Ədəbiyyat siyahisi

Bibliоqrafik icmallar da gеniş yayılmış şifahi təbliğat üsullarından biridir.

Məqsəd və vəzifələrinə görə biblioqrafik icmallar iki növdən: elmi-köməkçi və tövsiyə icmalından ibarətdir.

Elmi-köməkçi icmallar əsasən mütəxəssis oxucular üçün təşkil edilir ki, burada da əsas məqsəd onları müvafiq sahəyə dair yeni ədəbiyyatla tanış etməkdir.

Tövsiyə icmallarının məqsədi isə geniş oxucu kütlələrinin diqqətini bu və ya digər sahəyə dair, xüsusən ictimai-siyasi məzmunlu, ədəbiyyat və incəsənət sahəsində yaranan yeni əsərlərə cəlb etməkdən ibarətdir.

Universal və sahəvi icmallar əksər hallarda kitabxanaya yeni daxil olmuş bir qrup kitaba həsr edilir. Belə icmallar vaxtaşırı olaraq qiraət zalında təşkil edilir və kitabxana işçisi 25-30 dəqiqə ərzində 15-25 adda kitab haqqında danışa bilər. Şəxsi icmallar bir qayda olaraq hər hansı bir şəxsə (şair, yazıçı, ictimai xadim, müəyyən bir sahənin mütəxəssisi) həsr olunur, onun əsərlərini, həyat və yaradıcılığına aid əsərləri əhatə edir.