Fitosenologiya

laboratoriya mashg’uloti: Geobotanik tasvir varaqalarini to’ldirish

Mashg’ulotning maqsadi:

Universitet xududining turli joylaridagi o’simlik jamoalarini o’rganish va ularni geobotanik tasvir varaqlariga tushirish

Kerakli jihozlar:

Geobotanik tasvir varaqalari, jonli o’simliklar, gerbariylar, o’simliklar ro’yhati, darslik, o’quv qo’llanma, jadvallar va ko’rgazmali qurollar

Ishning borishi:

O’simlik jamoalarini o’rganishda ular turli metodlar yordanida tasniflanadi. Tasniflash uchun eng zarur bo’lgan ma’lumotlar geobotanik tasvir varaqalariga qayd qilib boriladi. Mashg’ulotda ushbu varaqalarni to’ldirish amaliyoti taxlil qilinadi. Buning uchun universitet xududi va botanika bog’ining turli joylaridagi o’simliklar jamoalaridan foydalaniladi. Geobotanik tasvir varaqalarining barcha qismlari to’ldiriladi va topshiriladi.

“FITOSENOLOGIYA” FANIDAN MUSTAQIL TA’LIMINI TASHKIL ETISHNING SHAKLI VA MAZMUNI
“Fitosenologiya” fani bo’yicha talabaning mustaqil ta'limi shu fanni o’rganish jarayonining tarkibiy qismi bo’lib, uslubiy va axborot resurslari bilan to’la ta'minlangan. Talabalar auditoriya mashg’ulotlarida professor-o’qituvchilarning ma'ruzasini tinglaydilar. Auditoriyadan tashqarida talaba darslarga tayyorlanadi, adabiyotlarni konspekt qiladi. Bundan tashqari ayrim mavzularni kengroq o’rganish maqsadida qo’shimcha adabiyotlarni o’qib referatlar tayyorlaydi hamda mavzu bo’yicha testlar yechadi. Mustaqil ta'lim natijalari reyting tizimi asosida baholanadi.

Uy vazifalarini bajarish, qo’shimcha darslik va adabiyotlardan yangi bilimlarni mustaqil o’rganish, kerakli ma'lumotlarni izlash va ularni topish yo’llarini aniqlash, internet tarmoqlaridan foydalanib ma'lumotlar to’plash va ilmiy izlanishlar olib borish, ilmiy to’garak doirasida yoki mustaqil ravishda ilmiy manbalardan foydalanib, ilmiy maqola va ma'ruzalar tayyorlash kabilar talabalarning darsda olgan bilimlarini chuqurlashtiradi. Ularning mustaqil fikrlash va ijodiy qobiliyatini rivojlantiradi. Shuning uchun ham, mustaqil ta'limsiz o’quv faoliyati samarali bo’lishi mumkin emas.

Uy vazifalarini tekshirish va baholash amaliy mashg’ulot olib boruvchi o’qituvchi tomonidan, konspektlarni va mavzuni o’zlashtirish darajasini tekshirish va baholash esa ma'ruza darslarini olib boruvchi o’qituvchi tomonidan har darsda amalga oshiriladi.

“Fitosenologiya” fanidan mustaqil ish majmuasi fanning barcha mavzularini hamrab olgan va quyidagi 6 ta katta mavzu ko’rinishida shakllantirilgan.