SEVGI - boshqa shaxsga, kishilar jamoasi yoki fikrga yo‘naltirilgan intim, chuqur his-tuyg‘u.
SEZGILAR - psixik aks ettirishning oddiy usuli tariqasida hayvonlarga ham, odamlarga ham xos xususiyat. Voqelikdagi narsa va hodisalaming ayrim belgi va xususiyatlarini bilib olishni ta’minlaydi.
STENIK HISLAR - shaxsning faolligini oshiruvchi hislar (masalan: xursandchilik).
STRESS - kuchli qo‘zg‘ovchilar ta’sirida yuzaga keladigan ruhiy holat. SUGGESTIYA - kishining psixik sohasiga ta’sir ko‘rsat,ish jarayoni.
SUHBAT - psixologiya metodlaridan biri. Nutq yordamida bevosita yoki bilvosita ma’lumot berish va olish jarayoni.
TABIIY EKSPERIMENT - tekshiriluvchining o‘ziga bildirmagan holda uni o‘yin, o‘qish, mehnat faoliyatida o‘rganishdan iborat psixologik tajriba. TASAVVUR - sezgi a’zolariga qachonlardir ta’sir etgan narsa va hodisalarning yaqqol hissiy obrazi.
TAFAKKUR - inson aqliy faoliyatining yuksak shakli. Sezgi idrok va tasavvurlar orqali bevosita bilib boTmaydigan narsa va hodisalar tafakkurda ongli ravishda aks etadi. Tafakkur jarayonida fikr vujudga keladi, bu fikrlar inson ongida hukm, tushuncha, xulosa shakllarida namoyon boTadi.
TAXISTOSKOP - qat’iy belgilangan qisqa vaqt davomida ko‘rish qo‘zg‘atuvchilarini namoyon qilish asbobi. Idrok, xotira, diqqat va boshqa jarayonlarni tadqiq qilishda ishlatiladi.
TEMPERAMENT - shaxsning individual psixologik xususiyatlari majmui.
TEST - standartlashtirilgan psixologik sinov.
TOLERANTLIK - birorta yoqimsiz omilga chidamlilik yoki kam e’tibor berish holati.
TUSHUNISH — biror narsaning manosi va ahamiyatini anglash qobiliyati. UMUMIY PSIXOLOGIYA - psixologiyaning umumiy qonuniyatlarini, nazariy asoslarini, metodlarini nazariy va eksperimental tadqiq qiluvchi sohasi. USTANOVKA - kishining tevarak-atrofidagi odamlarga yoki obyektlarga nisbatan qanday munosabatda bo‘lish, ularni ma’lum darajada idrok qilish, sezish, ularga baho berish va qandaydir harakat qilishga tayyorgarligini anglatadigan holat. FAOLIYAT - insongagina xos, ong bilan boshqariladigan ehtiyojlar tufayli paydo boMadigan va tashqi olamni o‘zgartirishga yo‘naltirilgan faolligi.
