NNAK-ın Ali və İdarəetmə orqanları. Hazırda NNAK-ın 40-dan çox üzvü vardır və onun ştab-qərargahı Parisdə (Fransa) yerləşir. Bu qurumun Ali orqanı Nazirlər Sovetidir və bu orqana bir illiyə seçilmiş Sədr rəhbərlik edir. Qurumun icraçı orqanı Katiblikdir və ona rəhbərliyi Baş katib aparır. Qurumda yol hərəkətinin təhlükəsizliyi və iqtisadi araşdırmalar üzrə Komitələr, beynəlxalq avtomobil daşımaları, nəqliyyat və ətraf mühitin qorunması, nəqliyyat infrastrukturuna investisiyalar üzrə, kombinələşdirilmiş nəqliyyat məsələləri üzrə qruplar fəaliyyət göstərirlər.
