Zərnigar Agakişıyeva
Karnaval estetikalı şən komediya rollarında və tipik cəhətləri ilə diqqəti cəlb edən obrazların
ifasında şövqlə oynayır. Zərnigar Fəti qızı Ağakişiyeva 1945-ci il noyabr ayının 7-də Quba
rayonunun Rustov kəndində doğulub. ADİİ-nin dram və kino aktyorluğu fakültəsini bitirib (1972).
Dəvətlə AMDT-də bir neçə rol oynayan aktrisa 1974-cü il sentyabrın 2-dən teatrın aktrisasıdır
(müəyyən fasilələrlə). Respublikanın xalq artistidir (28 oktyabr 2000).
Aktrisanın Xuraman ("Vaqif", Səməd Vurğun), Dilbər ("Sevil", Cəfər Cabbarlı), Fəxrəndə
xanım ("Mahnı dağlarda qaldı", İlyas Əfəndiyev), Pəri xanım ("Lənkəran xanının vəziri", Mirzə
Fətəli Axundzadə), Xəbərçi Xədicə ("Adamın adamı", Anar), Tatyana ("Meşşanlar", Maksim
Qorki), Maral ("Közərən ocaqlar", Mirzə İbrahimov), Mamayeva ("Müdriklər", Aleksandr
Ostrovski), Qadın ("Kəllə", Nazim Hikmət) rolları daha maraqlı alınıb.
Dostları ilə paylaş: | 
