Dərsin məqsədi. Təmsilin ideya məzmununu şagirdlərə çatdırmaqla onları təmsildə tənqid olunan xarakter xüsusiyyətlərinə qarşı mübarizəyə qaldırmaq.
Dərsin təchizi. Təmsildəki personajların modelini, maketini hazırlamaq, şəklini çəkmək üçün plastilin, karton, kağız, karandaş, flamaster, parça qırıqları, iynə, sap, yapışqan və s.
Dərsin planı.
1. Giriş müsahibəsi. Müəllim sinfə suallar verir: 1. “Kim cırcırama görüb? ”, “Onu nə vaxt və harada görübsünüz?”, “Cırcıramaya nə üçün belə ad veriblər? ”, “Kim qarışqa görüb? ”, “ Onu nə vaxt və harada görübsünüz? ”, “Cırcırama harada yaşayır? ”, “Bəs qarışqa harada yaşayır?”, “Cırcırama necə hərəkət edir?”, “Bəs qarışqa necə hərəkət edir? ”, “Qarışqa haqqında nələr bilirsiniz”, “Qarışqa haqqında hansı əsərləri oxuyubsunuz? ”, “Hansı nağılları eşidibsiniz? ”, ( “Tısbağa və qarışqa”, “Süleyman şah və qarışqa”) , “Qarışqa haqqında hansı tapmacaları bilirsiniz? ”
