Fəsil 2 Kompüter texnikası və şəbəkələr

ATX;

Flex-ATX;

Mini-ATX;

NLX;

Mini-ITX;

Monobook.

Ana lövhə daxildən sistem blokunun korpusuna bərkidilir. Bunun üçün onun formafaktoru korpusa uyğun gəlməlidir.

Ana lövhə öz üzərində aşağıdakı bir çox komponentləri birləşdirir:

• 
  Xüsusi yuvaya birləşdirilmiş mərkəzi prosessor-mikroprosessor. Adətən onu soyutmaq üçün ventilyatordan istifadə olunur;
  
• 
  Məntiqi sistem mikrosxemləri-çipsetlər;
  
• 
  İkinci səviyyəli (xarici) keş-yaddaş mikrosxemi;
  
• 
  Operativ yaddaş¹ yerləşdirmək üçün yuvalar² ;
  
• 
  Kart genişlənmələri (videoadapter, səs kartı, modem və s.) üçün yuvalar;
  
• 
  BIOS Kompyuterin test yoxlamasını, əməliyyat sisteminin yüklənməsini, qurğuların drayverini və s. yaddaşda saxlamaq üçün proqramlaşdırılmış yaddaşa malik mikrosxem;
  
• 
  İnterfeys kabellərinin, ardıcıl və paralel portların qoşulması üçün yuvalar;
  
• 
  BlOS-un cari sazlanmasını yadda saxlamaqdan ötrü CMOS tipli mikrosxem və onu cərəyanla təmin etmək üçün batareya və elektron saat (sistem saatı).
  

Ana platanın bütün komponentləri bir-birlə informasiya mübadiləsini aparan keçirici xətlərlə birləşdirilir. Bu cür keçirici xətlər birlikdə informasiya şini və ya sadəcə, şin adlanır.