Fan va innovatsiyalar vazirligi materialshunoslik universiteti

Reaksiyani bajarish uchun probirkaga 1 -3 tomchi Mn (II) tuzi eritmasi va bir necha tomchi ishqor eritmadan soling, natijada sekin havo kislorodi bilan oksidlanib qo'ng'ir rangga kiradigan oq Mn(OH)₂ hosil bo'ladi:
Mn²⁺ + 2OH^- →Mn(OH)₂↓
2Mn(OH)₂ + O₂→2MnO(OH)₂↓
Hosil qilingan cho'kmaga bir necha tomchi H₂O₂ eritmasi tomizilsa, darhol qora-qo'ng'ir rang paydo bo'ladi.
6. Ammoniy sulfid Mn (II) ioni bilan ta'sirlashganda kislotalarda eriydigan sarg'ish-jigarrang MnS cho'kma hosil bo'ladi:
MnSO₄ + (NH₄)₂S → MnS↓ + (NH₄)₂SO₄
Mn²⁺+S^2-→MnS↓
Reaksiyani bajarish. Marganets tuzining 2-3 tomchiga shuncha miqdorda reaktiv qo'shiladi.


6.3. Temir (III) kationining reaksiyalari
Uch valentli temir tuzlarining eritmalari sariq yoki qizil-qo'ng'ir rangli bo'ladi.
1. O'yuvchi ishqorlar temir (III) tuzlari bilan qizil-qo'ng'ir rangli kuchli kislotalarda eriydigan Fe(OH)₃ cho'kmani hosil qiladi:
Fe³⁺ + 3OH^-→ Fe(OH)₃↓
Alyuminiy, xrom va rux gidroksidlaridan farqli ravishda amalda Fe(OH)₃ ishqorlarda erimaydi. Temir (III) ioni Fe(OH)₃ shaklida pH~3,5 bo'lganda to'liq cho'kadi.
2. Ammiak ham temir (III) tuzlari bilan qizil-qo'ng'ir rangli cho'kma hosil qiladi.
3. Natriy atsetat sovuq sharoitda temir (III) ioni bilan qizil rangli kompleks birikma [Fe(CH₃COO)₆(OH)₂]⁺ hosil qiladi. Qizdirganda bu modda qizil-qo'ng'ir Fe(OH)₂CH₃COO cho'kma hosil qiladi.
4. Natriy gidrofosfat temir (III) bilan sarg'ish rangli cho'kma -FePO₄ hosil qiladi.
5. Natriy, kaliy va ammoniv karbonatlar temir (III) ioni bilan qo'ng'ir rangli (FeOH)₂(CO₃)₂ tarkibli kislotalarda eriydigan cho'kma hosil qiladi. Bu cho'kma qizdirganda gidroliz tufayli Fe(OH)₃ ga aylanadi.