirilgan yoki sodir bo'lgan 
xo'jalik operatsiyalari hech qanday tizimga kiritilmasdan, faqat hujjatlar buxgalteriya 
tizimiga kiritilgan vaqtga ko'ra ro'yxatga olinadi. Xronologik hisob registrining 
vazifasini buxgalteriya hisobining memorial-order shaklida qo'llaniladigan "Xo'jalik 
muomalalarini ro'yxatga olish jurnali" bajaradi. Ushbu jurnalda xo'jalik operatsiyalari 
sodir bo'lgan vaqtga qarab ketma-ket qayd etiladi.Tizimli hisob registrlari ma'lum 
belgilar bo'yicha korxonada sodir bo'ladigan xo'jalik operatsiyalarini muntazam 
ravishda qayd etish uchun mo'ljallangan. Tizimli hisob registrlariga “Bosh kitob”, 
analitik hisob kartochkalari misol bo`la oladi.Kombinatsiyalangan hisob registrlari - 
bu korxonada amalga oshirilayotgan xo'jalik operatsiyalarining tizimli va xronologik 
guruhlanishini ta'minlovchi hisob registrlari. Hisob registrlarining bu turi buxgalteriya 
hisobini takomillashtirish natijasida yaratilgan bo'lib, ularda xo'jalik operatsiyalari bir 
vaqtning o'zida buxgalteriya hisobi schyotlarida o'zlarining iqtisodiy mazmuniga ko'ra 
ajratilgan holda aks ettiriladi. 
Hisob registrlari ulardagi ma'lumotlar miqdoriga qarab ikki turga bo'linadi: 
Sintetik hisob registrlari; 
Analitik hisob registrlari.[2] 
Sintetik hisob registrlaridagi yozuvlar hech qanday tushuntirishsiz pul shaklida 
umumlashtiriladi. Sintetik hisob registrlaridagi yozuvlar ayrim olingan hujjatlar 
bo'yicha amalga oshirilmaydi, ularda ilgari iqtisodiy mazmuniga ko'ra guruhlangan bir 
xil hujjatlar yig'indisida aks ettiriladi. Bu turdagi hisob registrlariga bosh kitob, xo’jalik 
muomalalarini ro’yxatga olish jurnali va boshqalar kiradi.Analitik hisob registrlari 
xo‘jalik fondlari va ularning shakllanish manbalari, iqtisodiy jarayonlar to‘g‘risidagi 
batafsil ma’lumotlarni aks ettirish va ularni tahliliy guruhlar bo‘yicha ro‘yxatga olish 
uchun mo‘ljallangan. Analitik hisob registrlari sintetik hisob registrlariga qaraganda 
korxonada amalga oshirilgan xo'jalik muomalalarini batafsil ko'rsatadi. Bunday turdagi 
hisob registrlariga misol qilib «Asosiy vositalar», «Debitorlar va kreditorlar bilan 
hisob-kitoblar» va boshqa schyotlarda yuritiladigan kartochkalarni keltirish 
mumkin.Buxgalteriya hisobining shakli ma'lum bir texnik vositadan foydalangan 
holda buxgalteriya hisobini tashkil etishdir. Bunda korxonaning buxgalteriya hisobi 
ishida sodir bo'lgan har bir xo'jalik muomalasining qisqa muddatda, to'g'ri va izchil 
ravishda hisob registrlarining aniq tizimida tuzilishi ta'minlanadi.Amalda buxgalteriya 
hisobining turli shakllari mavjud. Ushbu shakllar bir-biridan quyidagi asosiy jihatlarda 
farqlanadi: 
Hisob registrlarining soni, funktsiyalari va ko'rinishi bo'yicha; 

---