Granulyatsiyalovchi periodontit. Jarayon ildiz uchi soxasi periodontida granulyatsion to‘qima o‘sishi va yaqin
sohalarga hamda tish alveolasi devoriga tarqalishi bilan xarakterlanadi.
Klinik ko’rinishi. Granuliyatsiyalovchi periodontit surunkali periodontitning faol shakli bo‘lib, turli xil
klinik ko‘rinishlarga ega. Ko‘pincha bemorlar qattiq va issiq ovqat mahsulotlarini eganda paydo bo‘ladigan
og`riqqa shikoyat qilishadi. Ayrim hollarda tish bosilganda og`riq kuchayadi. Granulyatsiyalovchi periodontitda
ko‘pincha turli tezlikda kechuvchi asoratlar paydo bo‘ladi. Yallig`lanish jarayonining aktivligi tish bosilganda
va tishlaganda davriy og`riqlarni kuchayishi bilan boradi.
Periodontda granulyatsiyali o‘chog`i bo‘lgan ildiz uchi alveolyar o‘sig`ini qoplab turgan shilliq qavati
odatda biroz shishgan va to‘laqonli. Pintset yoki zond bilan milk bosilganda unda izi qoladi.Tashqi tomondan
ko‘rilganda bir butun zich ba`zan og`riqli limfa tuguni paypaslanadi. Zaralangan tish sohasi shilliq qavati
shishgan va qizargan.
Patologik o‘choq atrof to‘qimaga o‘sishi mumkin oqibatda, shilliq qavatda oqma yo‘l yuzaga keladi.
Ko‘pincha bu yo‘l zararlangan tish ildiz uchi chegarasida nuqtasimon teshik yoki kichkina bo‘kib qolgan
granulyatsiya ko‘rinishida joylashadi. Oqma yo‘l qanchadir vaqtga yopilib qolishi mumkin, biroq qaytalanish
davrida yana ochiladi.