baldır nahiyyəsindən tutaraq ətrafı diz oynağında düz bucaq altında
bükür, güclü surətdə bu vəziyyətdə ətrafı-budu yuxarı dartır və eyni
zamanda onu içəriyə doğru fırladır.Çıxiq yerinə düşdükdə şaqqıltı səsi
eşidilir, oynaqda aktiv və passiv hərəkətlərin aparılması mümkün olur.
Canelidze üsulu: xəstə üzü üstə stolda elə uzadılır ki, çıxmış ətraf
stolun kənarından aşağı sərbəst sallansın, lakin barmaqlar yerə
toxunmasın. 15-20 dəq.-dən sonra əzələlər yorulur və boşalır. Köməkçi
xəstənin çanağından tutmaqla onu stola çıxarır, cərrah isə xəstənin arxa
tərəfindən durmaqla,onun ayağını diz oynağında bükür, ətrafı bir qədər
geri dartmaqla tışa fırladır. Sonra cərrah sağ ayağını bükür, dizini
xəstənin çıxmış ətrafındakı dizaltı çuxura qoymaqla onu aşağıya doğru
basır və xarakterik şaqqıltı səsilə çıxmış oynaq başı öz yerinə düşür.
Rentgenoloji nəzarətdən sonra, xəstəyə arxa gips longeti qoyulur və 3-
4 həftəlik yataq regimi təyin edilir. B undan sonra gips longeti açılır,
xəstəyə 4 həftə çəliklə gəzməyə icazə verilir və funksional müalicə alır.
Baldır çıxığının yerinə salınması: narkoz altında ətraf bud-çanaq
oynağında bükülür, sonra köməkçi baldırın oxu boyu traksiya aparılır.
Cərrah isə bu zaman bud və qamış sümüyünün qabarlarından basmaqla
onların yerini ətrafın oxuna doğru dəyişir. Rentgen şəkli çəkilir və budun
1/3-nə qədər olmaqla ətrafa arxa gips longeti qoyulur. 3-4 həftədən sonra
gips longeti açılır, çəliklə gəzən xəstəyə funksional müalicə təyin edilir.
Neoartrozlar. Oynaq başı oynaq çuxurundan çıxaraq öz yerində deyil
başqa bir yerdə durduqda əmələ gəlir. Xəstə həmin ətrafı ilə daim
hərəkət etdikdə oynaq başının ətraf yumşaq toxumalara təzyiqi
nəticəsində çuxur əmələ gəlir ki, bu da oynaq çuxuru rolunu oynayır
oynaq başı ətrafında kapsul formalaşır və sanki yeni oynaq əmələ gəlir.
Neoartrozlar ən çox bud və bazu çıxıqlarında təsadüf edilir.
Dostları ilə paylaş: 
