Fəsil 2 Kompüter texnikası və şəbəkələr

Səs kartı (səs adapteri). Səsləri¹ (musiqi, danışıq və s.) səsləndirmək üçün kompyuterə akustik sistemlər (səs ucaldanlar) və səs kartları (şək. 1.5.2.11) quraş­dırılır.

Şək. 1.5.2.11.

Müasir kompyuterlərdə dərəcəsindən asılı olaraq (8 və ya 16 bitlik) səs kartları istifadə olunur. İstifadəçi çalışmalıdır ki, istifadə etdiyi səs kartları Sound Blaster 8 (8 bitlik səs kartı üçün standart) və ya Sound Blaster 16 (16 bitlik səs kartları üçün standart) səs kartları ilə uzlaşmış olsun. Onda istifadəçi iş prosesində meydana gələcək bütün problemlərdən yan keçmiş olar.

Qeyd edək ki, kompyuter CD/DVD sürüşdürücüləri və səs kartı ilə təmin olunmuşsa, belə fərdi kompyuterləri multimediyalı kompyuterlər adlandırırlar. Onlardan təhsildə, istirahətdə və əyləncədə istifadə edirlər.