DƏRİ VƏ ZÖHRƏVİ XƏSTƏLİKLƏR ÜZRƏ TƏCRÜBİ VƏRDİŞLƏRİN
SİYAHISI VƏ TƏSVİRİ
1. Dermatoloji xəstənin bədəninin müayinə metodikası
Müayinəni gündüz işığında və ya kifayət qədər parlaq elektrik işığında aparmaq
daha yaxşıdır. Otaqda (kabinetdə) temperatur 22-230C olmalıdır, belə ki, aşağı tempera-
tur damarların spazmına səbəb olur (dəri avazıyır), çox yüksək temperaturda isə onların
genişlənməsi baş verir (hiperemiya meydana çıxır ki, bu da dərinin həqiqi rəngini itirir.
Dərinin bütün səthinə baxmaq məqsədəuyğundur, bu zaman xəstənin sifətinə
diqqət vermək lazımdır, bununla bəzi dermatozları olan xəstələr üçün səciyyəvi müxtəlif
emosiyaları və vəziyyətləri (əsəbilik, əzab, yorğunluq, laqeydlik) görmək olar. Burnun
forması və deformasiyası sifilisin (yəhərşəkilli), vərəm qurdeşənəyi (yumşaq toxumala-
rın dağılması – «qoyun burnu»), rinofimanın diaqnozunun qoyuluşunda mühüm əhəmiy-
yət kəsb edir.
Dərinin rənginə fikir verirlər, normada o, solğun, çəhrayı, qarabuğdayı ola bilər.
Sağlam şəxslərdə donuqvari, yağlı parıltılı deyildir, piy vəzilərinin görünən axacaqları
yoxdur. Bəzi xəstəliklərdə dəri öz rəngini dəyişir. O, durğunluq vəziyyətlərində göyüm-
tül, akrodermatit zamanı - göy-qonuru, göbələkvari mikozun başlanğıc mərhələsində
- qəhvəyi, sarılıq zamanı - sarı, ixtioz, melanodermiya zamanı – bozumtul-qara, addison
xəstəliyi zamanı – tunc rəngində olur.
Vegetativ sinir sisteminin fəaliyyətinin pozulması ilə müşayiət olunan dermatozlar
zamanı dəri nəm; Benye pruriqosu, disseminasiyalı neyrodermit, ixtioz zamanı – quru
olur.
Müayinə zamanı saçlar, dırnaqlar, xarici cinsiyyət orqanları, arxa keçəcək (düz bağır-
saq) nahiyəsi baxışdan keçirilir.
Baxış zamanı dodaqların qırmızı haşiyəsinin rənginə, onun quru, qabıqlanmasına,
çatların, eroziyaların, qartmaqların olmasına fikir verilir. Ağız boşluğunun selikli qişası
da baxışdan keçirilməlidir, belə ki, orada səpgilər (kandidoz, qırmızı yastı dəmrov, pem-
fiqus zamanı) aşkar edilə bilər.
Dostları ilə paylaş: |
