GÜLXAR HƏSƏNOVA (10 DEKABR 1918)
Uca boyu, səhnədən yaraşıqlı görünən qədd-qaməti, soprano səsinin sanki nəhayətsiz
zəngulələri ilə opera solistləri arasında layiqli yer tutub.
Gülxar İbrahim qızı Həsənova (Sultanova) Şəmkir rayonunun Bayramlı kəndində doğulub.
Oxumağa məktəb yaşlarından başlayıb. Bakı Tibb Məktəbində (1934) təhsil alıb və oranın dram
dərnəyində çalışıb. Bakı Teatr Məktəbində aktyorluq ixtisasma yiyələnib (1936-1939). Bir müddət
GTT-də aktrisalıq edib. Tamaşalarda müğənnilik məharətini nümayiş etdirən aktrisa 1942-ci ildə
ADOBT-ə dəvət alıb. Uzun illər teatrın solisti olan sənətkar 1980-ci ildən kollektivin opera
truppasında məşqçi-pedaqoqdur.
Gülxar Həsənova müxtəlif rejissorların üslub baxımından ayrı-ayrı quruluşlarında "Leyli və
Məcnun" (Leyli və Leylinin anası), "Əsli və Kərəm" (Əsli), "Koroğlu" (Xanəndə qız), "Aşıq Qərib"
(Şahsənəm), "Şah İsmayıl" (Ərəb Zəngi), "Bahadır və Sona" (Təravət xanım), "Azad" (İranlı qız),
"Gəlin qayası" (Camalın anası) operalarında, "Arşın mal alan" (Gülçöhrə, Telli və Cahan xala),
"Durna" (Lalə) operettalarında çıxış edib.
Azərbaycan Respublikasının əməkdar artisti (30 aprel 1955) və xalq artisti (1 dekabr 1982)
fəxri adları ilə təltif olunub.
* * *
Dostları ilə paylaş: | 
