VI. Yer uchastkasini ijaraga berish shartnomasini o‘zgartirish va bekor qilish 10. Mazkur ijara shartnomasi shartlarining o‘zgartirilishiga, uning bekor qilinishiga va
to‘xtatilishiga tomonlarning kelishuvi bilan yo‘l qo‘yiladi.
11. Ushbu Shartnoma tomonlarning kelishuviga ko‘ra, tomonlarning kelishuviga
erishilmagan taqdirda esa – sud qaroriga ko‘ra o‘zgartirilishi yoki bekor qilinishi mumkin.
12. Mazkur Shartnoma O‘zbekiston Respublikasi Yer kodeksi va amaldagi qonunchilik
hujjatlarida nazarda tutilgan hollarda bekor qilinishi mumkin.
VII. Tomonlarning javobgarligi 13. Ushbu shartnomada nazarda tutilgan majburiyatlar bajarilmagan yoki lozim darajada
bajarilmagan taqdirda, tomonlar O‘zbekiston Respublikasining amaldagi qonunchiligiga muvofiq
javobgar bo‘ladilar.
14. Tomonlardan biri ushbu Shartnomaning shartlarini bajarmaganda yoki qonunchilik
hujjatlarini muntazam ravishda buzganda ikkinchi tomon ushbu Shartnomaning belgilangan
tartibda bekor qilinishini talab qilishga haqlidir.
15. Bartaraf etilishi mumkin bo‘lgan har qanday qonunchilik buzilishi Shartnomaning bekor
qilinishiga sabab bo‘lmaydi.
16. Tomonlardan biri Shartnomani bekor qilish mo‘ljali to‘g‘risida ikkinchi tomonni
Shartnoma bekor qilinishi sabablarini asoslagan holda mo‘ljallanayotgan bekor qilish sanasidan
olti oy oldin yozma ravishda xabardor qiladi.
VIII. Nizolarni hal etish 17. Shartnoma shartlari bo‘yicha tomonlar o‘rtasida kelishmovchiliklar va nizoli masalalar
kelib chiqqan taqdirda, tomonlar mustaqil ravishda o‘zlari yoki boshqa vakillar ishtirokida hal etish
choralarini ko‘radilar.
Tomonlar o‘zaro kelishuvga erishmagan taqdirda Mediatsiya tartibida nizolarni hal qilishga
haqli.
Agarda tomonlar muzokaralar o‘tkazish yo‘li bilan kelishuvga erishmasalar, u holda nizoli
holatlar va kelishmovchiliklar O‘zbekiston Respublikasining amaldagi qonunchiligiga asosan
tegishli sudda ko‘rib chiqiladi.
