Dərslik azərbaycan Respublikası Təhsil Nazirliyi tərəfindən təsdiq edilmi şdir. Baki 2001

Bununla əlaqədar qeyd edək ki, hazırda ölkəmizdə həyata 
keçirilməkdə olan milli dövlət quruculuğu və demokratikləşmə ilə 
bağlı vəzifələrin həlli, kütlələrin əhval- ruhiyyəsindən, onların həmin 
vəzifələrə psixoloji dəstək verməsindən və fəallıq göstərməsindən çox 
asılıdır.
Psixoloji amil ideyaların və siyasi xəttin emosional cəhətdən 
qəbul olunması və yerinə yetirilməsi üçün zəruri olan zəmin yaradır. Bu-
radan aydın olur ki, mövcud cəmiyyətdə idarəçilik vəzifələrini yerinə 
yetirərkən müxtəlif sosial qrupların və təbəqələrin ictimai psixologiyasını 
nəzərə almaq zəruridir. Yalnız buna əsaslanmaqla bütövlükdə cəmiyyət 
miqyasında, o cümlədən də ictimai həyatın konkret bir sahəsində dövlət 
1
Bax: Философия. V Lavrinenkonun redaktəsi ilə. M., 1996, s.381-382. 

---

457 
siyasətini uğurla həyata keçirmək mümkündür. Çünki, sosial- psixoloji 
motivlər insanların fəaliyyətinə güclü müsbət və ya mənfi təsir göstərir. 
Totalitar rejimin qalıqlarının aradan qaldırılması və açıq cəmiyyətə 
keçid 
prosesində 
baş 
verən 
əsaslı 
dəyişikliklər 
əhalinin 
psixologiyasında da mühüm irəliləyişləri şərtləndirir
. Belə ki, 
insanların həyat şəraitində və sosial vəziyyətində, təhsil səviyyəsində 
həyata keçirilən dəyişikliklər gedişində onların ictimai psixologiyası da 
müvafiq surətdə inkişaf edir və zənginləşir. Bu mənada milli dövlət 
quruculuğunu və demokratikləşdirməni ardıcıl surətdə yeritməyə yönələn 
strateji xətt çox mühüm əhəmiyyət kəsb edir. Onun reallaşması prosesində 
əhalinin qabaqcıl təbəqələrinə xas olan mütərəqqi sosial- psixoloji 
keyfiyyətlər getdikcə daha çox digər qruplara da yayılır. Demokratik 
hüquqi dövlət quruculuğu təkcə sosial, siyasi və maddi həyat sahəsi ilə 
məhdudlaşmır, həm də cəmiyyətin mənəvi həyatının əsaslı surətdə 
yeniləşməsi ilə müşayiət olunur. Bu prosesdə süstlük və ətalət, köhnəlik 
qalıqları, keçmiş psixologiya, ənənəvi stereotiplər tədricən aradan qalxır. 
Lakin qeyd olunmalıdır ki, psixoloji yeniləşmə nisbətən çətin və ləng 
gedən prosesdir.