Фирузя мяммядли
Yüklə 3,91 Mb. Pdf görüntüsü
|
|
Seçilmiş əsərləri X
189 Şölənin açılışında bizim nümayəndəlikdən Məmməd Aslan çıxış etdi. Onun Azərbaycan xalqının istiqlaliyyət və de- mokratiya uğrunda apardığı mübarizə, erməni quldurlarının iş- ğalçılıq müharibəsində xalqımızın başına gətirilən faciələrə dair çıxışı şölən iştirakçıları tərəfindən ürək ağrısı ilə qar- şılandı. Şölənin ikinci günü Kozahan meydanında oxuduğumuz şeirlər də çox səmimi qarşılandı. «Azərbaycan» adı toplaşanları riqqətə gətirdi. Bizdən sonra oxunan şeirlərin çoxunun leytmo- tivini də elə bu mövzu – «Sən tək deyilsən, Azərbaycan» sədası təşkil edirdi. O zaman Vətənimizin keçirdiyi ağır həyəcanlı günlərin ifadəsi hər birimizin səsində, sözündə, nitqində, baxış- larında özünü biruzə verirdi. Sonrakı günlərdə mən bu həyə- canı hər bir şölən iştirakçısının üzündə oxuyur, dərdimizə şərik olduqları üçün qəlbim minnətdarlıq hissi ilə dolur, «biz tək deyilik» təsəllisi ilə toxtaqlıq tapırdım. Həmin gün Bursa şəhərinin tarixi abidələri ilə tanışlıqla davam etdirildi. Uludağ yamacındakı qədim çinar altında keçi- rilən poeziya məclisi ilə başa çatdırıldı. İki gün ərzində şöləndə iştirak edən yüzdən yuxarı şairin hər birinə cəmi bir şeir oxu- maq imkanı düşsə də, bu şeirlər hamının bir-birinin poetik qüd- rəti, istedadı, keçmişi və gələcəyi haqqında müəyyən təsəvvürə malik olması üçün kifayət etmişdi. Şölənin bir günü məxsusi olaraq Azərbaycan ədəbiyyatına həsr olunmuşdu. İşgüzar gün müsafir qaldığımız «Qrend otelin» geniş zalında Bursanın ta- rixi keçmişinə dair mühazirə ilə başladı. Mühazirəçi bütün nitqi boyu onu müşayiət edən mikrofilmlərə diqqəti cəlb edir, Bur- sanın xəritəsi, sərhədləri, tarixi abidələri, Türkiyə kimi qüdrətli bir dövlətin yaranmasında onun strateji rolu və əhəmiyyətinə dair ətraflı məlumat verirdi. «Azərbaycan ədəbiyyatı» üzrə seminar Azərbaycandan gələn şairlərin şeir oxumaları ilə açıldı. Bu prosesdə Azərbay- can – Güney və Quzey kimi təqdim olunsa da, oxunan şeirlərin |