Hal-hazırda Xəzər dənizinin Azərbaycan sektorunda neft-qaz yataqlarının mənimsənilməsi məqsədilə çoxlu sayda hidrotexniki qurğular istismardadır və yeniləri tikilir

Şək. 1 Dəniz obyektlərində baş verən insidentlərin coğrafi
vəziyyətindən asılı olaraq paylanması

Cədvəl
Dəniz obyektləri üçün əsas təbii təhlükələrin statistikası

Təbii Təhlükələr	Dünya	Avropa
Pis hava şəraiti	546	279
Şimşəklər	17	13
Zəlzələlər	5	3
Fırtınalar	513	7
Şaxtaların düşməsi	4	1
CƏMİ	1085	303

Şək. 2. Zədələnmə dərəcələrinin statistikası

Ayrıca olaraq, stasionar platformalarda təbii təsirlərdən yaranan zədələnmələrin statistikasına baxaq. Buradan aydın olur ki, stasionar platformalar üçün əsas təhlükəni dalğa amili təşkil edir. Belə ki, hündür dalğalar qazma qurğusunu tutsa, aşma təhlükəsi qaçılmazdır. Küləyin gücündən də platformaların və qazma qurğusunun aşması müşahidə olunub. Bundan başqa şaxtadan quyuları atqı xətlərində təbii qazın donmasının baş verməsi və nəticədə xəttin tam dağılması müşahidə olunmuşdur.

Metal dayaq blokları olan platformalarda baş verən qəzaların üçdə ikisi fırtına nəticəsində baş vermişdir və platformanın dağılması ilə müşahidə olunmuşdur. Bu əsasən kiçik dərinliklərdə baş vermişdir. Fırtına nəticəsində həmçinin boruların birləşmə yerlərində, dik borularda, quyuağzı avadanlıqlarda ciddi zədələnmə hallarına rast gəlinmişdir.
Bəzi hallarda ciddi zədələnmələr blokun ayaqlarının dəniz dibinə bərkidilməsi yerlərində qruntun yuyulması və sürüşməsi hesabına baş vermişdir. Belə ki, fırtınaların təsirindən bu yerlər əlavə yüklənməyə məruz qalır.
Az da olsa helikopter meydançasında kicik zədələnmələrdən başlayaraq tam dağılmaya qədər müşahidə olunmuşdur.
Onu demək lazımdır ki, beton dayaq blokları olan platformalar daha dayanıqlı olur və demək olar ki, təbii təsirlərdən onların tam dağılması hallarına rast gəlinmir.
Statistikadan bəlli olmuşdur ki, platformaların dağılması halları o zaman baş verir ki, ərazidə müşahidə olunan külək və dalğa parametrləri hesabi qiymətləri aşmış olur. Bunun üçün ərazidə meteoroloji vəziyyətə dair göstəricilər yenilənməlidir. Misal üçün, Meksika körfəzində fırtınalar nəticəsində bir neçə platformaların aşmasından sonra layihələndirilmə zamanı hesablanmalar aparıldıqda küləyin sürəti və dalğanın hündürlüyü hesabi qiymətləri xeyli artırılmışdır.