DƏDƏ QORQUD ARAŞDIRMALARI ey Əhməd, Mahmud, Əbül-Qasım, Məhəmməd Mustafa!..».
«Bu gün harada nəşə və zövq varsa, hamısı kəmalati-
əhmədiyyə və fəzaili-Muhəmmədiyyənin əsərləridir».
«Alnımızdakı o parlaq nur, Haqq aşiqlərinin qəlblərindəki
o iman işığı, səcdə əsəri olaraq möminlərin üzlərində görünən
bütün bu nurlar bil ki, hər nurun Allahın peyğəmbəri Həzrəti
Məhəmmədin (s.ə.) nurundandır».
«Ey Allahın sevgilisi! Tək Yaradanın şanlı Rəsulu sənsən!
Cəlal sahibi Allahın seçilmiş, pak və bənzərsiz qulu sənsən!»
«Allahın nazlı Peyğəmbəri, kainatın əvvəli və nur saçan
bədri, peyğəmbərlərin gözünün nuru, bizim gözümüz və işığımız
sənsən!»
«Cəbrail əleyhissəlamın müşayiəti ilə bir gecə Meraca çıxmış-
dın. Yaşıl göy qübbəsinin üzərinə şərəfli ayağını basan sənsən!»
«Ey Allahın Rəsulu! Sən bilirsən ki, ümmətlərin acizdir, gü-
nahkardır. Başsız, ayaqsız acizlərin öndəri, qurtarıcısı sənsən!»
(5, s. 70)
«Məsnəvi» – Mövlanənin 7 öyüdünü açıqlayır: Ya olduğun kimi görün, ya göründüyün kimi ol! Əliaçıqlıqda, yardım etməkdə axan su kimi ol! Şəfqət və mərhəmətdə günəş kimi ol! Başqalarının qüsurunu örtmədə gecə kimi ol! Hiddət və əsəbilikdə ölü kimi ol! Təvazökarlıq və açıqürəklilikdə torpaq kimi ol! Xoşgörülükdə (tolerantlıqda) dəniz kimi ol! (4, s. 43)
