Said sümüklərinin zədələnmələrində immobilizasiya. Saidin immobilizasiyası zamanı ən azı iki oynaq – dirsək və mil-bilək oynaq
hərəkətsizləşdirilməlidir. Bu məqsədlə pilləkənli (Kramer, Tomas-
Vinoqradov) və torlu şinalardan istifadə edilir: şina saidin xarici səthinə
bazunun ortasından olmaqla daraq-falanqa oynaqlarına qədər qoyulur.
Sonra said fizioloji vəziyyətdə - dirsək oynağında düz bucaq altında
bükülərək, barmaqlar yarımbükülü, saidin özü isə pronasiya və supinasiya
arasındakı orta vəziyyətdə olur – qarının ön divarına doğru yaxınlaşdırılır
və üzərinə qoyulmuş şina bintlə sarınır, ətraf ləçəklə boyundan asılır.
Əlaltı materiallardan istifadə etdikdə götürülmüş iki əşyadan
(məs.taxta parçası) biri dirsək oynağından bükülmüş saidin ön, digəri isə
xarici xəthinə elə qoyulur ki, onların yuxarı ucları dirsəkdən yuxarıda, alt
ucları isə barmaqlara qədər olsun. Sonra bu vəziyyətdə həmən əşyalar
saidə sarınır və ətraf bə vəziyyətdə də ləçəklə (bintlə) boyundan asılır.
Mil-bilək oynağı nahiyəsində, eləcə də daraq sümüklərində və əl
barmaqlarında olan sınıqlar zamanı torlu,pilləkənli, yaxud novlu və zolaq
şəkilli faner şinalardan istifadə edilir. Belə hallarda ovuca bərk yastıqca
qoymaqla barmaqlara orta fizioloji vəziyyət verilir. Sonra pambıq
sarınmış şina ovuc səthindən zədələnmiş barmağın üzərinə qoyulur
(lazımi hallara şina xarici səthə də qoyulur) və bintlə sarınır. Bu zaman
barmaqların ucu açıq qoyulur ki, onların qanla təchizatının pozulub-
pozulmamasına nəzarət edilsin.
