Foreldrafélaga Grunnskóla Borgarness -bekkjarfulltrúafundur Fundargerð 25. janúar 2010

Foreldrafélaga Grunnskóla Borgarness
-Bekkjarfulltrúafundur-

-Fundargerð 25. janúar 2010-

Fundur haldinn 25. janúar 2010 kl. 20:30 í Grunnskóla Borgarness . Mættir voru bekkjafulltrúar frá öllum bekkjum nema frá 10. bekk auk stjórnar foreldrafélagsins.

Starf vetrarins: Stjórnin sagði frá starfi vetrarins og það sem stendur til að gera. Sagt frá skólafatnaði, væntanlegum fyrirlestrum frá Geðhjálp og frá Heimili og skóla um einelti. Rætt um að hafa fyrirlesturinn hjá Geðhjálp fyrir 8. bekk og reyna að fá hann líka fyrir foreldra.

Viðburðir hjá hverjum árgangi.
1. bekkur. Bingó 2. bekkur. Spilakvöld 3. bekkur. Leikrit krakkana í Óðal 4. bekkur Föndurkvöld 5. bekkur Spilakvöld og Diskó 6. bekkur Föndurkvöld og spilakvöld 7. bekkur. Fjáröflun fyrir Reyki 8. bekkur Söfnun fyrir skíðaferð og spilakvöld 9. bekkur fjáröflun

Fram komu hugmyndir að koma krökkunum á skauta t.d. á Álatjörn eða sprauta vatni á malbikaða völlinn við íþróttahúsið. Einnig var sagt frá góðri aðstöðu sem komin er í Einkunnir sem hægt væri að nýta.

Niðurskurður í skólamálum: Greint frá þeim hugmyndum sem uppi eru um niðurskurð þá helst er varðar tómstundaskólann og sérkennslu. Nokkrar umræður urðu um þessar tillögur. Samþykkt að senda tillögur sem foreldrafélagið og skólaráð sendu síðastliðið haust á allan hópinn og laga þær til og senda til bæjaryfirvalda.
Foreldrarölt: Rætt um röltið, fólk almennt sátt við það. Rætt um að senda á alla link á heimasíðu um röltið í hvert skipti sem fólk er boðað í rölt. Einnig þurfa „röltarar“ að vita um alla nýju staðina sem safnast er saman á.
Rætt um mikla slysahættu vegna þjóðvegar 1 í gegnum bæinn. Almenn samstaða um að reyna að gera eitthvað til að fá undirgöng eða aðra lausn. Stjórn foreldrafélags ræddi um að senda bréf á yfirvöld vegna þessa.
Fundi slitið kl. 21:50