4. Azərbaycan toponimlərindən birinə aid məlumat toplayıb yazın.
Bakı -- Azərb. Respublikasının paytaxtı. Xəzər dənizinin
sahilindədir. Abşeron yarımadasının c. hissəsində yerləşən bu şəhər çox qədim tarixə malikdir. Qədim mənbələrdə Baku, Bakuh, Bakuyyə, Badkube variantlarında rast gəlinir.
a) Bəzi araşdırıcılar toponimin bagavan/ baguan/bagan "allahların yeri, müqəddəs yer" (Bakı ətrafında təbii odun-qazın olması və atəşpərəstlik inancları ilə əlaqədar) sözlərdən törədiyini qeyd edirlər.
b) XVIII əsrdə fars. bad (külək) və kubə (döymək) birləşməsindən olan
Badkubə (külək döyən) variantı xalq etimologiyası əsasında yaranmışdır və elmi cəhətdən əsassızdır.
c) Bag tayfa adından törəmiş bagan variantı ilə bağlamaq meyilləri
də mövcuddur.
ç) Qədim türk mənşəli bakı/baku sözünün "təpə", "yüksəklik","yamac" sözündən yaranması fikri daha həqiqətə uyğundur. Bu coğrafi ada müxtəlif variantlarda geniş arealda təsadüf olunur. Laxubaku, Musilbaku, Urqbaku (Dağıstan), Qunıbakı (Bakı yaxınlığında), Bakuriani (Gürcüstan), Maku/Maki (Cənubi Azərb.) və s.
Dostları ilə paylaş: | 
