Gaz turbina qurilmalari Reja

2. Regeneratsiyali gaz turbina qurilmalari
GTQ iqtisodiy samaradorligini oshirishning yo’llaridan biri turbinada ishlatiladigan gazlarni yonish kamerasidagi havoni qizdirish uchun ishlatishdir. Buning uchun kompressordan chiquvchi havoni regenerator (havo qizdiruvchi) dan o’tkaziladi. Xuddi shu regeneratorga gaz turbinasidan chiquvchi ishlatilgan issiq havo yuboriladi, u o’z issiqligini issiqlik almashinuvi orqali uzatadi va atmosferaga chiqib ketadi (34–rasm).

34–rasm. Regeneratsiyali gaz turbina qurilmasi sxemasi.

Bu jarayonning T–S diagrammasidagi jarayoni quyidagicha bo’ladi (35–rasm):
35–rasm. Regeneratsiyali gaz turbina qurilmasining T–S diagrammasi.
3–4 kompressorda havoning siqilishi;

4–5 regeneratorda havoning o’zgarmas bosimda qizishi;
5–1 yonish kamerasida p=const issiqlik uzatilishi;
1–2 turbinada havoning kengayishi;
2–6 regeneratorda ishlatilgan gazlarning issiqlik almashinuvi;
6–3 atmosferaga chiqariladigan gazlarning izobarik sovishi;
q₁–1 kg havoning regeneratorda olgan issiqlik miqdori;
q₂–1 kg gazning havoga uzatgan issiqlik miqdori


q₁ = C_P(T₅ – T₄);
q₂ = C_P(T₂ - T₄).
Regeneratsiya paytida bosim oshirish darajasining optimal qiymati tushadi. Shuning uchun regeneratsiyaning qo’llanilishi f.i.k.ning oshishiga olib keladi. Bu turdagi gaz turbinali qurilmaning f.i.k.  = 0,87–0.89 ga teng. Lekin regeneratsiyaning optimal qiymati olinmasa regeneratorning yuzasi ortib, metall isrofiga olib kelishi yoki uning aksi bo’lishi mumkin. Bu holni regeneratsiya darajasi xarakterlaydi. Regeneratsiya darajasi R < 0,5 dan kichik bo’lsa, regeneratsiya qo’llanilishidan iqtisodiy samara olinmaydi.
Zamonaviy gaz turbinali qurilmalarda bu daraja ko’rsatkichi 0,6–0,8 ga teng. Bunda yoqilg’i 22–28 % iqtisod qilinadi, chunki yonish kamerasida havoni qizdirish uchun kam yoqilg’i sarf etiladi. Regeneratsiya darajasi texnik iqtisodiy taqqoslash yo’li bilan kompressor f.i.k.i boshlang’ich harorat, gabarit ko’rsatkichlar va ish rejimini e’tiborga olinib qabul qilinadi.