Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

HÜSEYNAĞA HACIBABABƏYOV 

(195.1898-10.11.1972) 

 

Milli opera sənətimizin yapışıqlı və gözəl aktyorluq qabiliyyəti olan müğənni solistlərindən 

biri idi. Ürəklərə sirayət edən, füsunkar məlahəti və ecazkar cazibəsi olan lirik tenor səsi vardı. 

Yaradıcılığında xanəndəlik, müğənnilik, aşıq musiqismə xas ifaçılıq elementləri birləşmişdi. 

Mürəkkəb rollarında da cəsarətli improvizələr edirdi. Nadir səs tembri ilə yanaşı gözəl vokal 

texnikasına, yüksək aktyorluq məharətinə, lətafətli səhnə cazibəsinə qabil idi. 

Hüseynağa Soltan oğlu Hacıbababəyov 19 may 1898-ci ildə  Şamaxıda toxucu ailəsində 

doğulub. Ailəsi 1902-ci ildə Bakıya köçüb. Hüseynağa burada əvvəlcə "Alekseyski" məktəbində, 

sonra görkəmli ziyalı, məşhur teatr xadimi Həbib bəy Mahmudbəyovun təşkil etdiyi təhsil ocağında 

oxumağa başlayıb. 1910-cu ildə "Nicat" mədəni-maarif cəmiyyəti teatr truppasının xoruna qəbul 

olunub. 1913-cü ildən başlayaraq "Səfa" mədəni-maarif cəmiyyətinin  teatr truppasında,  

Hüseynqulu Sarabskinin rəhbərlik etdiyi "Müsəlman opera artistləri" dəstəsində, "Zülfüqar bəy və 

Üzeyir bəy Hacıbəyov qardaşlarının müdiriyyəti"ndə dramatik və musiqili teatr aktyoru kimi çalışıb. 

1919-cu ildən 1925-ci ilin avqustuna qədər Milli Dram Teatrının truppasında olub. 1925-ci ilin 

payız mövsümündən Azərbaycan Dövlət Opera və Balet Teatrında solist işləyib. 

Müxtəlif truppalarda çoxlu dramatik obrazlarla yanaşı, opera və operettalarda qadın 

obrazlarından Leylinin, Əslinin, Xurşid banunun, Gülçöhrə və Cahan xalanın, Gülnazın ("Leyli və 

Məcnun", "Əsli və  Kərəm", "Şah Abbas və Xurşid banu", "Arşın mal alan" və "O olmasın, bu 

olsun", Üzeyir bəy Hacıbəyov), Qəribin anasının ("Aşıq Qərib", Zülfüqar bəy Hacıbəyov), Gülzarın 

("Şah İsmayıl", Müslüm Maqomayev) partiya-larını oxuyub. 

Hüseynağa Hacıbababəyov dövlət teatrında zəngin yaradıcılıq yolu keçib. Müğənni-aktyor 

milli və dünya klassik bəstəkarlarının  ölməz  operalarında eyni  məharətlə  çıxış  edib. 1925-ci ildən  

1972-ci ilə  qədər çıxış etdiyi əsas tamaşalar onun  sənətkar böyükiüyünü  açıqca göstərir:   Çar 

Brendey, Hindli qonaq ("Qar qız" və "Sadko", Nikolay Rimski-Korsakov), Qərib ("Aşıq Qərib", 

---

Zülfüqar bəy Hacıbəyov), Sərvər,  Əsgər,  Məcnun,  Kərəm ("Məşədi  İbad",   "Arşın mal alan", 

"Leyli və Məcnun" və "Əsli və Kərəm", Üzeyir bəy Hacıbəyov),  Lenski  ("Yevgeni Onegin",  Pyotr 

Çaykovski),  Əlyar,  Şah  İsmayıl ("Nərgiz" və  "Şah  İsmayıl", Müslüm Maqomayev),   Xosrov  

("Xosrov və  Şirin",   Niyazi),   Qraf Almavivo ("Sevilya bərbəri", Coakkino Rossini).  

Opera aktyoru 1934-cü ildə Azərbaycan Respublikasının  ənıəkdar artisti, 4 dekabr 1938-ci 

ildə xalq artisti fəxri adlarl ilə təltif olunub. Ömrünün sonlarında teatrda gənclərin sənət vərdişlərinə 

yiyələnmələri üçün böyük əmək sərf edib. 10 noyabr 1972-ci ildə Bakıda vəfat edib və ikinci Fəxri 

xiyabanda dəfn olunub.