Dərslik Azərbaycan Respublikası Fövqəladə Hallar Nazirliyinin 16 mart 2007-ci IL tarixli məktubu ilə müsbət rəy verilmiş tədris proqramı əsasında yazılmışdır. «TƏBİB»

İnfeksion xəstəxana

İnfeksion xəstəxananın əsas vəzifəsi yoluxucu xəstələ­rə təkmilləşdirilmiş və ixtisaslaşdırılmış tibbi yardım gös­tərməkdir. Bu xəstəxana şəhərkənarı ərazidə rayon və ya şə­hər xəstəxanalarının bazasında açılır və xüsusi iş rejimində fəaliyyət göstərir. Qəbul şöbəsində sanitar buraxılış kame­rası və nəqliyyatın dezinfeksiyası üçün meydança yaradılır. Diaqnostika şöbəsində daxil olan bağırsaq və hava-damcı infeksiyaları ilə daxil olan xəstələrin ayrılması həyata keçi­rilir.

Xəstəxananın idarə və tibbi hissənin şəxsi heyəti qəbul, diaqnostika və müalicə şöbələrinin şəxsi heyəti ilə kontak­tda olmamalıdır.

Laboratoriya şöbəsində 2 bölmə var:

1. 
   Ümumi və biokimyəvi analizlər üçün;
   
2. 
   Bakterioloji müayinə (patoloji materialların əkil­məsi).
   

Dizenfeksiya-duşxana qurğusu xəstələrə qulluq, əşya, qeyim və yataq ləvazimatlarının dezinfeksiysı üçün nəzərdə tutulmuşdur. Xəstəxananin ayrıca camaşırxanası olmalıdır.

İnfeksion xəstəxana xüsusi təhlükəli infeksion xəstələ­rin (vəba, qarayara və taun) qəbuluna da hazır olmalıdır. Bu halda şöbələrin profili dəyişdirilməli və tibbi heyət mühafizəedici geyimlərlə təmin edilməlidir.

7. 
   FƏSİL